ಕರೋನಾ ಹಾವಳಿಯ ನಡುವೆಯೂ ಹಳೆ ಚಾಳಿ ಬಿಡದ ಚೀನಾ..!

ಹೀಗೆ ನಕಲು ಮಾಡಲಾದ ಕಾರುಗಳು ಅಸಲಿಯಂತೆಯೇ ಕಾಣುತ್ತವೆ. ಅಸಲಿ ಯಾವುದು,ನಕಲಿ ಯಾವುದು ಎಂದು ಗುರುತಿಸುವುದೇ ಕಷ್ಟ. ಈ ಮೊದಲು ಚೀನಾದ ಕಾರು ತಯಾರಕ ಕಂಪನಿಗಳು ತಮ್ಮ ಪಾಶ್ಚಿಮಾತ್ಯ ಸ್ಪರ್ಧಿ ಕಂಪನಿಗಳ ಹೊಸ ಕಾರುಗಳನ್ನು ನಕಲು ಮಾಡಿ ತಮ್ಮ ದೇಶದಲ್ಲಿ ಮಾರಾಟ ಮಾಡುತ್ತಿದ್ದವು. ಇತ್ತೀಚೆಗೆ ಚೀನಾ ಸರ್ಕಾರವು ಮಧ್ಯಪ್ರವೇಶಿಸಿ ಈ ರೀತಿ ನಕಲು ಮಾಡುವುದರ ಮೇಲೆ ಹಲವು ನಿರ್ಬಂಧಗಳನ್ನು ಹೇರಿತ್ತು.

ಆದರೂ ಚೀನಾದ ಕಂಪನಿಗಳು ತಮ್ಮ ಹಳೆ ಚಾಳಿಯನ್ನು ಬಿಟ್ಟಿಲ್ಲ. ಈಗ ಹೆಂಗ್ಟಿಯನ್ ಆಟೋಮೊಬೈಲ್, ಎಲ್ 4600 ಎಸ್‌ಯುವಿಯನ್ನು ಉತ್ಪಾದಿಸಿದೆ. ಈ ಎಸ್‌ಯುವಿ ವಿಶ್ವಾದ್ಯಂತ ಜನಪ್ರಿಯವಾಗಿರುವ ಟೊಯೊಟಾ ಲ್ಯಾಂಡ್ ಕ್ರೂಸರ್‌ನ ನಕಲಿಯಾಗಿದೆ.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

ಈ ಎಸ್‌ಯುವಿಯನ್ನು ನೋಡಿದರೆ ಇಷ್ಟು ಚೆನ್ನಾಗಿ ನಕಲಿ ಮಾಡಬಹುದಾ ಎಂದು ಆಶ್ಚರ್ಯವಾಗದೇ ಇರಲಾರದು. ಎಲ್ 4600 ಎಸ್‌ಯುವಿ ಲ್ಯಾಂಡ್ ಕ್ರೂಸರ್‌ಗಿಂತ ದೊಡ್ಡದಾಗಿದೆ. ಆದರೆ ಲ್ಯಾಂಡ್ ಕ್ರೂಸರ್ ಈ ನಕಲಿ ಕಾರಿಗಿಂತ ಹೆಚ್ಚು ಉದ್ದ ಹಾಗೂ ಅಗಲವಾಗಿದೆ. ಈ ನಕಲು ಮಾದರಿಯ ಎಸ್‌ಯುವಿ ದೊಡ್ಡದಾದ ವ್ಹೀಲ್‌ಬೇಸ್ ಅನ್ನು ಸಹ ಹೊಂದಿದೆ.

ಚೀನಾದ ಕಂಪನಿಯು ಈ ಎಲ್ 4600 ಎಸ್‌ಯುವಿಯಲ್ಲಿ ತನ್ನದೇ ಆದ ಎಂಜಿನ್ ಹಾಗೂ ಗೇರ್‌ಬಾಕ್ಸ್ ಅನ್ನು ಅಳವಡಿಸಿದೆ, ಈ ಎಸ್‌ಯುವಿಯು 4.6 ಲೀಟರ್ ವಿ8 ಎಂಜಿನ್ ಹೊಂದಿದ್ದು, ಈ ಎಂಜಿನ್ 286 ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತದೆ. ಲ್ಯಾಂಡ್ ಕ್ರೂಸರ್ ಎಸ್‌ಯುವಿಯಲ್ಲಿ 5.7 ಲೀಟರ್ ವಿ8 ಎಂಜಿನ್ ಅಳವಡಿಸಲಾಗಿದೆ.

MOST READ:ಕರೋನಾದಿಂದ ಬೈಕ್ ಕಳೆದುಕೊಂಡ ಯುವಕನಿಗೆ ಸರ್ ಪ್ರೈಸ್ ಗಿಫ್ಟ್ ನೀಡಿದ ಟಿವಿಎಸ್

ಹೆಂಗ್ಟಿಯನ್ ಕಂಪನಿಯು ಈ ಎಸ್‌ಯುವಿಯ ಬಾಡಿಯನ್ನು ತಾನೇ ತಯಾರಿಸಿದೆ. ಇದರಲ್ಲಿ ಯಾವುದೇ ವಿಶೇಷತೆ ಇಲ್ಲ. ಟೊಯೊಟಾ ಲ್ಯಾಂಡ್ ಕ್ರೂಸರ್‌ನ ಕ್ರೋಮ್ ಗ್ರಿಲ್ ಅನ್ನು ನಕಲು ಮಾಡಲಾಗಿದ್ದರೂ ವಿಭಿನ್ನವಾಗಿ ಕಾಣುವಂತೆ ತಿರುಚಲಾಗಿದೆ. ಈ ಎಸ್‌ಯುವಿಯ ಇಂಟಿರಿಯರ್ ಚಿತ್ರಗಳನ್ನು ಇನ್ನೂ ಬಿಡುಗಡೆಗೊಳಿಸಿಲ್ಲ.

ಈ ಎಸ್‌ಯುವಿಯು ನೋಡಲು ಆಕರ್ಷಕವಾಗಿರದಿದ್ದರೂ ಐಷಾರಾಮಿಯನ್ನು ಹೆಚ್ಚಿಸಲು ಹಲವಾರು ಫೀಚರ್‌ಗಳನ್ನು ನೀಡಲಾಗಿದೆ. ಎಲ್ 4600 ಎಸ್‌ಯುವಿಯಲ್ಲಿ ವುಡ್ ಟ್ರಿಮ್ ಹಾಗೂ ಡ್ಯೂಯಲ್ ಟೋನ್ ಲೆದರ್ ಅಪ್‌ಹೊಲೆಸ್ಟರಿ ನೀಡಲಾಗಿದೆ. ಇದನ್ನು ಬಿಟ್ಟು ಬೇರೆ ಬದಲಾವಣೆಗಳನ್ನು ಮಾಡಿಲ್ಲ.

MOST READ:ಮನೆ ತಲುಪಲು 1800 ಕಿ.ಮೀ ಸೈಕಲ್ ತುಳಿದ ಯುವಕ..!

ನಕಲಿ ಮಾದರಿಯಾದರೂ ಈ ಎಸ್‌ಯುವಿಯು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗುವ ಸಾಧ್ಯತೆಗಳಿವೆ. ಇದಕ್ಕೆ ಕಾರಣ ಈ ಎಸ್‌ಯುವಿಯ ಬೆಲೆ. ಈ ಎಸ್‌ಯುವಿಯ ಬೆಲೆ ಸುಮಾರು ರೂ.29.24 ಲಕ್ಷಗಳಾದರೆ, ಟೊಯೊಟಾ ಲ್ಯಾಂಡ್ ಕ್ರೂಸರ್‌ನ ಬೆಲೆ ರೂ.1.47 ಕೋಟಿಗಳಾಗುತ್ತದೆ. ಟೊಯೊಟಾ ಕಂಪನಿಯು ಈ ಡೂಪ್ಲಿಕೇಟ್ ಎಸ್‌ಯುವಿಯನ್ನು ಹೇಗೆ ಎದುರಿಸುತ್ತದೆ ಎಂಬುದನ್ನು ಕಾದು ನೋಡಬೇಕಿದೆ.