ಆರಾಮಾಗಿ ನಿಂತಿದ್ದ ರಾಯಲ್ ಎನ್‌ಫೀಲ್ಡ್‌ಗೆ ಯಾವ್ ಸ್ಥಿತಿ ಬಂತು ನೋಡಿ !!

ಆದ್ರೆ, ಇತ್ತೀಚಿನ ಘಟನೆಯೊಂದು ರಾಯಲ್ ಎನ್‌ಫೀಲ್ಡ್ ಪ್ರಿಯರಿಗೆ ಖಂಡಿತ ಕೊಂಚ ಮಟ್ಟಿನ ಭಯ ಹುಟ್ಟಿಸದೆ ಇರಲಾರದು. ಹೌದು, ಈ ವಿಚಾರದ ಬಗ್ಗೆ ರಾಯಲ್ ಎನ್‌ಫೀಲ್ಡ್ ಬೈಕಿನ ಮಾಲೀಕ ಸುಮಿತ್ ಮಂತ್ರಿ ತಮ್ಮ ಫೇಸ್ ಬುಕ್ ಗೋಡೆಯ ಮೇಲೆ ಬರೆದುಕೊಂಡಿದ್ದಾರೆ.

ಸುಮಿತ್ ಮಂತ್ರಿ ಗುಹಾಹಾಟಿಯಲ್ಲಿ ವಾಸಿಸುತ್ತಿದ್ದು, ಎಲ್ಲರಂತೆ ರಾಯಲ್ ಎನ್‌ಫೀಲ್ಡ್ ಬೈಕನ್ನು ಕೊಳ್ಳಬೇಕು ಎಂದು ಕನಸು ಕಂಡಿದ್ದವರು. ಕೊನೆಗೆ ಸುಮಿತ್ ಈ ಬೈಕನ್ನು ಇತ್ತೀಚಿಗೆ ತಮ್ಮದಾಗಿಸಿಕೊಂಡಿದ್ದರು.

ಆದರೆ, ಅದೇನಾಯಿತೋ ಏನೋ ಸುಮಿತ್ ಕೊಂಡ ಕ್ಲಾಸಿಕ್ 350 ಬೈಕು ಇದ್ದಕ್ಕಿದಂತೆ ಅವರ ಗ್ಯಾರೇಜ್‌ನಲ್ಲಿ ನಿಲ್ಲಿಸಿದ್ದ ವೇಳೆ ಬೆಂಕಿಗೆ ಆಹುತಿಯಾಗಿದ್ದು, ಸುಟ್ಟು ಕರಕಲಾಗಿದೆ.

ಚಿತ್ರದಲ್ಲಿ ಗಮನಿಸಿದಂತೆ ಕ್ಲಾಸಿಕ್ 350 ಬೈಕ್ ಸಂಪೂರ್ಣವಾಗಿ ಸುಟ್ಟಿದ್ದು, ಈ ಮೋಟಾರ್ ಸೈಕಲ್ ಕೇವಲ ಮೂರು ತಿಂಗಳ ಹಿಂದೆ ಕೊಳ್ಳಲಾಗಿತ್ತು ಎಂದು ಮಾಲೀಕರು ತಿಳಿಸಿದ್ದಾರೆ. ಜೂನ್ 9 ರಂದು ಮಾಲೀಕ ನಾಲ್ಕು ಕಿ.ಮೀ ಮಾತ್ರ ಕ್ರಮಿಸಿದ ನಂತರ ತಂದು ಗ್ಯಾರೇಜ್‌ನಲ್ಲಿ ಪಾರ್ಕ್ ಮಾಡಿದ್ದರು ಎನ್ನಲಾಗಿದೆ.

ಜೂನ್ 9 ರಂದೇ ಈ ದುರ್ಘಟನೆ ನೆಡೆದಿದೆ ಮತ್ತು ಈ ವಿಚಾರವನ್ನು ಸುಮಿತ್ ತಮ್ಮ ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದು, ಹೆಚ್ಚು ಜನ ಈ ವಿಚಾರವನ್ನು ಶೇರ್ ಮಾಡಿದ್ದಾರೆ.

ಕೆಲವು ನಿಮಿಷಗಳ ನಂತರ, ಮಾಲೀಕತನ್ನ ಅಚ್ಚುಮೆಚ್ಚಿನ ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಬೈಕಿಗೆ ಬೆಂಕಿ ಬಿದ್ದಿರುವುದು ತಿಳಿದು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಬೈಕ್ ಸ್ಥಿತಿಯನ್ನು ಕಂಡು ಆಘಾತಕ್ಕೊಳಗಾದ ತಕ್ಷಣ ಷೋ ರೂಂಗೆ ಈ ವಿಚಾರ ಮುಟ್ಟಿಸಿದ್ದಾರೆ.

ಆದರೆ ಚಾಲನಾ ಸ್ಥಿತಿಯಲ್ಲಿ ಬೆಂಕಿ ಹತ್ತಿಕೊಂಡಿದ್ದರೆ ಮಾತ್ರ 'ಉತ್ಪಾದನೆ ವೈಫಲ್ಯ' ಎಂದು ಪರಿಗಣಿಸಲಾಗುತ್ತದೆ ಮತ್ತು ಈ ವಿಚಾರ ನಮ್ಮ ವ್ಯಾಪ್ತಿಗೆ ಬರುವುದಿಲ್ಲವಾದ ಕಾರಣ ವಿಮ ಸಂಸ್ಥೆಯನ್ನು ಸಂಪರ್ಕ ಮಾಡಿ ಎಂದು ತಮ್ಮ ಜವಾಬ್ದಾರಿಯಿಂದ ರಾಯಲ್ ಎನ್‌ಫೀಲ್ಡ್ ನುಣುಚಿಕೊಂಡಿದೆ.

ನನ್ನ ಊಹೆ...

ಸಾಮಾನ್ಯವಾಗಿ ಬೈಕು ಅತ್ವ ಕಾರುಗಳಲ್ಲಿ ಇರುವಂತಹ ಎಲೆಕ್ಟ್ರಿಕ್ ಪ್ರಸರಣೆ ಕೈಕೊಟ್ಟಾಗ ಈ ರೀತಿಯ ಅವಘಡಗಳು ಸಂಭವಿಸಲಿದೆ. ಇದು ಉತ್ಪಾದನಾ ನ್ಯೂನತೆಯಾಗಿರಲಿ ಅಥವಾ ಆಗಿರದೆ ಇರಲಿ, ಸಮಸ್ಯೆಯ ಬಗ್ಗೆ ಕಂಪನಿ ಅಥವಾ ವಿತರಕರು ಗಮನಹರಿಸಿ ಬೆಂಕಿ ಅವಘಡಕ್ಕೆ ಕಾರಣ ಏನು ಎಂಬುದನ್ನು ಕಂಡುಕೊಳ್ಳಬೇಕು.