ದ್ವಿಚಕ್ರ ವಾಹನಗಳ ಮಾರಾಟದಲ್ಲಿ ಶೇ.62ರಷ್ಟು ಪ್ರಗತಿ ಸಾಧಿಸಿದ ಸುಜುಕಿ

ಜಿಎಸ್‌ಟಿ ಜಾರಿ ಬಳಿಕ ದ್ವಿಚಕ್ರ ವಾಹನ ಬೆಲೆಗಳಲ್ಲಿ ಇಳಿಕೆಯಾಗಿದ್ದು, ಬೈಕ್ ಖರೀದಿ ಪ್ರಕ್ರಿಯೆ ಜೋರಾಗಿದೆ. ಈ ನಡುವೆ ಉತ್ತಮ ಯೋಜನೆಗಳನ್ನು ಕೈಗೊಂಡ ಸುಜುಕಿ ಕೂಡಾ ಜುಲೈ ತಿಂಗಳಲ್ಲಿ 40,038 ಬೈಕ್‌ಗಳನ್ನು ಮಾರಾಟ ಮಾಡಿದೆ.

ಈ ಮೂಲಕ ಸುಜುಕಿ ಸಂಸ್ಥೆಯು ಜುಲೈನಲ್ಲಿ ಶೇ.62ರಷ್ಟು ಮಾರಾಟ ಪ್ರಗತಿಯನ್ನು ಸಾಧಿಸಿದ್ದು, ದೇಶಿಯ ಬೈಕ್ ಉತ್ಪಾದನೆಯಲ್ಲೂ ಅತ್ಯುತ್ತಮ ಸಾಧನೆ ಮಾಡಿದೆ.

Recommended Video

Jeep Compass Launched In India - DriveSpark

ಅದಲ್ಲದೇ ಜೂನ್ ಅವಧಿಯಲ್ಲಿ 24,703 ಬೈಕ್‌ಗಳನ್ನು ಮಾರಾಟ ಮಾಡಿ ಶೇ.52ರಷ್ಟು ಪ್ರಗತಿ ಸಾಧಿಸಿದ್ದ ಸುಜುಕಿ ಸಂಸ್ಥೆಯು, ಏಪ್ರಿಲ್-ಜುಲೈನಲ್ಲಿ ಒಟ್ಟು ಶೇ.40.6ರಷ್ಟು ಮಾರಾಟ ಪ್ರಗತಿ ಸಾಧಿಸಿರುವುದು ಗಮನಾರ್ಹ.

ಸುಜುಕಿ ದ್ವಿಚಕ್ರ ಮಾದರಿಗಳಾದ ಆಕ್ಸೆಸ್ 125 ಸ್ಕೂಟರ್‌ಗಳಿಗೆ ದೇಶದಲ್ಲೇ ಅತಿಹೆಚ್ಚು ಬೇಡಿಕೆಯಿದ್ದು, ನಂತರದ ಸ್ಥಾನದಲ್ಲಿ ಅತಿ ಹೆಚ್ಚು ಮಾರಾಟಗೊಳ್ಳುವ ಜಿಕ್ಸರ್ ಬೈಕ್‌ಗಳು ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿವೆ.

ಹೀಗಾಗಿಯೇ 2017-18ರ ಆರ್ಥಿಕ ವರ್ಷದ ಅವಧಿಯಲ್ಲಿ ಒಟ್ಟು 5 ಲಕ್ಷ ದ್ವಿಚಕ್ರ ವಾಹನಗಳ ಮಾರಾಟ ಗುರಿ ಹೊಂದಿರುವ ಸುಜುಕಿ ಈಗಾಗಲೇ 3 ಲಕ್ಷಕ್ಕೂ ಅಧಿಕ ಬೈಕ್‌ಗಳನ್ನು ಮಾರಾಟ ಮಾಡಿದ್ದು, ನಿರ್ದಿಷ್ಟ ಗುರಿಸಾಧನೆಗಾಗಿ ಮತ್ತಷ್ಟು ಹೊಸ ಯೋಜನೆಗಳನ್ನು ರೂಪಿಸುವ ತವಕದಲ್ಲಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಕಾರು ಮಾರಾಟದಲ್ಲಿ ಮುಂಚೂಣಿಯಲ್ಲಿರುವ ಸುಜುಕಿ ದ್ವಿಚಕ್ರ ವಾಹನಗಳ ವಿಭಾಗದಲ್ಲೂ ತನ್ನದೇ ಆದ ಬೇಡಿಕೆ ಹೊಂದಿದ್ದು, ಈ ಹಿನ್ನೆಲೆ ಮತ್ತಷ್ಟು ಹೊಸ ಹೊಸ ಬೈಕ್‌ಗಳನ್ನು ಬಿಡುಗಡೆ ಮಾಡಲು ಮುಂದಾಗಿರುವ ಸುಜುಕಿ ಪ್ರಮುಖ ಸಂಸ್ಥೆಗಳಿಗೆ ತ್ರೀವ ಸ್ಪರ್ಧೆ ಒಡ್ಡುವ ತವಕದಲ್ಲಿದೆ.