Click it and Unblock the Notifications
ಬಿಎಸ್-4 ಎಂಜಿನ್ ಹೊಂದಿರುವ ಹೊಚ್ಚ ಹೊಸ ಹೋಂಡಾ ಆಕ್ಟಿವಾ ಐ ಬಿಡುಗಡೆ
ಬಿಎಸ್-4 ಹಾಗೂ ಎಎಚ್ಒ ಸೌಲಭ್ಯ ಹೊಂದಿರುವ 2017ರ ಹೋಂಡಾ ಆಕ್ಟಿವಾ ಐ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿದ್ದು, ಹೊಸ ಮಾದರಿಯ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಭಾರತೀಯ ಮಾರುಕಟ್ಟೆಯ ಬೇಡಿಕೆಗೆ ಅನುಗುಣವಾಗಿ ಹೊಚ್ಚ ಹೊಸ ಮಾದರಿಯನ್ನು ಬಿಡುಗಡೆಗೊಳಿಸಿರುವ ಹೋಂಡಾ ಸಂಸ್ಥೆಯು, ಸುಧಾರಿತ ತಂತ್ರಜ್ಞಾನ ಹೊಂದಿರುವ ಆಕ್ಟಿವಾ ಐ ಸ್ಕೂಟರ್ ಬಿಡುಗಡೆ ಮಾಡಿದೆ. ದೆಹಲಿ ಎಕ್ಸ್ಶೋರಂ ಪ್ರಕಾರ ಹೊಸ ಸ್ಕೂಟರ್ ಬೆಲೆ ರೂ.47,913ಕ್ಕೆ ಲಭ್ಯವಿದೆ.
ಭಾರತೀಯ ಮಾರುಕಟ್ಟೆಯಲ್ಲಿ ಸದ್ಯ ಬೇಡಿಕೆಯಲ್ಲಿರುವ ಬಿಎಸ್-4 ಎಂಜಿನ್ ಆಧರಿತ ವಾಹನಗಳು ಚಾಲ್ತಿಯಲ್ಲಿದ್ದು, ಸ್ಕೂಟರ್ ಖರೀದಿಸುವ ಗ್ರಾಹಕರಿಗೆ ಹೋಂಡಾ ಸಂಸ್ಥೆಯು ವಿನೂತನ ಆಕ್ಟಿವಾ ಐ ಮಾದರಿಯನ್ನು ಪರಿಚಯಿಸಿದೆ.
ಹೊಸ ಮಾದರಿ ಆಕ್ಟಿವಾ ಐ ಸ್ಕೂಟರ್ನಲ್ಲಿ ಬಿಎಸ್-4 ಹಾಗೂ ಎಎಚ್ಒ( ಆಟೋಮ್ಯಾಟಿಕ್ ಹೆಡ್ಲ್ಯಾಂಪ್ ಆನ್) ವ್ಯವಸ್ಥೆಯಿದ್ದು, ಬೆಲೆಗಳು ಕೂಡಾ ಕೈಗೆಟುಕುವಂತಿವೆ.
ದ್ವಿಚಕ್ರ ವಾಹನಗಳ ಮಾರಾಟ ವಿಭಾಗದಲ್ಲಿ ಸದ್ಯ ಪ್ರಥಮ ಸ್ಥಾನದಲ್ಲಿರುವ ಹೋಂಡಾ ಆಕ್ಟಿವಾ ಸ್ಕೂಟರ್, ಐ ಆವೃತ್ತಿ ಮೂಲಕ ಮತ್ತೊಮ್ಮೆ ಗ್ರಾಹಕರನ್ನು ಸೆಳೆಯಲು ಸಜ್ಜುಗೊಂಡಿದೆ.
ಹೊಸ ಮಾದರಿ ಆಕ್ಟಿವ್ ಐ ಸ್ಕೂಟರ್ಗಳಲ್ಲಿ ಡ್ಯುಯಲ್ ಟೋನ್ ಕಲರ್ ಕಾಂಬಿನೇಷನ್ ಇದ್ದು, ಹೊರ ವಿನ್ಯಾಸಗಳು ಸ್ಕೂಟರ್ ಪ್ರಿಯರಿಗೆ ಹೊಸ ಅನುಭುತಿ ನೀಡಲಿವೆ.
ಸುಪ್ರೀಂಕೋರ್ಟ್ ಆದೇಶದಂತೆ ಏಪ್ರಿಲ್ 1ರಿಂದ ಕಡ್ಡಾಯವಾಗಿ ಜಾರಿಯಾಗಿರುವ ಬಿಎಸ್-4 ಮತ್ತು ಎಎಚ್ಓ ವ್ಯವಸ್ಥೆಗಳಿದ್ದು, ಖರೀದಿಗೆ ಅತ್ಯುತ್ತಮ ವಾಹನವಾಗಿದೆ.
ಹೊರ ವಿನ್ಯಾಸ ಮತ್ತು ಸ್ಕೂಟರ್ ತೂಕದಲ್ಲಿ ಭಾರೀ ಬದಲಾವಣೆ ತರಲಾಗಿದ್ದು, ಹಿಂದಿನ ಮಾದರಿಗಿಂತ ಉತ್ತಮ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ.
110ಸಿಸಿ ಸಾಮರ್ಥ್ಯದ ಹೆಚ್ಇಟಿ ಎಂಜಿನ್ ಹೊಂದಿರುವ ಆಕ್ಟಿವಾ ಐ ಸ್ಕೂಟರ್, 8ಬಿಎಚ್ಪಿ ಮತ್ತು 8.74ಎಂಎನ್ ಟಾರ್ಕ್ ಉತ್ಪಾದಿಸುವ ಶಕ್ತಿ ಹೊಂದಿದೆ. ಹೀಗಾಗಿ ಉತ್ತಮ ಮೈಲೇಜ್ ಸಿಗಲಿದೆ.
ಡ್ಯುಯಲ್ ಟೋನ್ ಕಲರ್ ಕಾಂಬಿನೇಷನ್ ಹೊಂದಿರುವ ಹೊಸ ಆಕ್ಟಿವ್ ಐ ಸ್ಕೂಟರ್, ಒಟ್ಟು 5 ವಿವಿಧ ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಿದೆ.
ಆರ್ಚಿಡ್ ಪರ್ಪಲ್ ಮೆಟಾಲಿಕ್, ಲಶ್ ಮ್ಯಾಗ್ನೆಟಾ ಮೆಟಾಲಿಕ್, ನಿಯೋ ಆರೇಂಜ್ ಮೆಟಾಲಿಕ್, ಬ್ಲ್ಯಾಕ್ ಮತ್ತು ಇಂಪೀರಿಲ್ ರೆಡ್ ಮೆಟಾಲಿಕ್ ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಿದ್ದು, ಗ್ರಾಹಕರಿಗೆ ಮತ್ತೊಮ್ಮೆ ಮೋಡಿ ಮಾಡಲಿದೆ.
Continue with Google