2017ರಲ್ಲಿ ಭಾರತಕ್ಕೆ ಬರುತ್ತಾ ಎಲೆಕ್ಟ್ರಿಕ್ ವೆಸ್ಪಾ ಸ್ಕೂಟರ್?

2016 ಮಿಲಾನ್ ಮೋಟಾರ್ ಸೈಕಲ್ ಶೋದಲ್ಲಿ ಪ್ರದರ್ಶಿಸಿರುವ ವೆಸ್ಪಾ ಎಲೆಕ್ಟ್ರಿಕಾ ಮುಂದಿನ ವರ್ಷದಲ್ಲಿ ಭಾರತವನ್ನು ತಲುಪುವ ಸಾಧ್ಯತೆಗಳಿವೆ.

ಪರಿಸರಕ್ಕೆ ಹಾನಿಯನ್ನುಂಟು ಮಾಡದೆ ಸುಸ್ಥಿರ ವಾಹಕಗಳನ್ನು ನಿರ್ಮಿಸುವುದರಲ್ಲಿ ವೆಸ್ಪಾ ಸದಾ ಬದ್ಧತೆಯನ್ನು ಪ್ರದರ್ಶಿಸಿದೆ. ಇದರ ಫಲವಾಗಿಯೇ ನೂತನ ಎಲೆಕ್ಟ್ರಿಕ್ ಸ್ಕೂಟರ್ ತಲೆಯೆತ್ತಲಿದೆ.

ಇಲ್ಲಿ ಕಂಡುಬಂದಿರುವ ಗಮನಾರ್ಹ ಸಂಗತಿಯೆಂದರೆ ಕ್ಲಾಸಿಕ್ ಸ್ಕೂಟರ್ ಗಳಿಗೆ ಹೆಸರುವಾಸಿಯಾಗಿರುವ ವೆಸ್ಪಾದ ರೆಟ್ರೊ ಶೈಲಿಯನ್ನು ಎಲೆಕ್ಟ್ರಿಕ್ ಸ್ಕೂಟರ್ ನಲ್ಲೂ ಕಾಪಾಡಿಕೊಳ್ಳಲಾಗಿದೆ.

ಸದ್ಯ ಭಾರತದಲ್ಲಿ ಮಾರಾಟವಾಗುತ್ತಿರುವ ಉಕ್ಕಿನ ದೇಹ ರಚನೆಯನ್ನು ವೆಸ್ಪಾ ವಿದ್ಯುತ್ ಚಾಲಿತ ವಾಹನ ಪಡೆಯಲಿದೆ.

ಇನ್ನು ವೆಸ್ಪಾ ವಿದ್ಯುತ್ ಚಾಲಿತ ಸ್ಕೂಟರ್ ನ ವ್ಯಾಪ್ತಿ, ಚಾರ್ಜಿಂಗ್ ಇತ್ಯಾದಿ ಬಗೆಗಿನ ಮಹತ್ವಪೂರ್ಣ ಮಾಹಿತಿಗಳು ಇನ್ನಷ್ಟೇ ಹೊರಬರಬೇಕಿದೆ.

2017ರಲ್ಲಿ ಯುರೋಪ್ ಖಂಡವನ್ನು ತಲುಪಲಿರುವ ವೆಸ್ಪಾ ಎಲೆಕ್ಟ್ರಿಕ್ ಸ್ಕೂಟರ್ ಬಳಿಕ ಭಾರತದಂತಹ ಬೆಳೆದು ಬರುತ್ತಿರುವ ರಾಷ್ಟ್ರಗಳನ್ನು ಗುರಿ ಮಾಡಲಿದೆ.

ಇನ್ನು ಮಿಲಾನ್ ಮೋಟಾರು ಶೋದಲ್ಲಿ ಪ್ರದರ್ಶನ ಕಂಡಿರುವ ವೆಸ್ಪಾ ಎಲೆಕ್ಟ್ರಿಕ್ ಸ್ಕೂಟರ್ ಎಷ್ಟು ದುಬಾರಿಯೆನಿಸಲಿದೆ ಎಂಬುದು ಸಹ ತಿಳಿದು ಬಂದಿಲ್ಲ.

ವೆಸ್ಪಾ ಎಲೆಕ್ಟ್ರಿಕಾ ವಿದ್ಯುತ್ ಚಾಲಿತ ನಿರ್ಮಾಣದಲ್ಲಿ ಗರಿಷ್ಠ ತಂತ್ರಜ್ಞಾನಗಳಿಗೆ ಮನೆ ಹಾಕಲಾಗಿದೆ. ಅಲ್ಲದೆ ತಂತ್ರಗಾರಿಕೆಯ ವಿಚಾರದಲ್ಲಿ ಸಂಸ್ಥೆಯು ಯಾವುದೇ ರಾಜಿಗೂ ತಯಾರಾಗಿಲ್ಲ.