ಸದ್ಯದಲ್ಲೇ ಯಮಹಾದಿಂದ ಪರಿಷ್ಕೃತ ಎಫ್‌ಝಡ್-ಎಸ್ ಲಾಂಚ್

ಜಪಾನ್ ಮೂಲದ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿರುವ ಯಮಹಾ, ಇದೇ ಬರುವ ಜೂನ್ 30ರಂದು ಗ್ರಾಹಕರನ್ನು ಖುಷಿಪಡಿಸಲಿದೆ. ಈ ಬಗ್ಗೆ ಅಧಿಕೃತವಾಗಿ ಯಾವುದೇ ಮಾಹಿತಿ ಬಂದಿಲ್ಲವಾದರೂ ವರದಿಗಳ ಪ್ರಕಾರ ಯಮಹಾ ಎಫ್‌ಝಡ್-ಎಸ್ ಪರಿಷ್ಕೃತ ಆವೃತ್ತಿ ಸದ್ಯದಲ್ಲೇ ಬಿಡುಗಡೆಯಾಗುವ ಸಂಭವವಿದೆ.

ಯಮಹಾದ ಹೊಸ ಎಫ್‌ಝಡ್-ಎಸ್ ಮೊದಲ ಬಾರಿಗೆ 2014 ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶಿಸಲಾಗಿತ್ತು. ಈಗಾಗಲೇ ಹಲವು ಬಾರಿ ಕ್ಯಾಮೆರಾ ಕಣ್ಣುಗಳಿಗೆ ಸೆರೆ ಸಿಕ್ಕಿರುವ ಯಮಹಾದ ಈ ಮಾದರಿಯು ಹಲವಾರು ಕಾಸ್ಮೆಟಿಕ್ ಬದಲಾವಣೆಗಳನ್ನು ಪಡೆಯಲಿದೆ.

• ಆಕ್ರಮಣಕಾರಿ ಹಾಗೂ ಕ್ರೀಡಾತ್ಮಕ ಹೆಡ್‌ಲೈಟ್,
• ಹೊಸ ಎಕ್ಸಾಸ್ಟ್, ಹೆಚ್ಚುವರಿ ಶೀಲ್ಡ್ ರಕ್ಷಣೆ,
• ಇಂಧನ ಟ್ಯಾಂಕ್‌ನಲ್ಲಿ ತಾಜಾ ಹೊಸತಾದ ಏರ್ ಸ್ಕೂಪ್,
• ಪರಿಷ್ಕೃತ ಟೈಲ್ ಲ್ಯಾಂಪ್,
• ಸ್ಪೋರ್ಟಿ ನಂಬರ್ ಪ್ಲೇಟ್ ಹೋಲ್ಡರ್,
• ಕ್ರೀಡಾತ್ಮಕ ವಿಭಜಿತ ಸೀಟು ವಿನ್ಯಾಸ,
• ಎಲ್ಲ ಹೊಸತನದ ಡಿಜಿಟಲ್ ಕನ್ಸೋಲ್, (ಹೋಂಡಾ ಟ್ರಿಗರ್‌ಗೆ ಸಮಾನವಾದ)

ಇನ್ನು ವಿಶೇಷತೆ ಏನೆಂದರೆ 2014 ಯಮಹಾ ಎಫ್‌ಝಡ್-ಎಸ್ ಫ್ಲೂಯಲ್ ಇಂಜೆಕ್ಟಡ್ ತಂತ್ರಜ್ಞಾನದೊಂದಿಗೆ ಶಕ್ತಿಶಾಲಿ 170 ಸಿಸಿ ಎಂಜಿನ್ ಪಡೆದುಕೊಳ್ಳುವ ಸಾಧ್ಯತೆಯಿದೆ. ಇದು 18 ಅಶ್ವಶಕ್ತಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ. ಹಾಗೆಯೇ 5 ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನಿಂದ ನಿಯಂತ್ರಿಸಲ್ಪಡಲಿದೆ.

ಅಷ್ಟೇ ಎಫ್‌ಐ ತಂತ್ರಜ್ಞಾನವನ್ನು ಒಳಗೊಂಡಿರಿಲಿದ್ದು, ಇದು ಎಂಜಿನ್ ಉತ್ತಮ ನಿರ್ವಹಣೆಗೆ ಸಹಕಾರಿಯಾಗಿದೆ. ಅಂತಿಮವಾಗಿ ನೂತನ ಎಫ್‌ಝಡ್-ಎಸ್ ರು. 85,000ದಷ್ಟು ದುಬಾರಿಯಾಗುವ ಸಾಧ್ಯತೆಯಿದೆ. ಇದು ಪ್ರಮುಖವಾಗಿಯೂ ಸುಜುಕಿಯಿಂದ ಇನ್ನಷ್ಟೇ ಬಿಡುಗಡೆಗೊಳ್ಳಬೇಕಾಗಿರುವ ಜಿಕ್ಸರ್, ಟಿವಿಎಸ್ ಅಪಾಚಿ ಆರ್‌ಟಿಆರ್160, ಹೋಂಡಾ ಸಿಬಿ ಟ್ರಿಗರ್ ಹಾಗೂ ಹೀರೊ ಹಂಕ್ ಬೈಕ್‌ಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ.