ಲಕ್ಷಗಟ್ಟಲೆ ಬೆಲೆಬಾಳುವ ಇಟಲಿಯ ಐಕಾನಿಕ್ ಸ್ಕೂಟರ್ ಭಾರತಕ್ಕೆ

ಪ್ರಸಕ್ತ ವರ್ಷಾರಂಭದಲ್ಲಿ ನಡೆದ 2016 ಆಟೋ ಎಕ್ಸ್ ಪೋದಲ್ಲಿ ಮೊದಲ ಬಾರಿಗೆ ಅನಾವರಣಗೊಂಡಿರುವ ವೆಸ್ಪಾ 946 ಎಂಪೋರಿಯೊ ಅರ್ಮಾನಿ ಸ್ಕೂಟರನ್ನು ವೆಸ್ಪಾ 946 ತಳಹದಿಯಲ್ಲಿ ನಿರ್ಮಿಸಲಾಗಿದೆ.

ಜಾರ್ಜಿಯೊ ಅರ್ಮಾನಿ ಫೌಂಡೇಷನ್ 40ನೇ ವಾರ್ಷಿಕೋತ್ಸವ ಮತ್ತು ಪಿಯಾಜಿಯೊ ಸಂಸ್ಥೆಯ 130ನೇ ಜನ್ಮದಿನದ ಅಂಗವಾಗಿ ನೂತನ ಸ್ಕೂಟರನ್ನು ಜಾರ್ಜಿಯೊ ಅರ್ಮಾನಿ ಮತ್ತು ಪಿಯಾಜಿಯೊ ಜಂಟಿಯಾಗಿ ಅಭಿವೃದ್ಧಿಪಡಿಸಿದೆ.

ಸ್ಕೂಟರ್ ಬಣ್ಣವು ಪ್ರಮುಖ ಆಕರ್ಷಣೆಯಾಗಲಿದೆ. ನಿರ್ದಿಷ್ಟ ಬೆಳಕಿನಲ್ಲಿ ಮಾತ್ರ ಗೋಚರಿಸಲಿರುವ ಬಣ್ಣದ ಸಂಯೋಜನೆಯು ವಿಶಿಷ್ಟತೆ ಪ್ರದಾನ ಮಾಡಲಿದೆ.

ಸ್ಟ್ಯಾಂಡರ್ಡ್ 946 ಮಾದರಿಯಂತೆ ನೂತನ ಸ್ಕೂಟರ್ 125 ಸಿಸಿ ಫೋರ್ಸ್ಡ್ ಏರ್ ಕೂಲ್ಡ್ ಸಿಂಗಲ್ ಸಿಲಿಂಡರ್ ಫೋರ್ಟ್ ಇಂಜೆಕ್ಟಡ್ ಎಂಜಿನ್ ನಿಂದ ನಿಯಂತ್ರಿಸ್ಪಡಲದ್ದು, 11.42 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ ಸಿವಿಟಿ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.

ಮುಂಭಾಗ ಮತ್ತು ಹಿಂಭಾಗದಲ್ಲಿ 220 ಎಂಎಂ ಡಿಸ್ಕ್ ಬ್ರೇಕ್ ಜೋಡಣೆ ಮಾಡಲಾಗಿದೆ. ಇನ್ನುಳಿದಂತೆ 8.5 ಲೀಟರ್ ಗಳ ಇಂಧನ ಟ್ಯಾಂಕ್ ಲಗತ್ತಿಸಲಾಗಿದೆ.

ವೆಸ್ಪಾ 70ನೇ ವಾರ್ಷಿಕ ಎಡಿಷನ್ ಅಝುರೊ 70 ಅಥವಾ ಜಾರ್ಜಿಯೊ 70 ಬಣ್ಣಗಳಲ್ಲಿ ಲಭ್ಯವಾಗಲಿದೆ. ಇದು ತಿಳಿ ನೀಲಿ ಬಣ್ಣ ಹಾಗೂ ತಿಳಿ ಬೆಳ್ಳಿ ಬೂದು ಬಣ್ಣಗಳಲ್ಲಿ ಲಭ್ಯವಾಗಲಿದೆ.

ಈ ಸ್ಪೆಷಲ್ ಎಡಿಷನ್ ಸ್ಕೂಟರ್ ಬೂದು ಬಣ್ಣದ ಚಕ್ರಗಳು, ಕಪ್ಪು ವರ್ಣದ ಲೆಥರ್ ಸೀಟು, ಹಿಂದುಗಡೆ ಕ್ರೋಮ್ ಲಗ್ಗೇಜ್ ರಾಕ್ ಮತ್ತು ಕಪ್ಪು ಲೆಥರ್ ಬ್ಯಾಗ್ ಗಳನ್ನು ಗಿಟ್ಟಿಸಿಕೊಳ್ಳಲಿದೆ.

ಎಲ್ ಇಡಿ ಹೆಡ್ ಲ್ಯಾಂಪ್, ಟೈಲ್ ಲೈಟ್ ಹಾಗೂ ಇಂಡಿಕೇಟರ್, ಎಲ್ ಸಿಡಿ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಕ್ಲಾಸಿಕ್ ರೇಖೆಗಳು ಇತ್ಯಾದಿ ವೈಶಿಷ್ಟ್ಯಗಳು ಕಂಡುಬರಲಿದೆ.

ಅಷ್ಟಕ್ಕೂ ವೆಸ್ಪಾ 946 ಎಂಪೋರಿಯೊ ಅರ್ಮಾನಿ ಅಗ್ಗದ ಬೆಲೆಯಲ್ಲಿ ಸಿಗಲಿದೆ ಎಂದು ಅಂದುಕೊಂಡರೆ ತಪ್ಪಾದಿತು. ಇದು 8ರಿಂದ 10 ಲಕ್ಷ ರುಪಾಯಿಗಳಷ್ಟು ದುಬಾರಿಯೆನಿಸಲಿದೆ.