ಭಾರತಕ್ಕೆ ಎಂಟ್ರಿ ಕೊಟ್ಟ ಹಾರ್ಲೆ ಡೇವಿಡ್ಸನ್ ಸ್ಟ್ರೀಟ್ ರಾಡ್ 750; ಬೆಲೆ ಮತ್ತು ಗ್ಯಾಲರಿ ಇಲ್ಲಿದೆ

ದುಬಾರಿ ಬೈಕ್ ತಯಾರಿಕೆಗೆ ಹೆಸರು ವಾಸಿಯಾಗಿರುವ ಹಾರ್ಲೆ ಡೇವಿಡ್ಸನ್ ಕಂಪನಿ ತನ್ನ ಹೊಚ್ಚ ಹೊಸ ಸ್ಟ್ರೀಟ್ ರಾಡ್ 750 ಬೈಕನ್ನು ಭಾರತದಲ್ಲಿ ಅನಾವರಣಗೊಳಿಸಿದ್ದು, ಈ ಮೂಲಕ ತನ್ನ ಸಾಮ್ರಾಜ್ಯ ಮತ್ತಷ್ಟು ವಿಸ್ತರಿಸುವ ಇರಾದೆ ಹೊಂದಿದೆ.

ಈ ನವೀನ ಮಾದರಿಯ ಅತಿ ಹೆಚ್ಚಿನ ಮಟ್ಟದ ಶಕ್ತಿ ಹೊಂದಿದ್ದು, ಉತ್ತಮ ಗುಣಮಟ್ಟದ ಯಂತ್ರಾಂಶ ಪಡೆದುಕೊಂಡಿರುವ ಕಾರಣ ಹೆಚ್ಚು ಬಲಿಷ್ಠತೆ ಹೊಂದಿರಲಿದೆ.

ಭಾರತದ ಯುವ ಸಮೂಹವನ್ನು ಗಮನದಲ್ಲಿಟ್ಟುಕೊಂಡು ಈ ಸ್ಟ್ರೀಟ್ ರಾಡ್ 750 ಬೈಕನ್ನು ನಿರ್ಮಿಸಲಾಗಿದೆ ಎಂದು ಹಾರ್ಲೆ ಡೇವಿಡ್ಸನ್ ಕಂಪನಿ ತಿಳಿಸಿದೆ.

ನಗರದ ಜನರ ಮನಸ್ಥಿತಿಗೆ ಅನುಗುಣವಾಗಿ ಈ ಬೈಕ್ ಉತ್ಪಾದಿಸಲಾಗಿದ್ದು, ಕ್ರೀಡಾ ಮಾದರಿಯ ಲುಕ್ ಮತ್ತು ಡ್ರ್ಯಾಗ್ ಸ್ಟೈಲ್ ಹ್ಯಾಂಡಲ್ ಬಾರ್ ಹೊಂದಿದೆ.

ಭಾರತ ದೇಶದ ನಂ.1 ಪ್ರೀಮಿಯಂ ಮೋಟಾರ್ ಸೈಕಲ್ ಬ್ರಾಂಡ್ ಆಗಿರುವ ಹಾರ್ಲೆ ಡೇವಿಡ್ಸನ್, ತನ್ನ ಸ್ಟ್ರೀಟ್ ರಾಡ್ 750 ಅಲ್ಯೂಮಿನಿಯಂ ಫುಟ್ ರೆಸ್ಟ್ ಪಡೆದುಕೊಂಡಿದ್ದು, ಬಾಗಿದ ಬ್ರೇಕ್ ಹಿಡಿ ಹೊಂದಿದೆ. ಸದ್ಯ ತಿಂಗಳಿಗೆ 180 ರಿಂದ 200 ಬೈಕುಗಳನ್ನು ಮಾರುವ ಗುರಿ ಹೊಂದಲಾಗಿದ್ದು, ಈ ಮೂಲಕ ತನ್ನ ಪ್ರತಿಸ್ಪರ್ಧಿಗಳೊಂದಿಗೆ ಸೆಣೆಸಲು ಅಕಾಡಕ್ಕಿಳಿದಿದೆ.

ಹಾರ್ಲೆ ಡೇವಿಡ್ಸನ್ ಕಂಪನಿ ಬಿಡುಗಡೆ ಮಾಡಿರುವ ಸ್ಟ್ರೀಟ್ ರಾಡ್ 750 ಬೈಕ್ ವಿವಿಡ್ ಬ್ಲಾಕ್, ಚಾರ್ಕೋಲ್ ಡೆನಿಮ್ ಮತ್ತು ಆಲಿವ್ ಗೋಲ್ಡ್ ಎಂಬ ಹೊಚ್ಚ ಹೊಸ ಮೂರು ಬಣ್ಣಗಳಲ್ಲಿ ಬಿಡುಗಡೆಗೊಳ್ಳುತ್ತಿದೆ.

ಈ ಹೊಸ ಬೈಕ್, ಕಳೆದ ಮಾದರಿಯಾದ ಸ್ಟ್ರೀಟ್ 750 ಬೈಕಿಗಿಂತ ಹೆಚ್ಚು ಕಡಿಮೆ ರೂ. 80,000 ರಷ್ಟು ಹೆಚ್ಚಿಗೆ ಇರಲಿದ್ದು, ಹಾರ್ಲೆ ಡೇವಿಡ್ಸನ್ ಸ್ಟ್ರೀಟ್ ರಾಡ್ 750 ಬೈಕಿನ ಬೆಲೆ ರೂ. 4.30 ಲಕ್ಷ(ಎಕ್ಸ್ ಷೋ ರೂಂ ದೆಹಲಿ) ನಿಗದಿಪಡಿಸಲಾಗಿದೆ.

