ಟಿವಿಎಸ್ ಅಪಾಚೆ 200 ಎಫ್‌ಐ4ವಿ ದ್ವಿಚಕ್ರ ವಾಹನ ಭಾರತದಲ್ಲಿ ಬಿಡುಗಡೆ; ಬೆಲೆ ರೂ.1.07 ಲಕ್ಷ

ಬಿಡುಗಡೆಗೊಂಡಿರುವ ಈ ನವೀನ 200 ಎಫ್‌ಐ4ವಿ ಬೈಕ್, ಟಿವಿಎಸ್ ಸಂಸ್ಥೆಯ ಪ್ರಮುಖ ಬ್ರಾಂಡ್ ಅಪಾಚೆ ಮಾದರಿಯ ಫ್ಯುಯೆಲ್ ಇಂಜೆಕ್ಟ್ ಆವೃತ್ತಿಯಾಗಿದೆ ಮತ್ತು ಹೊಸ Twin-Spray-Twin-Port EFI ತಂತ್ರಜ್ಞಾನ ಪಡೆದ ಮೋಟಾರ್‌ಸೈಕಲ್ ಸದ್ಯ ಭಾರತದಲ್ಲಿ ಕೆಲವು ನಗರಗಳಲ್ಲಿ ಮಾತ್ರ ಲಭ್ಯವಿದೆ.

ಎಫ್‌ಐ4ವಿ ಫ್ಯುಯೆಲ್ ಇಂಜೆಕ್ಟ್ ಎಂಜಿನ್ ಆಯ್ಕೆಯೆಯೊಂದಿಗೆ ಬಿಡುಗಡೆಯಾಗಿರುವ ಟಿವಿಎಸ್ ಅಪಾಚೆ 197.75 ಸಿಸಿ ಬೈಕ್, 18.1 ಎನ್ಎಂ ತಿರುಗುಬಲದಲ್ಲಿ 20.71 ಬಿಎಚ್‌ಪಿ ಟಾರ್ಕ್ ಉತ್ಪಾದಿಸುತ್ತದೆ.

ಈ ಹೊಸ ಎಂಜಿನ್ 5-ಸ್ಪೀಡ್ ಗೇರ್‌ಬಾಕ್ಸ್ ಸೌಲಭ್ಯ ಪಡೆದುಕೊಂಡಿದೆ ಮತ್ತು ಕೇವಲ 3.9 ಸೆಕೆಂಡುಗಳಲ್ಲಿ 60 ಕಿಲೋಮೀಟರ್ ಗರಿಷ್ಠ ವೇಗ ತಲುಪುವಷ್ಟು ಬಲಿಷ್ಠ ಮತ್ತು 129 ಕಿಲೋಮೀಟರ್ ಗರಿಷ್ಠ ವೇಗ ಮಿತಿಯ ಎಂಜಿನ್ ಪಡೆದುಕೊಂಡಿದೆ ಎಂದು ಕಂಪನಿ ತಿಳಿಸಿದೆ.

ಹೊಸ ಅಪಾಚೆ 200 Fi4V ಟ್ವಿನ್-ಸ್ಪ್ರೇ-ಟ್ವಿನ್-ಪೋರ್ಟ್ ಇಎಫ್ಐ ತಂತ್ರಜ್ಞಾನವನ್ನು ಬಳಸುತ್ತದೆ, ಇದು ಟಿವಿಎಸ್ ಉತ್ತಮ ಚಾಲನ ಸಾಧ್ಯತೆ, ವೇಗವಾದ ಥ್ರೊಟಲ್ ಪ್ರತಿಕ್ರಿಯೆ ಮತ್ತು ಹೊರಸೂಸುವಿಕೆ ಹಂತಗಳಲ್ಲಿ ಗಣನೀಯ ಇಳಿಕೆಗೆ ಅನುವು ಮಾಡಿಕೊಡುತ್ತದೆ.

ಹೊಸ ತಂತ್ರಜ್ಞಾನ ಹೊರತುಪಡಿಸಿ, ಬೇರೆಲ್ಲಾ ವಿಚಾರಗಳಲ್ಲಿ ಈ ದ್ವಿಚಕ್ರ ವಾಹನವು ಯಾವುದೇ ರೀತಿಯ ಹೆಚ್ಚಿನ ಬದಲಾವಣೆಗಳನ್ನು ಪಡೆದುಕೊಂಡಿಲ್ಲ ಎನ್ನಬಹುದು. 37 ಎಂಎಂ ಮುಂಭಾಗದ ಫೋರ್ಕ್ಸ್ ಮತ್ತು ಹಿಂಭಾಗದಲ್ಲಿ ಮೊನೊ-ಶಾಕ್ ಸೌಲಭ್ಯವನ್ನು ಪಡೆದುಕೊಂಡಿದೆ.

ಸದ್ಯ ಬಿಡುಗಡೆಗೊಂಡಿರುವ ಈ 200 ಎಫ್‌ಐ4ವಿ ಇಂಧನ ಇಂಜೆಕ್ಷನ್ ವಾಹನವು ಈ ಬೈಕಿನ ಉನ್ನತ ಆವೃತಿಯಾಗಿದ್ದು, ಹಾರ್ಡ್‌ಕೋರ್ ಅಪಾಚೆ ಬ್ರಾಂಡ್‌ನ ಅಭಿಮಾನಿಗಳಿಗೆ ಈ ಬೈಕ್ ಖುಷಿ ನೀಡಲಿರುವುದು ಖಂಡಿತ.