ವಿಮಾನಯಾನಕ್ಕೆ ಭೀತಿ ತಂದಿತ್ತ ಲೇಸರ್ ಕಿರಣ ದಾಳಿ ಪ್ರಕರಣ

ವಿಮಾನ ಟೇಕ್ ಆಫ್ ಅಥವಾ ಲ್ಯಾಂಡಿಂಗ್ ವೇಳೆಯಲ್ಲಿ ಕಾಕ್ ಪಿಟ್ ನತ್ತ ಬೀರುವ ಲೇಸರ್ ಕಿರಣಗಳು ಭಾರಿ ಅವಘಡಗಳಿಗೆ ಕಾರಣವಾಗುತ್ತಿದೆ.

ತೀವ್ರತರಹದ ಪ್ರಕಾಶಮಾನವಾದ ಲೇಸರ್ ಕಿರಣಗಳು ಪೈಲಟ್ ಗಳ ತಾತ್ಕಾಲಿಕ ಕುರುಡುತನಕ್ಕೆ ಕಾರಣವಾಗುತ್ತದೆ. ಇದರಿಂದ ವಿಮಾನಗಳ ನಿಯಂತ್ರಣ ತಪ್ಪುತ್ತದೆ.

ವಿಮಾನ ಲ್ಯಾಂಡಿಂಗ್ ಅಥವಾ ಟೇಕ್ ಆಫ್ ಗಳಂತಹ ತುರ್ತು ವೇಳೆಯಲ್ಲಿ ಪೈಲಟ್ ಗಳು ಅತಿ ಹೆಚ್ಚು ಕಾರ್ಯ ಮಗ್ನವಾಗಿರುತ್ತದೆ. ಆದರೆ ಆಕಾಶದತ್ತ ಬೀಸುವ ಇಂತಹ ಲೇಸರ್ ಕಿರಣಗಳಿಂದಾಗಿ ಅವಘಡಗಳು ಸೃಷ್ಟಿಯಾಗುತ್ತದೆ.

ಲೇಸರ್ ಕಿರಣಗಳು ಎಷ್ಟೊಂದು ಪ್ರಭಾವಶಾಲಿ ಎಂದರೆ ಇದು ಪೈಲಟ್ ಗಳ ಶಾಶ್ವತ ಕುರುಡುತನಕ್ಕೆ ಕಾರಣವಾಗುತ್ತಿದೆ.

ಕೇವಲ ಪೈಲಟ್ ಗಳು ಮಾತ್ರವಲ್ಲದೆ ಪ್ರಯಾಣಿಕರ ಮೇಲೂ ಲೇಸರ್ ವಿಕಿರಣಗಳ ಪ್ರಭಾವ ತಗಲಿರುವ ಘಟನೆಗಳು ವರದಿಯಾಗಿದೆ.

ವಿಶ್ಲೇಷಕರ ಪ್ರಕಾರ ಲೇಸರ್ ಆಯುಧಗಳನ್ನು ಮಿಲಿಟರಿ ಅಗತ್ಯಗಳಿಗೆ ಬಳಕೆ ಮಾಡಲಾಗುತ್ತಿದ್ದು, ಅಭಿವೃದ್ಧಿ ಹಂತದಲ್ಲಿದೆ.

ಇವುಗಳು ಹೆಚ್ಚು ದುಬಾರಿ ಹಾಗೂ ವಿಮಾನಗಳ ರಚನಾತ್ಮಕಕ್ಕೆ ಹಾನಿಯನ್ನುಂಟು ಮಾಡುತ್ತದೆ. ಅಲ್ಲದೆ ಮಿಲಿಟರಿಯೇತರ ಲೇಸರ್ ಗಳನ್ನು ಪ್ರಯೋಗಿಸುವುದರಿಂದ ಇಂತಹ ಅವಘಡ ಪ್ರಸಂಗಗಳು ಘಟಿಸುತ್ತಿದೆ.

ಭೂಮಿಯಲ್ಲಿ ನಿಂತು ಲೇಸರ್ ಕಿರಣಗಳನ್ನು ಪ್ರಯೋಗಿಸುವ ವ್ಯಕ್ತಿಗಳು ಈ ಬಗ್ಗೆ ಎಚ್ಚರ ವಹಿಸಿದರೆ ಅಪಘಾತವನ್ನು ಸಾಧ್ಯವಾದಷ್ಟು ತಡೆಗಟ್ಟಬಹುದಾಗಿದೆ.

ಅಜ್ಞಾತ ವ್ಯಕ್ತಿಗಳು ವಿಮಾನಗಳ ಮೇಲೆ ಲೇಸರ್ ಕಿರಣಗಳನ್ನು ಪ್ರಯೋಗಿಸುವುದರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಎಚ್ಚರಿಸಲಾಗಿದೆ.

ವಾತಾವರಣದ ದೂರಸಂವೇದಿಗಳಂತಹ ಸಂಶೋಧನೆಗಳಿಗಾಗಿ ಲೇಸರ್ ಗಳನ್ನು ಬಳಕೆ ಮಾಡಲಾಗುತ್ತದೆ. ಇನ್ನು ಕೆಲವು ಬಾರಿ ರಾತ್ರಿ ಸಮಯದಲ್ಲಿ ತೆರೆದ ಜಾಗಗಳಲ್ಲಿ ನಡೆಯುವ ಮನರಂಜನೆ ಕಾರ್ಯಕ್ರಮಗಳಲ್ಲಿ ಲೇಸರ್ ಕಿರಣಗಳನ್ನು ಬಳಕೆ ಮಾಡಲಾಗುತ್ತದೆ.

ಇದು ಕೆಲವು ಸಂದರ್ಭದಲ್ಲಿ ಉದ್ದೇಶಪೂರ್ವಕ ಅಥವಾ ಆಕಸ್ಮಿಕವಾಗಿ ಆಕಾಶದಲ್ಲಿ ಸಂಚರಿಸುವ ವಿಮಾನಗಳ ಮೇಲೆ ದಾಳಿಯಿಡುವ ಸಾಧ್ಯತೆಯಿರುತ್ತದೆ. ಇದರಿಂದ ಅವಘಡಗಳು ಸಂಭವಿಸುತ್ತದೆ.

ವಿಮಾನಗಳ ಮೇಲೆ ಸಂಭವಿಸುತ್ತಿರುವ ಲೇಸರ್ ದಾಳಿ ಪ್ರಕರಣಗಳು ವರ್ಷದಿಂದ ವರ್ಷಕ್ಕೆ ಹೆಚ್ಚಾಗುತ್ತಲೇ ಇದ್ದು, ಸಾವಿರಾರು ಪ್ರಕರಣಗಳು ದಾಖಲಾಗಿವೆ ಎಂದು ಮೂಲಗಳು ತಿಳಿಸಿವೆ.