1.5 ಕೋಟಿ ಗ್ರಾಹಕ ಮೈಲುಗಲ್ಲು ತಲುಪಿದ ಹೋಂಡಾ

ದೇಶದ ಎರಡನೇ ಅತಿದೊಡ್ಡ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿರುವ ಹೋಂಡಾ ಮೋಟಾರು ಸೈಕಲ್ಸ್ ಆಂಡ್ ಸ್ಕೂಟರ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ (ಎಚ್‌ಎಂಎಸ್‌ಐ) 1.5 ಕೋಟಿ ಯಶಸ್ವಿ ಗ್ರಾಹಕರ ಮೈಲುಗಲ್ಲು ತಲುಪಿದೆ.

ಕಳೆದ 13 ವರ್ಷಗಳಲ್ಲಿ ಹೋಂಡಾ ಇಂತಹದೊಂದು ಸಾಧನೆ ಮಾಡಿದೆ. ಈ ಪೈಕಿ ಕೊನೆಯ 5 ದಶ ಲಕ್ಷ ಗ್ರಾಹಕರು ಕೇವಲ ಒಂದು ವರೆ ವರ್ಷದಲ್ಲೇ ದಾಖಲಾಗಿದ್ದವು. ಹಾಗೆಯೇ ದೇಶದಲ್ಲಿ ಹೋಂಡಾ ಯಶಸ್ಸಿಗೆ ಕಾರಣಭೂತರಾದ ಎಲ್ಲ ಗ್ರಾಹಕರಿಗೂ ಸಂಸ್ಥೆ ಕೃತಜ್ಞತೆ ಸಲ್ಲಿಸಿದೆ.

1999ನೇ ಇಸವಿಯಲ್ಲಿ ದೇಶಕ್ಕೆ ಪಾದಾರ್ಪಣೆ ಮಾಡಿದ್ದ ಹೋಂಡಾ 2001ನೇ ಇಸವಿಯಲ್ಲಿ ಮಾನೇಸರ್‌ನಲ್ಲಿ ಮೊದಲ ಘಟಕ ಆರಂಭಿಸಿತ್ತು. ಪ್ರಸ್ತುತ ಮಾನೇಸರ್ ಜತೆಗೆ ರಾಜಸ್ತಾನ ಹಾಗೂ ಕರ್ನಾಟಕದಲ್ಲೂ ಘಟಕ ಹೊಂದಿರುವ ಹೋಂಡಾ, ವಾರ್ಷಿಕವಾಗಿ 46 ಲಕ್ಷ ಯುನಿಟ್‌ಗಳನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.