ರೋಲ್ಸ್ ರಾಯ್ಸ್ ವಿವಾಹ ಕಾರಿಗೆ ಎದುರಾಯ್ತು ವಿಘ್ನ

ಚೀನಾದ ಶಾನ್ ಡಾಂಗ್ ಪ್ರಾಂತ್ಯದಿಂದ ರೋಲ್ಸ್ ರಾಯ್ಸ್ ವಿವಾಹ ಕಾರಿನ ಅಪಘಾತ ಸುದ್ದಿಯು ವರದಿಯಾಗಿದೆ. ಈ ದುಬಾರಿ ಕಾರನ್ನು ಬಾಡಿಗೆಗೆ ಪಡೆಯಲಾಗಿತ್ತು ಎಂಬುದು ಇನ್ನು ಗಮನಾರ್ಹ ಸಂಗತಿಯಾಗಿದೆ.

ಟೊಯೊಟಾ ಐಯ್ಗೊ ಸಣ್ಣ ಕಾರಿಗೆ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರು ಢಿಕ್ಕಿ ಹೊಡೆದಿದೆ. ಅದೃಷ್ಟವಶಾತ್ ಅಪಘಾತ ನಡೆಯುವ ವೇಳೆಯಲ್ಲಿ ನವ ದಂಪತಿಗಳು ಕಾರಿನಲ್ಲಿರಲಿಲ್ಲ.

ಬಳಿಕ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ದೂರು ದಾಖಲಿಸಿಕೊಂಡಿದ್ದಾರೆ. ಆದರೆ ಕಾರಿಗೆ ಸಣ್ಣ ಪುಟ್ಟ ಹಾನಿ ಹೊರತುಪಡಿಸಿದರೆ ಯಾರಿಗೆ ಗಾಯಗಳಾಗಿಲ್ಲ.

ಹಾಗಿದ್ದರೂ ಮದುವೆ ಕಾರು ಬಾಡಿಗೆಗೆ ಪಡೆದ ವ್ಯಕ್ತಿ ಮಾತ್ರ ರೋಲ್ಸ್ ರಾಯ್ಸ್ ಘೋಸ್ಟ್ ಕಾರಿನ ರಿಪೇರಿ ಕೆಲಸಕ್ಕಾಗಿ ಲಕ್ಷಗಟ್ಟಲೆ ಖರ್ಚು ಮಾಡಬೇಕಾಗಿತು. ಕೋಟಿ ಗಟ್ಟಲೆ ಬೆಲೆ ಬಾಳುವ ಕಾರು ಆಗಿರುವುದರಿಂದ ರಿಪೇರಿಗಾಗಿ ಹೆಚ್ಚು ಖರ್ಚು ತಗುಲಲಿದೆ.

ಅಂತೂ ಇಂತೂ ಕೊನೆಗೂ ಮದುವೆ ಸಮಾರಂಭ ಮಾತ್ರ ಶುಭ ಅಂತ್ಯವನ್ನು ಕಂಡಿರುವುದು ಸಂತಸದಾಯಕ ವಿಚಾರವಾಗಿದೆ.