ಭಾರತದಲ್ಲಿ ಬಿಡುಗಡೆಯಾದ ಡುಕಾಟಿ ಸ್ಕ್ರ್ಯಾಂಬರ್ ಡಸರ್ಟ್ ಸ್ಲೆಡ್ ಎಡಿಷನ್

ಗ್ರಾಹಕರ ಬೇಡಿಕೆಗೆ ತಕ್ಕಂತೆ ರೆಡ್ ಮಸ್ಕ್ ಶೆಡ್ ಮತ್ತು ವೈಟ್ ಮಿರಾಜ್ ಶೆಡ್ ಮಾದರಿಗಳನ್ನು ಬಿಡುಗಡೆಗೊಳಿಸಿರುವ ಡುಕಾಟಿಯೂ ಕ್ರಮವಾಗಿ ರೂ.9.32 ಲಕ್ಷ ಮತ್ತು ರೂ.9.45 ಲಕ್ಷಕ್ಕೆ ಸ್ಕ್ರ್ಯಾಂಬರ್ ಡಸರ್ಟ್ ಸ್ಲೆಡ್ ಎಡಿಷನ್ ಅನ್ನು ಗ್ರಾಹಕರಿಗೆ ಪರಿಚಯಿಸಿದೆ.

ಅಮೆರಿಕದಲ್ಲಿ 1960-70ರ ದಶಕದ ಅವಧಿಯಲ್ಲಿ ಸ್ಕ್ರ್ಯಾಂಬರ್ ಡಸರ್ಟ್ ಸ್ಲೆಡ್ ಆವೃತ್ತಿಗಳಿಗೆ ಭಾರೀ ಬೇಡಿಕೆ ಇತ್ತು. ಇದನ್ನೇ ಪ್ರೇರಣಿಯಾಗಿಟ್ಟುಕೊಂಡಿರುವ ಡುಕಾಟಿ ಸಂಸ್ಥೆಯೂ ಪ್ರಸ್ತುತ ತಂತ್ರಜ್ಞಾನದೊಂದಿಗೆ ಅಭಿವೃದ್ಧಿ ಹೊಂದಿರುವ ಸ್ಕ್ರ್ಯಾಂಬರ್ ಡಸರ್ಟ್ ಸ್ಲೆಡ್ ಆವೃತ್ತಿಯನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ.

ಎಂಜಿನ್ ಸಾಮರ್ಥ್ಯ

ಯುರೋ 4 ವೈಶಿಷ್ಟ್ಯತೆಗಳೊಂದಿಗೆ ಅಭಿವೃದ್ಧಿ ಹೊಂದಿರುವ ಸ್ಕ್ರ್ಯಾಂಬರ್ ಡಸರ್ಟ್ ಸ್ಲೆಡ್ ಎಡಿಷನ್ ಮಾದರಿಗಳು 803 ಸಿಸಿ ಎಂಜಿನ್ ಸಾಮರ್ಥ್ಯ ಹೊಂದಿದ್ದು, 74 ಬಿಎಚ್‌ಪಿ 68 ಎನ್ಎಂ ಟಾರ್ಕ್ ಉತ್ಪಾದನಾ ಶಕ್ತಿಯನ್ನು ಹೊಂದಿವೆ.

ಹೀಗಾಗಿ 4.5ಸೇಕೆಂಡ್‌ಗಳಲ್ಲಿ ಸೊನ್ನೆಯಿಂದ ನೂರು ಕಿ.ಮಿ ವೇಗವನ್ನು ಪಡೆಯುವ ಸ್ಕ್ರ್ಯಾಂಬರ್ ಡಸರ್ಟ್ ಸ್ಲೆಡ್ ಎಡಿಷನ್, ಉನ್ನತ ಮಟ್ಟದಲ್ಲಿ ಪ್ರತಿಗಂಟೆಗೆ 200ಕಿ.ಮಿ ವೇಗದಲ್ಲಿ ಚಲಿಸುವ ಗುಣಹೊಂದಿವೆ.

ಇದರ ಜೊತೆ 9.1 ಎಂಪಿ ಎಬಿಎಸ್ ಕಂಟ್ರೋಲರ್ ಹೊಂದಿರುವ ಸ್ಕ್ರ್ಯಾಂಬರ್ ಡಸರ್ಟ್ ಸ್ಲೆಡ್ ಎಡಿಷನ್, ಮುಂಭಾಗದ ಚಕ್ರದಲ್ಲಿ ನಾಲ್ಕು ಪಿಸ್ಟನ್‌ನೊಂದಿಗೆ 330ಎಂಎಂ ಡಿಸ್ಕ್ ಬ್ರೇಕ್ ಮತ್ತು ಹಿಂಭಾಗದ ಚಕ್ರದಲ್ಲಿ 245ಎಂಎಂ ಡಿಸ್ಕ್ ಅಳವಡಿಸಲಾಗಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಭಾರತದಲ್ಲಿ ಇತ್ತೀಚೆಗೆ ಆಪ್ ರೋಡಿಂಗ್ ಕೌಶಲ್ಯಗಳು ಹೆಚ್ಚುತ್ತಿದ್ದು, ಈ ನಿಟ್ಟಿನಲ್ಲಿ ಹೊಸ ಯೋಜನೆ ರೂಪಿಸಿರುವ ಡುಕಾಟಿ ಸಂಸ್ಥೆಯು ಆಪ್ ರೋಡಿಂಗ್ ಪ್ರಿಯರಿಗಾಗಿ ಮೊಟ್ಟ ಮೊದಲ ಬಾರಿಗೆ ಸ್ಕ್ರ್ಯಾಂಬರ್ ಡಸರ್ಟ್ ಸ್ಲೆಡ್ ಎಡಿಷನ್ ದೇಶದಲ್ಲಿ ಬಿಡುಗಡೆ ಮಾಡಿದೆ.