58 ಮಂದಿಯಿಂದ ನೂತನ ಫ್ಲೈ ಬೋರ್ಡ್ ಜೆಟ್ ಪ್ಯಾಕ್ ದಾಖಲೆ

ಫ್ರಾನ್ಸ್‌ನ cavalaire-su-mer ಸಮುದ್ರ ಕಿನಾರೆಯಲ್ಲಿ ದಾಖಲೆ ಸ್ಥಾಪನೆಯಾಗಿದ್ದು, ವಿಶ್ವದ ಅತಿ ದೊಡ್ಡ ಜೆಟ್ ಪ್ಯಾಕ್ ಫ್ಲೈಟ್ ರಚನೆ ಎಂಬ ಗೌರವಕ್ಕೆ ಪಾತ್ರವಾಗಿದೆ.

ಬ್ರೆಟ್ಲಿಂಗ್ ಫ್ಲೈ ಬೋರ್ಡ್ ಫ್ಯಾಮಿಲಿಯ ಸದಸ್ಯರಾಗಿರುವ 58 ಸ್ಪರ್ಧಿಗಳು ಏಕಕಾಲದಲ್ಲಿ ನೀರಿನ ಚಿಮ್ಮುಚೀಲದಲ್ಲಿ ಸಾಹಸ ಪ್ರದರ್ಶನಗೈದಿದ್ದರು.

ಪ್ರತ್ಯಕ್ಷದರ್ಶಿಯ ಪ್ರಕಾರ, ವಾಟರ್ ಜೆಟ್ ಪ್ಯಾಕ್ ಸಾಹಸ ಸ್ಟಂಟ್ ನೋಡುವುದೇ ಅತೀವ ಆನಂದದ ಜೊತೆಗೆ ರೋಚಕತೆಗೆ ಕಾರಣವಾಗಿತ್ತು.

ನೀರಿನಿಂದ ಆಗಸಕ್ಕೆ ಚಿಮ್ಮುವ ಸ್ಪರ್ಧಾಳುಗಳು ಮತ್ತೆ ನೀರೊಳಗೆ ಧುಮುಕಿ ಸರ್ಕಸ್ ರೀತಿಯಲ್ಲಿ ಸಾಹಸ ಪ್ರದರ್ಶನದ ರಸದೌತಣದ ಅನುಭವ ನೀಡಿದ್ದರು.

ಈ ಸಂದರ್ಭದಲ್ಲಿ 2015ರ ಉತ್ತರ ಅಮೆರಿಕ ಫ್ಲೈ ಬೋರ್ಡ್ ಚಾಂಪಿಯನ್ ಡೆಮೋನ್ ರಿಪ್ಪಿ (Damone Rippy) ತನ್ನ ನೆಚ್ಚಿನ 'ಐ ಆಫ್ ದಿ ಸ್ಟ್ರೋಮ್' ಡಬಲ್ ಬ್ಯಾಕ್ ಪ್ಲಿಪ್ ಸಾಹಸ ಪ್ರದರ್ಶನ ನೀಡುವ ಮೂಲಕ ಗಮನಸೆಳೆದರು.

ಈ ವಿಶ್ವದಾಖಲೆಯ ಪ್ರದರ್ಶನವನ್ನು ಕಳೆದ ಜೂನ್ ತಿಂಗಳಲ್ಲಿ ಹಮ್ಮಿಕೊಳ್ಳಲಾಗಿತ್ತು. ಈಗ ಗಿನ್ನೆಸ್ ಬುಕ್ಸ್ ಆಫ್ ರೆಕಾರ್ಡ್‌ನಿಂದ ಅಧಿಕೃತ ದಾಖಲೆಯ ಮಾನ್ಯತೆಗೆ ಪಾತ್ರವಾಗಿದೆ.

ನಿಮ್ಮ ಮಾಹಿತಿಗಾಗಿ, ಫ್ಲೈ ಬೋರ್ಡ್ ಎಂಬುದು ವಾಟರ್ ಜೆಟ್ ಪ್ಯಾಕ್ ಅಥವಾ ಚಿಮ್ಮುಚೀಲದಿಂದ ಪ್ರದರ್ಶಿಸಿರುವ ವಿಶಿಷ್ಟ ರೀತಿಯ ಸಾಹಸ ಜಲಕ್ರೀಡೆಯಾಗಿದೆ.

ಕಳೆದ ಕೆಲವು ವರ್ಷಗಳಿಂದ ನೀರು ಹಾಗೂ ವಾಯುವಿನಲ್ಲಿ ಪ್ರದರ್ಶಿಸುವ ಫ್ಲೈ ಬೋರ್ಡ್ ಸ್ಟಂಟ್ ಶೋಗಳು ಹೆಚ್ಚು ಜನಪ್ರಿಯತೆಗೆ ಸಾಕ್ಷಿಯಾಗುತ್ತಿದೆ.

ರೋಚಕ ವೀಡಿಯೋ ವೀಕ್ಷಿಸಿ