ಕೆಟಿಎಂ ಡ್ಯೂಕ್ 390 ಬೈಕ್ ಅಪಘಾತ : ಸವಾರ ಸ್ಥಳದಲ್ಲಿಯೇ ಸಾವು

ಪುಣೆ ನಗರದಲ್ಲಿರುವ ಕರ್ವೆ ರಸ್ತೆಯಲ್ಲಿ ಮೇ15 ರ ಮುಂಜಾನೆ ಸರಿ ಸುಮಾರು ಒಂದು ಗಂಟೆಗೆ ಈ ದುರ್ಘಟನೆ ಸಂಭವಿಸಿದ್ದು, ಘಟನೆಯಲ್ಲಿ ಮೃತಪಟ್ಟವರು ವೀರ್ ಸಾವರ್ಕರ್ ಎನ್ನಲಾಗಿದೆ.

ಹೆಚ್ಚು ಕಡಿಮೆ 40 ಮೀಟರ್ ಎತ್ತರದಿಂದ ಬೈಕ್ ಹಾರಿದ್ದು, ಬೈಕ್ ಸವಾರ ನೆಲಕ್ಕೆ ಅಪ್ಪಳಿಸಿದ ರಭಸಕ್ಕೆ ಸ್ಥಳದಲ್ಲಿಯೇ ಪ್ರಾಣ ಪಕ್ಷಿ ಹಾರಿ ಹೋಗಿದೆ.

ಮಾಹಿತಿ ಪ್ರಕಾರ ಮೃತ ವ್ಯಕ್ತಿಯು ಸಾರರ್ಕರ್ ಆಟೋಮೊಬೈಲ್ಸ್‌ನ ಮಾಲೀಕರು ಎನ್ನಲಾಗಿದ್ದು, ತಮ್ಮ ಸ್ನೇಹಿತನೊಂದಿಗೆ ಮಧ್ಯರಾತ್ರಿ ಮನೆಗೆ ತೆರಳುತ್ತಿದ್ದರು ಎನ್ನಲಾಗಿದೆ.

ಘಟನೆಗೆ ಸಂಬಂಧಿಸಿದಂತೆ ಬೈಕ್ ಸವಾರ ಹೆಚ್ಚು ವೇಗವೇ ಈ ಅಪಘಾತಕ್ಕೆ ಕಾರಣ ಎನ್ನಲಾಗಿದ್ದು, ಎಷ್ಟು ಕಿ.ಮೀ ವೇಗವಾಗಿ ತೆರಳುತ್ತಿದ್ದರು ಎಂಬುದರ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ.

ಕೇವಲ 2.5 ಅಡಿ ಉದ್ದದ ಫ್ಲೈಓವರ್ ಸಿಮೆಂಟ್ ಗೋಡೆ ಹಾರಿದ್ದನ್ನು ಗಮನಿಸಿದ ಸ್ನೇಹಿತರು ತಕ್ಷಣ ಸ್ಥಳಕ್ಕೆ ಧಾವಿಸಿ ತೀವ್ರವಾಗಿ ಗಾಯಗೊಂಡಿದ್ದ ವೀರ್ ಸಾವರ್ಕರ್ ಅವರನ್ನು ತಕ್ಷಣ ಆಸ್ಪತ್ರೆಗೆ ಸೇರಿಸಿದ್ದಾರೆ.

ಇಬ್ಬರು ಹೆಣ್ಣುಮಕ್ಕಳ ತಂದೆಯಾಗಿರುವ ವೀರ್ ಸಾವರ್ಕರ್, ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದು, ವಿಷಾದಕರ ಸಂಗತಿಯಾಗಿದೆ.

ಈ ಅಪಘಾತದ ಸಮಯದಲ್ಲಿ ಹೆಲ್ಮೆಟ್ ಧರಿಸಿದ್ದ ವೀರ್ ಸಾವರ್ಕರ್ ಅವರ ದೇಹಕ್ಕೆ ಹೆಚ್ಚಿನ ಮಟ್ಟದ ಗಾಯಗಳಾಗಿದ್ದು, ಆಂತರಿಕ ರಕ್ತಸ್ರಾವ ಉಂಟಾಗಿ ಸಾವನ್ನಪ್ಪಿದ್ದಾರೆ.

ಸ್ಥಳೀಯ ಮಾಧ್ಯಮಗಳು ಪುಣೆಯಲ್ಲಿರುವ ರಸ್ತೆಗಳ ಕೆಟ್ಟ ಸ್ಥಿತಿಯೇ ಈ ಅವಘಡಕ್ಕೆ ಕಾರಣ ಎಂದು ಬಿತ್ತರಿಸುತ್ತಿದ್ದು, ಪೊಲೀಸರು ಮಾತ್ರ ವೇಗವೇ ಇದಕ್ಕೆಲ್ಲಾ ಕಾರಣ ಎನ್ನುತ್ತಿವೆ.