ಕಳುವಾದ ಕಾರು 33 ವರ್ಷಗಳ ಬಳಿಕ ಮಾಲಿಕನ ಮಡಿಲಿಗೆ

1979ನೇ ಇಸವಿಯ ಜುಲೈ ತಿಂಗಳಲ್ಲಿ ಖರೀದಿಸಿದ್ದ ಷೆವರ್ಲೆ ಕಾರ್ವೆಟ್ ಸ್ಪೋರ್ಟ್ಸ್ ಕಾರು ಡೆಟ್ರಾಯ್ಟ್ ಪ್ರದೇಶದಲ್ಲಿ ಕಳ್ಳತನವಾಗಿತ್ತು.

ಇದರಿಂದಾಗಿ ಸಾಕಷ್ಟು ಬೇಸರಕ್ಕೀಡಾಗಿದ್ದ ಜಾರ್ಜ್, ಎಂದಿನಂತೆ ತಮ್ಮ ನಿತ್ಯ ಜೀವನದಲ್ಲಿ ತೊಡಗಿದ್ದರು. ಆದರೆ ಕೆಲವು ದಿನಗಳ ಹಿಂದೆಯಷ್ಟೇ ಅಮೆರಿಕನ್ ಮೋಟರಿಂಗ್ ಸಂಸ್ಥೆಯಿಂದ ಬಂದ ದೂರವಾಣಿ ಕರೆಯು ಅವರನ್ನು ನಿಜಕ್ಕೂ ಆಶ್ಚರ್ಯ ಚಕಿತಗೊಳಿಸಿತ್ತು.

ಕಳುವಾದ ತಮ್ಮ ಕಾರು ಮರಳಿ ಪಡೆಯಲಾಗಿದೆ ಎಂಬ ಮಾತು ಕೇಳಿದ ಬಳಿಕ 71ರ ಹರೆಯದ ಜಾರ್ಜ್ ಅವರಲ್ಲಿ ಮತ್ತೆ ಮರು ಜೀವ ತುಂಬಿಕೊಂಡಿತ್ತು. ನಾನು ಕಾರ್ವೆಟ್ ಕಾರುಗಳನ್ನು ತುಂಬಾನೇ ಇಷ್ಟಪಡುತ್ತೇನೆ. ಅದು ಚೆಲುವೆಯಂತಹ ನೋಟ ಹೊಂದಿರುತ್ತದೆ ಎಂದು ತಮ್ಮ ಕಾರನ್ನು ವರ್ಣಿಸಿದ್ದಾರೆ.

1981ನೇ ಇಸವಿಯಲ್ಲೇ ಪೊಲೀಸ್ ದೂರು ದಾಖಲಿಸಿದರೂ ಯಾವುದೇ ಫಲವುಂಟಾಗಲಿಲ್ಲ. ಆದರೆ ಶಂಕಿತ ವ್ಯಕ್ತಿಯೊಬ್ಬರು 1979ರ ಕಾರ್ವೆಟ್ ಕಾರನ್ನು ಮತ್ತೆ ಅದೇ ಗುರುತಿನ ನಂಬರ್‌ನಿಂದ ದಾಖಲಾತಿ ಮಾಡುವ ಪ್ರಯತ್ನದ ವೇಳೆ ಪೊಲೀಸ್ ಬಲೆಗೆ ಸಿಕ್ಕಿ ಬಿದ್ದಿದ್ದಾರೆ. ಇದು ಜಾರ್ಜ್ ಕಾರು ಮರಳಿ ಪಡೆಯುವಲ್ಲಿ ಸಹಕಾರಿಯಾಗಿದೆ.

ಕಳ್ಳತನವಾದ ವೇಳೆ ಎರಡರ ಹರೆಯದಷ್ಟೇ ಆಗಿದ್ದ ಕಾರ್ವೆಟ್ ಕಾರೀಗ 47,000 ಮೈಲ್ ದೂರವನ್ನು ಕ್ರಮಿಸಿದೆ. ಹಾಗಿದ್ದರೂ 33 ವರ್ಷಗಳ ಬಳಿಕವೂ ಉತ್ತಮ ನಿರ್ವಹಣೆಯನ್ನು ಕಾಯ್ದುಕೊಂಡಿರುವುದು ಕಾರಿನ ಸಾಮರ್ಥ್ಯವನ್ನು ನಿರೂಪಿಸುತ್ತಿದೆ.

ಕಾರ್ವೆಟ್ ಸ್ಪೋಟ್ಸ್ ಕಾರು ಕಳ್ಳತನವಾದ ಬಳಿಕ ಇದರ ಬೇಸರ ನೀಗಿಸಿಕೊಳ್ಳಲು ನಾಲ್ಕು ಇಂತಹ ಕಾರ್ವೆಟ್ ಮಾದರಿಗಳನ್ನು ಜಾರ್ಜ್ ತಮ್ಮದಾಗಿಸಿಕೊಂಡಿದ್ದಾರೆ. ಆದರೆ ತಮ್ಮ ಕಳವಾದ ಕಾರಿಗೆ ವಿಮಾ ಸೌಲಭ್ಯ ಪಡೆಯುವಲ್ಲಿ ವಿಫಲವಾಗಿದ್ದರು.

ಸದ್ಯ ತಮ್ಮ ಮಾಜಿ ಉದ್ಯೋಗಿ ಕೂಡಾ ಆಗಿರುವ ಜಾರ್ಜ್ ಅವರಿಗೆ ಕಾರು ಹಿಂತಿರುಗಿಸುವಲ್ಲಿ ಸಾಧ್ಯವಾಗಿರುವುದಕ್ಕೆ ಜನರಲ್ ಮೋಟಾರ್ಸ್ ಸಂಸ್ಥೆಯು ಸಹ ಹರ್ಷ ವ್ಯಕ್ತಪಡಿಸಿದೆ.

ಕಾರ್ವೆಟ್ ಕಾರಿನ ಆಕರ್ಷಕ ನೋಟ

ನಿಮ್ಮ ಅನಿಸಿಕೆಗಳನ್ನು ನಮ್ಮ ಜೊತೆ ಹಂಚಿಕೊಳ್ಳಲು ಮರೆಯದಿರಿ