ಸುಜುಕಿ ಶಕ್ತಿಶಾಲಿ ಬೈಕ್ ಗಳು ಭಾರತಕ್ಕಿಲ್ಲ ಯಾಕೆ ?

2016 ಆಗಸ್ಟ್ ತಿಂಗಳಲ್ಲೇ ಡೀಲರ್ ಶಿಪ್ ನಲ್ಲಿ ವಿತರಣೆಗೆ ಲಭ್ಯವಾಗಲಿರುವ ನೂತನ ಜಿಎಸ್‌ಎಕ್ಸ್-ಎಸ್1000 ಆವೃತ್ತಿಗಳು ಕ್ರೀಡಾ ಪ್ರೇಮಿಗಳಲ್ಲಿ ಹೊಸತನವನ್ನು ನೀಡಲಿದೆ.

ಸುಜುಕಿ ಜಿಎಸ್‌ಎಕ್ಸ್-ಎಸ್1000 ಕಾರ್ಬನ್ ಎಡಿಷನ್, ಮೊಟೊಜಿಪಿ ನೀಲಿ ಬಣ್ಣವನ್ನು ಪಡೆಯಲಿದೆ. ಇದರ ಜೊತೆಗೆ ಕೆಂಪು ಮತ್ತು ಕಪ್ಪು ವರ್ಣದ ಆಯ್ಕೆಗಳು ಇರುತ್ತದೆ.

ಸುಜುಕಿ ಜಿಎಸ್‌ಎಕ್ಸ್-ಎಸ್1000 ಕಾರ್ಬನ್ ಎಡಿಷನ್, ಕ್ಲಚ್ ಕವರ್, ಕ್ರಾಂಕ್ ಕೇಸ್ ಕವರ್, ಕಾರ್ಬನ್ ಫೈಬರ್, ಬ್ರೆಂಬೊ ಬ್ರೇಕ್ ಕ್ಯಾಲಿಪರ್ ಮುಂತಾದ ಸೌಲಭ್ಯಗಳನ್ನು ಒಳಗೊಂಡಿರುತ್ತದೆ.

ಅಂತೆಯೆ ಸುಜುಕಿ ಜಿಎಸ್‌ಎಕ್ಸ್-ಎಸ್1000ಎಫ್ ಟೂರ್ ಎಡಿಷನ್, ನೀಲಿ, ಕೆಂಪು ಅಥವಾ ಕಪ್ಪು ವರ್ಣದ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ.

ಜಿಎಸ್‌ಎಕ್ಸ್-ಎಸ್1000ಎಫ್ ಟೂರಿಂಗ್ ಎಡಿಷನ್, ಹೀಟಡ್ ಗ್ರಿಪ್, ದೊಡ್ಡದಾದ ವಿಂಡ್ ಸ್ಕ್ರೀನ್, ಸಿಲ್ವರ್ ಗ್ರಾಫಿಕ್ ಕಿಟ್, 15 ಲೀಟರ್ ಗಳ ಇಂಧನ ಟ್ಯಾಂಕ್ ಮತ್ತು 12 ಲೀಟರ್ ಗಳ ಟೈಲ್ ಬ್ಯಾಗ್ ಇತ್ಯಾದಿ ಸೌಲಭ್ಯಗಳನ್ನು ಪಡೆಯಲಿದೆ.

ಅಂದ ಹಾಗೆ ಈ ಎರಡು ಬೈಕ್ ಗಳು 999 ಸಿಸಿ ಫೋರ್ ಪಿಸ್ತಾನ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 145 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ದುರದೃಷ್ಟವಶಾತ್ ಸುಜುಕಿ ಜಿಎಸ್‌ಎಕ್ಸ್-ಎಸ್1000 ಭಾರತಕ್ಕೆ ತಲುಪುದಿಲ್ಲ. ಅಂದರೆ ಯುರೋಪ್ ನಂತಹ ಮುಂದುವರಿದ ದೇಶಗಳ ಪ್ರೀಮಿಯಂ ಗ್ರಾಹಕರನ್ನು ಮಾತ್ರ ಗುರಿಯಾಗಿರಿಸಿಕೊಳ್ಳಲಿದೆ.