ಬೈಕ್‌ಗೆ ಗುಡ್‌ಬೈ ಹೇಳಿ; ಬಂದಿದೆ ಯಾಂತ್ರೀಕೃತ ರಾಕೆಟ್ ಸ್ಕೇಟ್

ಲಾಸ್ ಏಜಂಲೀಸ್ ಸಂಶೋಧಕರು ಈ ಅತಿ ನೂತನ ಯಾತ್ರೀಕೃತ ರೋಲರ್ ಸ್ಕೇಟಿಂಗ್ ಕಂಡುಹುಡುಕಿದ್ದಾರೆ. ಇದು ಕಾಲಿನ ಚಲನವಲನಗಳನ್ನು ಮಾನೀಟರು ಮಾಡಿಕೊಂಡು ಚಲಿಸಲಿದೆ. ಅಂದರೆ ನೀವು ಬಯಸಿದ ರೀತಿಯಲ್ಲಿ ಹಿಂದೂ ಮುಂದಕ್ಕೆ ಚಲಿಸಬಹುದು.

ವೇಗವರ್ಧನೆಗಾಗಿ ಮುಂದಕ್ಕೆ ಬಾಗಿದರೆ ಸಾಕು. ಹಾಗೆಯೇ ಹಿಂದಕ್ಕೆ ಬಾಗಿದರೆ ಬ್ರೇಕ್ ಬೀಳಲಿದೆ. ಆರಂಭದಲ್ಲಿ ಇದು ಸ್ವಲ್ಪ ಕಷ್ಟವೆನಿಸಿದರೂ ಕೆಲವೇ ದಿನಗಳಲ್ಲಿ ಅಭ್ಯಾಸಿಸಬಹುದಾಗಿದೆ.

ವಿದ್ಯುತ್ ನಿಯಂತ್ರಿತ ಈ ರಾಕೆಟ್ ಸ್ಕೇಟ್‌ನಲ್ಲಿ ಎರಡು ಮೋಟಾರು ಹಬ್‌ಗಳು ಇರಲಿದೆ. ಇದರಲ್ಲಿ ಆನ್ ಬೋರ್ಡ್ ಮೈಕ್ರೋಪ್ರೊಸೆಸರ್ ಹಾಗೂ ಲಿಥಿಯಂ ಇಯಾನ್ ಬ್ಯಾಟರಿ ನಿಯಂತ್ರಣ ಪ್ರಮುಖವಾಗಿರಲಿದೆ.

ಇದಕ್ಕೆ ಯಾವುದೇ ರಿಮೋಟ್ ಕಂಟ್ರೋಲರ್ ಅಥವಾ ಸಂಪೂರ್ಣ ವೈರ್‌ಲೆಸ್ ಎಂದೇ ವ್ಯಾಖ್ಯಾನಿಸಬಹುದು. ಇದು ಮೂರು ಮಾದರಿಗಳಲ್ಲಿ ದೊರಕಲಿದೆ.

ಇದರ ಲಿಥಿಯಂ ಇಯಾನ್ ಬ್ಯಾಟರಿ 1.5 ತಾಸುಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಆಗಲಿದೆ. ಅಂತೆಯೇ ಗರಿಷ್ಠ ಗಂಟೆಗೆ 19 ಕೀ.ಮೀ. ವೇಗದಲ್ಲಿ ಸಾಗುವ ಸಾಮರ್ಥ್ಯ ಹೊಂದಿದೆ.

ಮಗದೊಂದು ಆಕರ್ಷಕ ವೈಶಿಷ್ಟ್ಯವೆಂದರೆ ಇದರ ಬಳಕೆಯಿಲ್ಲದಿದ್ದಾಗ ಮನೆಯ ಭದ್ರತಾ ರೋಬೊಟ್ ಆಗಿಯೂ ಬಳಕೆ ಮಾಡಬಹುದಾಗಿದೆ.

ಒಟ್ಟಾರೆಯಾಗಿ ರಾಕೆಟ್ ಸ್ಕೇಟ್ ಬಳಕೆಯೊಂದಿಗೆ ಇನ್ನು ಮುಂದೆ ಮೆಟ್ಟಲು ಏರಿಳಿಯುವುದು, ಓಡಾಡುವುದು ಎಲ್ಲವೂ ತುಂಬಾನೇ ಸುಲಭ. ಸ್ಕೇಟ್ ನಿರ್ವಹಣೆಗಾಗಿ ವಿಶೇಷ ಅಪ್ಲಿಕೇಷನ್ ಸೌಲಭ್ಯ ಸಹ ಕೊಡಲಾಗಿದೆ. ಇದರಲ್ಲಿ ಸ್ಕೇಟ್ ಟ್ರ್ಯಾಕಿಂಗ್, ಗೇಮ್ ಹಾಗೂ ಸಾಮಾಜಿಕ ಚಟುವಟಿಕೆಗಳ ಸೌಲಭ್ಯವಿರಲಿದೆ.

ವೀಡಿಯೋ ವೀಕ್ಷಿಸಿ