ಬಜಾಜ್‌ನಿಂದ ಬರುತ್ತಿದೆ 150ಸಿಸಿ ಬೈಕ್; ಮೋಡಿ ಮಾಡಿತೇ?

ಬಲ್ಲ ಮೂಲಗಳ ಪ್ರಕಾರ ಬಜಾಜ್ ಅವೆಂಜರ್ ಶ್ರೇಣಿಯ ಬೈಕ್ ಗಳು ಮುಂಬರುವ ಅಕ್ಟೋಬರ್ 27ರಂದು ಬಿಡುಗಡೆಯಾಗಲಿದೆ.

ಬಜಾಜ್ ಎಎಸ್150 ಬೈಕ್ ನಲ್ಲಿರುವುದಕ್ಕೆ ಸಮಾನವಾದ ಎಂಜಿನ್ ಅವೆಂಜರ್ 150 ಬೈಕ್ ನಲ್ಲೂ ಬಳಕೆಯಾಗಲಿದೆ. ಇದರ 149 ಸಿಸಿ ಎಂಜಿನ್ 12.5 ಎನ್ ಎಂ ತಿರುಗುಬಲದಲ್ಲಿ 16.8 ಅಶ್ವಶಕ್ತಿ ಉತ್ಪಾದಿಸಲಿದ್ದು, 5 ಸ್ಪೀಡ್ ಗೇರ್ ಬಾಕ್ಸ್ ಪಡೆಯಲಿದೆ.

ಸದ್ಯಕ್ಕೆ ಅವೆಂಜರ್ 150 ಹಾಗೂ 200 ಸಿಸಿ ವಿನ್ಯಾಸ ಬಗ್ಗೆ ಹೆಚ್ಚಿನ ಮಾಹಿತಿಗಳು ದೊರಕಿಲ್ಲ. ಹಾಗಿದ್ದರೂ ಸಾಂಪ್ರಾದಾಯಿಕ ಕ್ಲಾಸಿಕ್ ಕ್ರೂಸರ್ ವಿನ್ಯಾಸ ಶೈಲಿಯನ್ನು ಕಾಪಾಡಿಕೊಳ್ಳುವ ಸಾಧ್ಯತೆಯಿದೆ.

ಇನ್ನು ಬೆಲೆಯ ಬಗ್ಗೆ ಮಾತನಾಡವುದಾದ್ದಲ್ಲಿ ಬಜಾಜ್ ಅವೆಂಜರ್ 200 ಹಾಗೂ 150 ಆವೃತ್ತಿಗಳು ಅನುಕ್ರಮವಾಗಿ ಒಂದು ಲಕ್ಷ ಹಾಗೂ 75,000 ರು.ಗಳ ಬೆಲೆ ಪರಿಧಿಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.

ಈ ಎಲ್ಲ ಬೆಳವಣಿಗೆಗಳು ದೀಪಾವಳಿ ಹಾಗೂ ನವರಾತ್ರಿ ಹಬ್ಬದ ಆವೃತ್ತಿಯ ವೇಳೆಯಲ್ಲಿ ವಾಹನ ಪ್ರೇಮಿಗಳಿಗೆ ಪರಿಪೂರ್ಣ ಕೊಡುಗೆಯಾಗಲಿದೆ.