ಹೆದ್ದಾರಿಯ ಸಂಖ್ಯೆಯನ್ನು ಹೇಗೆ ನಿರ್ಧರಿಸುತ್ತಾರೆ ಗೊತ್ತೆ ? ಈ ವಿಚಾರ ನಿಮಗೆ ಅಚ್ಚರಿ ತರಿಸುತ್ತೆ

ಹೌದು, ನಾನು ಇಂದು ಹೇಳ ಹೊರಟಿರುವುದು ಮೈಲುಗಲ್ಲುಗಳ ಬಗ್ಗೆ ಇರುವಂತಹ ಸ್ವಾರಸ್ಯಕರ ವಿಚಾರದ ಬಗ್ಗೆ. ಈ ಮೊದಲು ವಿಜಯವಾಡದ ರಸ್ತೆಗಳ ಮೈಲುಗಲ್ಲುಗಳ ಮೇಲೆ N.H-9 ಎಂಬ ಬರಹವನ್ನು ಕಾಣುತ್ತಿದ್ದೆವು. ಆದ್ರೆ, ಮೊನ್ನೆ ಭೇಟಿ ಕೊಟ್ಟಾಗ ಎಲ್ಲವೂ ಬದಲಾಗಿದೆ. N.H-9 ಬದಲಾಗಿ N.H-65 ಇರುವುದನ್ನು ಕಂಡು ಆಶ್ಚರ್ಯವಾಗಿದ್ದು ಸುಳ್ಳಲ್ಲ.

ದಿಢೀರ್ ಆಗಿ ಈ ಬದಲಾವಣೆ ಮಾಡಲು ಕಾರಣವೇನು ? ಯಾಕೆ ಹೀಗೆ? ಎಂದು ನನ್ನನ್ನು ನಾನು ಪ್ರಶ್ನಿಸಿಕೊಂಡು ಸಂಶೋಧನಕ್ಕೆ ಇಳಿದಾಗ ಸ್ವಾರಸ್ಯಕರ ವಿಚಾರಗಳು ತಿಳಿದು ಬಂದವು. ಈ ವಿಷಯವನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುತ್ತಿದ್ದೇನೆ.!

ರಸ್ತೆಗಳನ್ನು ಗುರಿತಿಸುವಲ್ಲಿ ಯಾವುದೇ ಗೊಂದಲ ಇರಬಾರದು ಎಂಬ ಕಾರಣಕ್ಕೆ ಕಳೆದ 2010ನೇ ಏಪ್ರಿಲ್ 28ರಂದು ನಂಬರ್ ಬದಲಾವಣೆಯನ್ನು ಮಾಡಲು ಸರ್ಕಾರ ನಿರ್ಧರಿಸಿತ್ತು. ಈ ಮೂಲಕ ಜನಸಾಮಾನ್ಯರಿಗೆ ಸರಳವಾಗಿ ರಸ್ತೆಗಳನ್ನು ಗುರುತಿಸಲು ಆಗಿನ ಕೇಂದ್ರ ಸರಕಾರ ಈ ನಿರ್ಧಾರ ತೆಗೆದುಕೊಂಡಿತು.

ರಸ್ತೆಗಳಿಗೆ ನಂಬರ್ ಹೇಗೆ ನೀಡುತ್ತಾರೆ ?

ರಸ್ತೆಗಳಿಗೆ ದಿಕ್ಕುಗಳ ಆಧಾರದ ಮೇಲೆ ನಂಬರ್ ನೀಡುವ ವಾಡಿಕೆಯನ್ನು ಮೊದಲಿನಿಂದಲೂ ಸರ್ಕಾರಗಳು ನೆಡೆಸಿಕೊಂಡು ಬಂದಿವೆ. ಪಶ್ವಿಮದಿಂದ ಪೂರ್ವಕ್ಕೆ, ಉತ್ತರದಿಂದ ದಕ್ಷಿಣಕ್ಕೆ ನಂಬರ್ ಕೊಡುತ್ತಾರೆ.

