ಫೆರಾರಿ ಎಂಜಿನ್ ಪಡೆದ ಲಝರೆತ್ ಮೋಟಾರ್ ಸೈಕಲ್

ಲಜರೆತ್ ವಝುಮಾ ವಿ8ಎಫ್ ಕ್ವಾಡ್ ಗಾಡಿ ಈಗಾಗಲೇ ಉತ್ಪಾದನಾ ವರ್ಷನ್ ಪಡೆದುಕೊಳ್ಳುತ್ತಿದೆ. ಅಂದರೆ ಗ್ರಾಹಕರ ಬೇಡಿಕೆಯಸರವಾಗಿ ಸಿದ್ಧಗೊಳ್ಳಲಿದೆ.

ಫ್ರಾನ್ಸ್‌ನ ಹೆಸರಾಂತ ಕಸ್ಟಮೈಸ್ಡ್ ಕಾರು ಹಾಗೂ ಮೋಟಾರ್ ಸೈಕಲ್ ತಯಾರಕರಾದ ಲಾಜರೆತ್ ಎಂಬ ಸಂಸ್ಥೆಯು ಈ ಅದ್ಭುತ ವಝಮಾ ವಿ8ಎಫ್ ವಾಹನವನ್ನು ತಯಾರಿಸಿದೆ.

ಏಕಮಾತ್ರ ಪ್ರಯಾಣಿಕರಿಗೆ ಪಯಣಸಬಹುದಾದ ಈ ವಾಹನದಲ್ಲಿ ಫೆರಾರಿಯ ಶಕ್ತಿಶಾಲಿ ವಿ8 ಎಂಜಿನ್ ಆಳವಡಿಸಲಾಗಿದೆ. ಹಾಗೆಯೇ ನಾಲ್ಕು ಚಕ್ರಗಳ ಜತೆ ಅಗತ್ಯ ಬಿಡಿಭಾಗಳನ್ನು ಹೊಂದಿದೆ.

ಮೊದಲ ಮಾದರಿಯಲ್ಲಿ 1970ರ ದಶಕದ ಫೆರಾರಿ 308ನಲ್ಲಿದ್ದ 3.0 ಲೀಟರ್ ವಿ8 ಎಂಜಿನ್ ಆಳವಡಿಸಲಾಗಿದೆ. ಇದು 250 ಅಶ್ವಶಕ್ತಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಬಿಎಂಡಬ್ಲ್ಯು ಎಂ3ಯ ಆರು ಸ್ಪೀಡ್ ಟ್ರಾನ್ಸ್‌ಮಿಷನ್ ಹೊಂದಿದೆ.

ಫೆರಾರಿ 458 ಇಟಲಿಯ ಸೂಪರ್ ಕಾರಿನ ಜತೆ ಹೋಲಿಸಬಹುದಾದ ವಝುಮಾ ವಿ8ಎಫ್ 650 ಕೆ.ಜಿ. ಭಾರ ಹೊಂದಿದೆ.

ಹಾಗೆಯೇ ಗಂಟೆಗೆ 322 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿದೆ.

ಇನ್ನು ಪವರ್ ಸ್ಟೀರಿಂಗ್‌ಗಳಂತಹ ಆಧುನಿಕ ಫೀಚರ್ಸ್‌ಗಳನ್ನು ಪಡೆದಿದೆ.

ಅಷ್ಟಕ್ಕೂ ಜನ ಸಾಮಾನ್ಯರಿಗಂತೂ ಇದನ್ನು ಖರೀದಿಸುವುದು ಅಸಾಧ್ಯದ ಮಾತು. ಯಾಕೆಂದರೆ ಇದು 2 ಕೋಟಿ ರು.ಗಳಷ್ಟು ದುಬಾರಿಯೆನಿಸಲಿದೆ.