ಜಿಎಸ್‌ಟಿ ಎಫೆಕ್ಟ್- ರಾಯಲ್ ಎನ್‌ಫೀಲ್ಡ್ ಖರೀದಿ ಇನ್ನು ಬಲು ದುಬಾರಿ..!

ಸರಕು ಮತ್ತು ಸೇವಾ ತೆರಿಗೆ ಕಾಯ್ದೆ ಅಡಿ 350 ಸಿಸಿ ಮೇಲ್ಪಟ್ಟ ಬೈಕ್ ಮಾದರಿಗಳ ಬೆಲೆಗಳನ್ನು ಹೆಚ್ಚಳ ಮಾಡಲಾಗಿದ್ದು, ಈ ಹಿನ್ನೆಲೆ ರಾಯಲ್ ಎನ್‌ಫೀಲ್ಡ್ ದರಗಳು ಕೂಡಾ ಹೆಚ್ಚಳಗೊಂಡಿವೆ.

ಜಿಎಸ್‌ಟಿ ಜಾರಿಗೂ ಮುನ್ನ ದರ ಪಟ್ಟಿಯನ್ನು ಪರಿಷ್ಕರಣೆ ಮಾಡಿದ್ದ ರಾಯಲ್ ಎನ್‌ಫೀಲ್ಡ್, ಪ್ರತಿ ಬೈಕ್ ಮಾದರಿ ಮೇಲೂ 4 ಸಾವಿರದಿಂದ 5 ಸಾವಿರ ವರೆಗೆ ಡಿಸ್ಕೌಂಟ್ ಘೋಷಣೆ ಮಾಡಿತ್ತು.

ಆದ್ರೆ ಜಿಎಸ್‌ಟಿ ಹೊಸ ನೀತಿಯ ಪ್ರಕಾರ 350 ಸಿಸಿ ಮೇಲ್ಪಟ್ಟ ಬೈಕ್‌ಗಳ ಮೇಲೆ ಶೇ.28 ರಷ್ಟು ತೆರಿಗೆ, ಶೇ.3ರಷ್ಟು ಸೆಸ್ ವಿಧಿಸದ ಹಿನ್ನೆಲೆ ಡಿಸ್ಕೌಂಟ್ ದರಗಳನ್ನು ಕೈಬಿಟ್ಟ ರಾಯಲ್ ಎನ್‌ಫೀಲ್ಡ್, ಬೆಲೆ ಹೆಚ್ಚಳ ಮಾಡಿ ಹೊಸ ದರ ಪಟ್ಟಿ ಬಿಡುಗಡೆ ಮಾಡಿದೆ.

ರಾಯಲ್ ಎನ್‌ಫೀಲ್ಡ್ ಉತ್ಪಾದಿತ ಕ್ಲಾಸಿಕ್ 350, ಕ್ಲಾಸಿಕ್ 500, ಹಿಮಾಲಯನ್, ಟಂಡರ್ ಬರ್ಡ್ 500 ಮತ್ತು ಬುಲೆಟ್ ಬೈಕ್‌ಗಳ ಬೆಲೆ ಹೆಚ್ಚಳವಾಗಿದ್ದು, ದೆಹಲಿ ಎಕ್ಸ್‌ಶೋರಂ ಪ್ರಕಾರ ಹೊಸ ದರ ಪಟ್ಟಿ ನೀಡಲಾಗಿದೆ.

ರಾಯಲ್ ಎನ್‌ಫೀಲ್ಡ್ ಹೊಸ ದರ ಪಟ್ಟಿ(ದೆಹಲಿ ಎಕ್ಸ್‌ಶೋರಂ ಪ್ರಕಾರ)

ಸರಾಸರಿಯಾಗಿ ಎಲ್ಲಾ ಮಾದರಿಗಳ ಮೇಲೂ 4 ರಿಂದ 5 ಸಾವಿರ ರೂಪಾಯಿ ದರ ಹೆಚ್ಚಳ ಮಾಡಿರುವ ರಾಯಲ್ ಎನ್‌ಫೀಲ್ಡ್, ಹೊಸ ದರಗಳನ್ನು ಇಂದಿನಿಂದಲೇ ಅನ್ವಯಿಸುವಂತೆ ಜಾರಿ ಮಾಡಿದೆ.