ಪಶ್ಚಿಮದಿಂದ ಪೂರ್ವಕ್ಕೆ ಹೋಗುವ ಹೆದ್ದಾರಿಗಳಿಗ ಬೆಸ ಸಂಖೆಯನ್ನು ನೀಡಲಾಗುತ್ತದೆ ಮಾತು ಉತ್ತರದಿಂದ ದಕ್ಷಿಣಕ್ಕೆ ಹೋಗುವ ಹೆದ್ದಾರಿಗಳಿಗೆ ಸಮ ಸಂಖ್ಯೆಯನ್ನು ನೀಡುತ್ತಾರೆ.

ಉತ್ತರದಿಂದ ದಕ್ಷಿಣಕ್ಕೆ ಹೋಗುವ ರಸ್ತೆಗಳು 2,4,6,8 ಸಂಖ್ಯೆಗಳಿಂದ ಶುರುವಾಗುತ್ತವೆ(ಉದಾಹರಣೆಗೆ : NH-2 ನಾರ್ತ್ - ಈಸ್ಟ್ ಸ್ಟೇಟ್ ಆಫ್ ಇಂಡಿಯಾ ಹಾಗು NH-68 ರಾಜಸ್ತಾನ್-ಗುಜರಾತ್!).

ಪ್ರಮುಖ ಹೆದ್ದಾರಿಗಳು ಕೇವಲ 1 ಡಿಜಿಟ್, 2 ಡಿಜಿಟ್ ನಂಬರ್‌ಗಳನ್ನೇ ಮಾತ್ರ ಹೊಂದಿರುತ್ತವೆ. ಮೂರು ಡಿಜಿಟ್ ನಂಬರ್ ಹೊಂದಿರುವಂತಹ ನ್ಯಾಷನಲ್ ಹೈವೇಗಳನ್ನು 'ಆಫ್ ಶೂಟ್' ಹೈವೇ ಎನ್ನಲಾಗುತ್ತದೆ. ಇವು ದೊಡ್ಡ ಹೈವೇಗಳನ್ನು ಸಂಧಿಸುತ್ತವೆ.

'ಆಫ್ ಶೂಟ್' ಹೈವೇಗಳಿಗೆ ಉತ್ತಮ ಉದಾಹರಣೆ ಎಂದರೆ, 102, 202, 302. ಇದರಲ್ಲಿರುವ ಕೊನೆಯ ಎರಡು ಅಂಕೆಗಳು ರಾಷ್ಟ್ರೀಯ ಹೆದ್ದಾರಿಯನ್ನು ಸೂಚಿಸುತ್ತವೆ. ಈ ಸಂಖ್ಯೆಯ ಹೆದ್ದಾರಿಗಳು 2ನೇ ರಾಷ್ಟ್ರೀಯ ಹೆದ್ದಾರಿಯನ್ನು ಸಂಧಿಸುತ್ತವೆ ಎಂದರ್ಥ. ಈ ಹೆದ್ದಾರಿಗಳು, ಉತ್ತರದಿಂದ ದಕ್ಷಿಣಕ್ಕೆ ಹೊರಡುವ ಪ್ರಮುಖ ರಸ್ತೆಗಳನ್ನು ಸಂಧಿಸುವ ಕಾರ್ಯವನ್ನು ಮಾಡುತ್ತವೆ.

ಇವಿಷ್ಟೇ ಅಲ್ಲದೆ, 966A, 527B ಎಂಬ ಸಂಖ್ಯೆಗಳನ್ನು ಹೊಂದಿರುವ ಹೆದ್ದಾರಿಗಳನ್ನು ನೀವು ನೋಡಿರುತ್ತೀರಿ. ಈ ಹೆದ್ದಾರಿಗಳನ್ನು ಸಫಿಕ್ಸ್ ಹೆದ್ದಾರಿ ಎಂದು ಕರೆಯಲಾಗುತ್ತದೆ. ಉತ್ತರದಿಂದ ದಕ್ಷಿಣಕ್ಕೆ ಹೊರಡುವ ಪ್ರಮುಖ ಹೆದ್ದಾರಿಗೆ ಸಫಿಕ್ಸ್ ಹೆದ್ದಾರಿ ಎನ್ನಲಾಗುತ್ತದೆ.