ಬೆನೆಲ್ಲಿ ಲೆಯೊನ್ಸಿನೊ ಸ್ಕ್ರಾಂಬ್ಲೇರ್ ಬೈಕ್ ಭಾರತದಲ್ಲಿ ಬಿಡುಗಡೆ ಬಗ್ಗೆ ಮಾಹಿತಿ

ಪ್ರತಿಷ್ಠಿತ ಮಾಧ್ಯಮ ಸಂಸ್ಥೆಯೊಂದು ಈ ವಿಚಾರವನ್ನು ವರದಿ ಮಾಡಿದ್ದು, ಇದೇ ವರ್ಷದ ನವೆಂಬರ್ ತಿಂಗಳಿನಲ್ಲಿ ಬೆನೆಲ್ಲಿ ಲೆಯೊನ್ಸಿನೊ ಸ್ಕ್ರಾಂಬ್ಲೇರ್ ಮೋಟಾರ್ ಸೈಕಲ್ ಪರಿಚಯಿಸಬಹುದು ಎಂಬ ನಿರೀಕ್ಷೆ ಮೂಡಿದೆ.

ಡಿಎಸ್‌ಕೆ ಮೊಟೊವೀಲ್ ಅಧ್ಯಕ್ಷರಾದ ಶಿರೀಷ್ ಕುಲಕರ್ಣಿ ಸಹ ಈ ವಿಚಾರವನ್ನು ದೃಢಪಡಿಸಿದ್ದಾರೆ ಹಾಗು ಮತ್ತೆರಡು ವಾಹನಗಳು ಈ ವರ್ಷ ಮಾರುಕಟ್ಟೆಗೆ ಅಪ್ಪಳಿಸಲಿವೆ ಎಂಬ ಮಾಹಿತಿಯನ್ನು ತಿಳಿಸಿದ್ದಾರೆ.

ಲೆಯೊನ್ಸಿನೊ ಬೆನೆಲ್ಲಿ ಒಂದು ಕೈಗೆಟುಕುವ ಮೋಟಾರ್‌ಸೈಕಲ್ ಆಗಿದ್ದು, ಬೆನೆಲ್ಲಿ ಸಂಸ್ಥೆ ಭಾರತದ ಆನ್ ರೋಡ್ ಆವೃತಿಯಾಗಿ ಈ ವಾಹನವನ್ನು ಬಿಡುಗಡೆಗೊಳಿಸಿದೆ. ಆದರೆ ಈ ಬೈಕ್ ಆಫ್ ರೋಡ್‌ನಲ್ಲಿಯೂ ಚಾಲನೆ ಮಾಡಬಹುದಾದ ಸಾಮರ್ಥ್ಯ ಪಡೆದುಕೊಂಡಿದೆ.

ಈ ಮೋಟಾರ್ ಸೈಕಲ್ ದಿನಬಳಕೆಯ ವಾಹನವಾಗಿ ಪರಿಚಯವಾಗಲಿದ್ದು, ಸಾಹಸಮಯ ಆವೃತಿಯಾಗಿರುವುದಿಲ್ಲ ಎಂದು ಡಿಎಸ್‌ಕೆ ಮೊಟೊವೀಲ್ ಅಧ್ಯಕ್ಷರಾದ ಶಿರೀಷ್ ಕುಲಕರ್ಣಿ ಸ್ಪಷ್ಟಪಡಿಸಿದ್ದಾರೆ.

ಬೆನೆಲ್ಲಿ ಲೆಯೊನ್ಸಿನೊ ಅಸ್ತಿತ್ವದಲ್ಲಿರುವ 500 ಸಿಸಿ ಅವಳಿ ಸಿಲಿಂಡರ್ ಎಂಜಿನ್ ಹೊಂದಿದೆ ಮತ್ತು ಈ ಎಂಜಿನ್ 45 ಏನ್‌ಎಂ ಗರಿಷ್ಠ ಟಾರ್ಕ್ ಮತ್ತು 47 ರಷ್ಟು ಅಶ್ವಶಕ್ತಿ ಹೊಂದಿದೆ.

ಈ ಬೈಕ್ 6 ಸ್ಪೀಡ್ ಗೇರ್ ಬಾಕ್ಸ್ ಜೋಡಣೆಯೊಂದಿದೆ ಬಿಡುಗಡೆಗೊಳ್ಳುತ್ತಿದ್ದು, ಮುಂಭಾಗದಲ್ಲಿ ಅಪ್‌ಸೈಡ್ ಡೌನ್ ಫೋರ್ಕ್ ಮತ್ತು ಹಿಂಭಾಗದಲ್ಲಿ ಮೊನೊ ಸಸ್ಪೆನ್‌ಷನ್ ಪಡೆದುಕೊಳ್ಳಲಿದೆ.

ಬಿಡುಗಡೆಯಾಗುತ್ತಿರುವ ಬೆನೆಲ್ಲಿ ಲೆಯೊನ್ಸಿನೊ ಸುಮಾರು ರೂ. 6 ಲಕ್ಷ ಎಕ್ಸ್-ಷೋರೂಂ ಬೆಲೆ ನಿರೀಕ್ಷಿಸಲಾಗಿದೆ. ಸದ್ಯದ ಪರಿಸ್ಥಿತಿಯಲ್ಲಿ ಲೆಯೊನ್ಸಿನೊ ಮೋಟಾರ್ ಸೈಕಲ್‌ಗೆ ಭಾರತೀಯ ಮಾರುಕಟ್ಟೆಯಲ್ಲಿ ಯಾವುದೇ ಪ್ರತಿಸ್ಪರ್ಧಿ ಇಲ್ಲ ಎನ್ನಬಹುದು.