ಸುಜುಕಿ ಇನಾಝುಮಾ ಬೆಲೆಯಲ್ಲಿ ಭಾರಿ ಇಳಿಕೆ

ಜಪಾನ್‌ನ ಪ್ರಖ್ಯಾತ ವಾಹನ ತಯಾರಕ ಸಂಸ್ಥೆಯಾಗಿರುವ ಸುಜುಕಿ, ಇತ್ತೀಚೆಗಷ್ಟೇ ಭಾರತದಲ್ಲಿ ಇನಾಝುಮಾ ಬೈಕನ್ನು ಲಾಂಚ್ ಮಾಡಿತ್ತು. ಈ ನಡುವೆ ಲೆಟ್ಸ್ ಸ್ಕೂಟರ್ ಹಾಗೂ ಬಹುನಿರೀಕ್ಷಿತ ಜಿಕ್ಸರ್ ಬೈಕನ್ನು ಅನಾವರಣಗೊಳಿಸಿತ್ತು.

ಇನಾಝುಮಾ ಮುಂಬೈ ಎಕ್ಸ್ ಶೋ ರೂಂ ದರ 3.15 ಲಕ್ಷ ರು.ಗಳಿಗೆ ಬಿಡುಗಡೆ ಮಾಡಲಾಗಿತ್ತು. ಇದರ ಬೆನ್ನಲ್ಲೇ ಇನಾಝುಮಾ ಆವೃತ್ತಿಗೆ ಹೆಚ್ಚಿನ ದರ ಹೇರಲಾಗಿದೆಯೆಂಬ ತೀವ್ರ ಅಪವಾದ ಕೇಳಿ ಬಂದಿತ್ತು.

ಸುಜುಕಿ ಇನಾಝುಮಾ ಟ್ವಿನ್ 248 ಸಿಸಿ ಲಿಕ್ವಿಡ್ ಕೂಲ್ಡ್ ಎಂಜಿನ್ ಪಡೆದುಕೊಳ್ಳಲಿದೆ. ಇದು ಗರಿಷ್ಠ 26 ಅಶ್ವಶಕ್ತಿ (22 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ 6 ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಪಡೆದುಕೊಂಡಿದೆ.

ಹೋಂಡಾ ಸಿಬಿಆರ್250ಆರ್ ಹಾಗೂ ಕೆಟಿಎಂ ಡ್ಯೂಕ್ 200 ಆಗಮನದೊಂದಿಗೆ 250 ಸಿಸಿ ವಿಭಾಗದಲ್ಲಿ ಪೈಪೋಟಿ ಹೆಚ್ಚುತ್ತಿದೆ. ಇನ್ನಷ್ಟೇ ಲಾಂಚ್ ಆಗಲಿರುವ ಯಮಹಾ ಆರ್25 ಮತ್ತು ಬಜಾಜ್ 200ಎಸ್‌ಎಸ್ ಇನ್ನು ಹೆಚ್ಚಿನ ಪೈಪೋಟಿಗೆ ಕಾರಣವಾಗಲಿದೆ.