ಹಾರ್ಲೆ ಡೇವಿಡ್ಸನ್ ಕಂಪನಿಯ ಎಚ್.ಡಿ 750 ಬೈಕಿಗೆ ಹೋಲಿಸಿದರೆ ಸ್ಟ್ರೀಟ್ ರಾಡ್ 750 ನವೀನ ಆಕಾರದ ಆಸನ ಪಡೆದುಕೊಳ್ಳಲಿದ್ದು ಇದರಿಂದಾಗಿ ಬೈಕಿನ ಮೇಲೆ ಹೆಚ್ಚು ಹಿಡಿತ ಸಾಧಿಸಲು ಸಹಾಯವಾಗುತ್ತದೆ ಎಂದು ಹೇಳಲಾಗಿದೆ.

ಆಕ್ರಮಣಕಾರಿ ಚಾಲನಾ ಅನುಭವ ನೀಡುವ ಸಲುವಾಗಿ ಮಡಿಕೆ ಮಾಡಬಹುದಾದ ಹೊಸ ರಿಯರ್ ವ್ಯೂ ಕನ್ನಡಿಗಳನ್ನು ಬಾರ್ ಕೊನೆಯಲ್ಲಿ ಅಳವಡಿಸಲಾಗಿದೆ.

ಈ ಬೈಕಿನ ಎಲ್ಲಾ ಮಾದರಿಗಳಲ್ಲಿ ಎಬಿಎಸ್ ಅಳವಡಿಸಲಾಗಿದ್ದು ಇದರಿಂದಾಗಿ ಸವಾರ ತನ್ನ ಎಷ್ಟೇ ವೇಗವಾಗಿ ಬೈಕ್ ಓಡಿಸುತ್ತಿದ್ದರೂ ಸಹ ತನ್ನ ಹತೋಟಿಗೆ ಬೈಕ್ ತೆಗೆದುಕೊಳ್ಳಬಹುದಾಗಿದೆ.

ಬೈಕಿಗೆ ಎಂ.ಆರ್.ಎಫ್ ಚಕ್ರಗಳನ್ನು ಅಳವಡಿಸಲು ಕಂಪನಿಯೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದು, ಈ ಒಪ್ಪಂದದ ಪ್ರಕಾರ ಭಾರತೀಯ ಮೂಲದ ಎಂ.ಆರ್.ಎಫ್ ಕಂಪನಿ ಚಕ್ರಗಳನ್ನು ಒದಗಿಸಲಿದೆ.

ಮಾರ್ಚ್ 15 ರಿಂದಲೇ ಬೈಕನ್ನು ಬುಕ್ ಮಾಡಲು ಕಂಪನಿ ಅನುವು ಮಾಡಿಕೊಟ್ಟಿದ್ದು, ನಿಮಗೆ ಈ ಬೈಕಿನ ಟೆಸ್ಟ್ ಡ್ರೈವ್ ಮಾಡಬೇಕೆಂಬ ಅಸೆ ಇದ್ದರೆ, ಮುಂದಿನ ತಿಂಗಳು ಏಪ್ರಿಲ್ 21ರ ವರೆಗೂ ಕಾಯಲೇಬೇಕು.

ಅತಿ ಹೆಚ್ಚು ಜನರು ವೀಕ್ಷಿಸಿದ ಲೇಖನಗಳು ಈ ಕೆಳಗಿನಂತಿವೆ...

'ಸ್ಟಾರ್' ಗುಟ್ಕಾ ಕಂಪನಿ ಮಾಲೀಕನ ಮಗ 'ಶ್ರೇಣಿಕ್' ಬಳಿ ಬರೋಬ್ಬರಿ 120 ಲಗ್ಷುರಿ ಕಾರುಗಳಿವೆ !!

ಅವರದು ವೃತ್ತಿಯಲ್ಲಿ ಕ್ಷೌರಿಕ ಕಾಯಕ- ಆದ್ರೆ ಅವರ ಐಷಾರಾಮಿ ಕಾರುಗಳ ಸಂಗ್ರಹ ಕೇಳಿದ್ರೆ ನಿಮಗೂ ಶಾಕ್..!!

ಹೊಸ ಬಣ್ಣಗಳೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಟ್ಟ ಬಿಎಸ್-IV ಎಂಜಿನ್ ಟಿವಿಎಸ್ ಜೂಪಿಟರ್..!!

ಡ್ರೈವ್‌ಸ್ಪಾರ್ಕ್‌ನಲ್ಲಿ ನೋಡಬೇಕಾದ ಫೋಟೋ ಗ್ಯಾಲರಿ

ಇದೇ ವರ್ಷ ಬಿಡುಗಡೆಗೊಳ್ಳಲಿರುವ ಹೊಚ್ಚ ಹೊಸ ಮಾರುತಿ ಸುಜುಕಿ ಸ್ವಿಫ್ಟ್ 2017 ಕಾರಿನ ಚಿತ್ರಗಳನ್ನು ವೀಕ್ಷಿಸಿ.

ಬಜಾಜ್ ಡೋಮಿನಾರ್ ಚಿತ್ರಗಳು

ಟಾಟಾ ಹೆಕ್ಸಾ ಚಿತ್ರಗಳನ್ನು ವೀಕ್ಷಿಸಿ

ಮಾರುತಿ ಇಗ್ನಿಸ್ ಚಿತ್ರಗಳು

ಟಾಟಾ ಟಿಗೋರ್ ಚಿತ್ರಗಳು