ಹಳಿತಪ್ಪಿದ ರೈಲಿನಿಂದ ನದಿಗೆ ಜಾರಿದ ಬೋಯಿಂಗ್ ವಿಮಾನ ಕವಚ

ಪಶ್ಚಿಮ ಅಮೆರಿಕ ಪ್ರಾಂತ್ಯವಾಗಿರುವ ಮೌಂಟನದ ಕ್ಲಾರ್ಕ್ ಫೋರ್ಕ್ ನದಿಯ ಅಸುಪಾಸಿನಲ್ಲಿ ಬೋಯಿಂಗ್ 737 ವಿಮಾನದ ಮೈಕಟ್ಟನ್ನು ಹೊತ್ತೊಯ್ಯುತ್ತಿದ್ದ ರೈಲು ಹಳಿ ತಪ್ಪಿದ ಕಾರಣ ಈ ದುರ್ಘಟನೆ ಸಂಭವಿಸಿದೆ.

ರೈಲಿನ 19 ಬೋಗಿಗಳು ಹಳಿತಪ್ಪಿರುವ ಬಗ್ಗೆ ಮಾಹಿತಿ ಲಭಿಸಿದೆ. ಆದರೆ ಇದುವರೆಗೆ ದುರಂತದ ನಿಖರ ಕಾರಣ ತಿಳಿದು ಬಂದಿಲ್ಲ. ಘಟನೆಯಲ್ಲಿ ಯಾರಿಗೂ ಗಾಯಗಳಾಗಿಲ್ಲ.

ಈ ಪೈಕಿ ಮೂರು ಬೋಯಿಂಗ್ 737 ವಿಮಾನದ ಕವಚಗಳು ನೇರವಾಗಿ ನದಿಗೆ ಧುಮುಕಿತ್ತು. ನದಿಯ ನೀರು ಹರಿವು ತೀವ್ರವಾಗಿದ್ದರಿಂದ ರಕ್ಷಣಾ ಸಿಬ್ಬಂದಿಗಳು ಸ್ವಲ್ಪ ಕಷ್ಟಪಡಬೇಕಾಯಿತು.

ಅವಘಡಕ್ಕೀರುವ ಕಾರಣಗಳು ತಿಳಿದು ಬಂದಿಲ್ಲ ಆದರೆ ಮೌಂಟನ ರೈಲ್ ಲಿಂಕ್ ವಕ್ತಾರ ಪ್ರಕಾರ, ಈ ನಿರ್ದಿಷ್ಟ ಪ್ರದೇಶದಲ್ಲಿ ರೈಲು ಸಂಚಾರಕ್ಕೆ ಗರಿಷ್ಠ ಗಂಟೆಗೆ 35 ಮೈಲ್ ವೇಗಮಿತಿ ಏರ್ಪಡಿಸಲಾಗಿರುತ್ತದೆ ಎಂದಿದ್ದಾರೆ.

ಬಳಿಕ ನಡೆದ ರಕ್ಷಣಾ ಕಾರ್ಯಾಚರಣೆಯ ಬಳಿಕ ರೈಲು ಜಾಲವನ್ನು ಪುನರಾರಂಭಿಸಲಾಗಿದೆ ಎಂದವರು ಸ್ಪಷ್ಟಪಡಿಸಿದರು.