ವ್ಯಾಲಿ ರನ್; ಇದು 2013ನೇ ಸಾಲಿನ ಸ್ಪೀಡ್ ಹಬ್ಬ

2013ನೇ ಸಾಲಿನ ಸ್ಪೀಡ್ ಉತ್ಸವ ಎಂದೇ ಪರಿಗಣಿಸಲ್ಪಟ್ಟಿರುವ ವ್ಯಾಲಿ ರನ್ ಆಯೋಜಿಸುವುದಾಗಿ ಫೆಡರೇಷನ್ ಆಫ್ ಮೋಟಾರ್ ಕ್ಲಬ್ ಆಫ್ ಇಂಡಿಯಾ (ಎಫ್‌ಎಂಎಸ್‌ಸಿಐ) ಪ್ರಕಟಿಸಿದೆ. ಪುಣೆಯ ಆಂಬಿ ವ್ಯಾಲಿ ಸಿಟಿ ಏರ್ ಸ್ಟ್ರಿಪ್‌ನಲ್ಲಿ ಮಾರ್ಚ್ ತಿಂಗಳ ಎರಡನೇ ವಾರದಲ್ಲಿ ಈ ರೇಸಿಂಗ್ ಕೂಟ ಆಯೋಜನೆಯಾಗಲಿದೆ.

ವ್ಯಾಲಿ ರನ್ 2013 ದೇಶದ ಮೊದಲ ಅಂತರಾಷ್ಟ್ರೀಯ ದರ್ಜೆಯ ಡ್ರಾಗ್ ರೇಸಿಂಗ್ ಈವೆಂಟ್ ಆಗಿರಲಿದೆ. ಮಾರ್ಚ್ 9ರಿಂದ ಆರಂಭವಾಗಲಿರುವ ರೇಸಿಂಗ್ ಎರಡು ದಿನಗಳ ಕಾಲ ಮುಂದಿಯಲಿದೆ. ವಿಶ್ವ ಡ್ರಾಗ್ ರೇಸಿಂಗ್ ಚಾಂಪಿಯನ್ ರಿಕಿ ಗಾಡ್ಸನ್ ಸಾನಿಧ್ಯ ಇನ್ನಷ್ಟು ಮೆರಗು ನೀಡಲಿದ್ದು, ಉದ್ಘಾಟನಾ ಸಮಾರಂಭ ನೆರವೇರಿಸಲಿದ್ದಾರೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ವ್ಯಾಲಿ ರನ್ 2013 ಕೇವಲ ವೃತಿನಿರತ ರೇಸಿಂಗ್ ಡ್ರೈವರ್‌ಗಳಿಗೆ ಮಾತ್ರ ಸೀಮಿತವಾಗಿಲ್ಲ. ಯಾವುದೇ ಉತ್ಸಾಹಿ ರೇಸರುಗಳು ಕೂಡಾ ಭಾಗವಹಿಸಬಹುದಾಗಿದೆ. ಒಟ್ಟು 300ಕ್ಕೂ ಹೆಚ್ಚು ಸೂಪರ್ ಕಾರು ಹಾಗೂ ಸೂಪರ್ ಬೈಕ್‌ಗಳು ಪಾಲ್ಗೊಳ್ಳುವ ನಿರೀಕ್ಷೆಯಿದೆ.