ಲಂಬೋರ್ಗಿನಿ ಕಾರಿನ ಬೆಂಕಿಯ ಹಿಂದೆ ಮನೆ ಮಾಡಿದ ನಿಗೂಢತೆ

ದಕ್ಷಿಣ ದೆಹಲಿಯ ಬದರ್‌ಪುರದಲ್ಲಿ 2.5 ಕೋಟಿ ರುಪಾಯಿಗಳಷ್ಟು ದುಬಾರಿಯ ಲಂಬೋರ್ಗಿನಿ ಗಲರ್ಡೊ ಸೂಪರ್ ಕಾರಿಗೆ ಸಡನ್ ಆಗಿ ಬೆಂಕಿ ಹಚ್ಚಿಕೊಂಡಿತ್ತು.

ಕಾರಿನ ಹಿಂಭಾಗದಲ್ಲಿ ಮೊದಲು ಬೆಂಕಿ ಕಾಣಿಸಿಕೊಂಡಿರುವುದಾಗಿ ಪ್ರತ್ಯಕ್ಷದರ್ಶಿಗಳು ವಿವರಿಸುತ್ತಾರೆ.

ಆದರೆ ಅದೃಷ್ಟವಶಾತ್ ಚಾಲಕ ಯಾವುದೇ ಪ್ರಾಣಾಪಾಯವಿಲ್ಲದೆ ಪಾರಾಗುವಲ್ಲಿ ಯಶಸ್ವಿಯಾಗಿದ್ದಾನೆ.

ಐಷಾರಾಮಿ ಲಂಬೋರ್ಗಿನಿ ಕಾರಿನ ಹಿಂಭಾಗದಲ್ಲಿ ಶಕ್ತಿಶಾಲಿ 5.2 ಲೀಟರ್ ಎಂಜಿನ್ ಆಳವಡಿಸಲಾಗಿದೆ.

ಪ್ರಾಥಮಿಕ ವರದಿಗಳ ಪ್ರಕಾರ ಇಂಧನ ಟ್ಯಾಂಕ್ ನಲ್ಲಿ ಲೀಕೇಜ್ ಕಂಡುಬಂದಿದೆ ಎಂಬುದು ತಿಳಿದು ಬಂದಿದೆ. ಆದರೆ ಸಂಸ್ಥೆಯ ಮೂಲಗಳು ಇದನ್ನು ನಿರಾಕರಿಸುತ್ತಿದೆ. ಇದರೊಂದಿಗೆ ಕಾರಿಗೆ ಬೆಂಕಿ ಹಚ್ಚಿಕೊಂಡಿರುವುದರ ಹಿಂದೆ ನಿಗೂಢತೆ ಮನೆ ಮಾಡಿದೆ.

ನಿಮ್ಮ ಮಾಹಿತಿಗಾಗಿ ಸರಿ ಸುಮಾರು 10 ವರ್ಷಗಳಷ್ಟು ಕಾಲ ಮಾರಾಟದಲ್ಲಿದ್ದ ಗಲರ್ಡೊ ಕಾರಿನ ಉತ್ಪಾದನೆಯನ್ನು 2013ರಲ್ಲಿ ಇಟಲಿಯ ಐಕಾನಿಕ್ ಸಂಸ್ಥೆಯು ಹಿಂಪಡೆದಿತ್ತು. ಇದರ ಸ್ಥಾನವನ್ನು ಮತ್ತಷ್ಟು ಆಕರ್ಷಕ ಹ್ಯುರಕನ್ ಕಾರು ತುಂಬಿಕೊಂಡಿತ್ತು.