Just In
- 1 hr ago Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- 13 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 14 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 16 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
Don't Miss!
- Movies Amruthadhaare ; ಪಾರ್ಥ ಮತ್ತು ಅಪೇಕ್ಷಾ ಪ್ರೀತಿ, ಕೆಂಡಾಮಂಡಲಗೊಂಡ ಶಕುಂತಲಾ..!
- News 5 ವರ್ಷಗಳಲ್ಲಿ ಕರ್ನಾಟಕ ಸಂಸದರ ಸಾಧನೆ ಏನು? ಅಧ್ಯಯನ ಹೇಳೋದೇನು?
- Sports ಟಿ20 ವಿಶ್ವಕಪ್ಗೆ ಭಾರತ ತಂಡದಲ್ಲಿ ಕೆಎಲ್ ರಾಹುಲ್ಗೆ ಸ್ಥಾನ?; ರಾಬಿನ್ ಉತ್ತಪ್ಪ ಹೇಳಿದ್ದೇನು?
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
10 ಮಿಲಿಯನ್ ವಾಹನ ಉತ್ಪಾದಿಸಿದ ಯಮಹಾ
ಯಮಹಾ ಮೋಟಾರ್ಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್., 10 ಮಿಲಿಯನ್ ವಾಹನಗಳ ಉತ್ಪಾದನೆ ಮಾಡಿರುವುದಾಗಿ ಘೋಷಿಸಿದೆ. ಯಮಹಾ ಇಂಡಿಯಾ 1985ರಲ್ಲಿ ಭಾರತದಲ್ಲಿ ತನ್ನ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದ ನಂತರ ಈ ಮೈಲಿಗಲ್ಲನ್ನು ಸಾಧಿಸಿದೆ. ಭಾರತದಲ್ಲಿರುವ - ಸೂರಜ್ಪುರ್, ಫರೀದಾಬಾದ್ ಮತ್ತು ಚೆನ್ನೈ ಘಟಕಗಳಿಂದ ಈ ಸಾಧನೆಯನ್ನು ಮಾಡಲಾಗಿದೆ.
ಯಮಹಾದ ಅತಿ ಹೆಚ್ಚು ಮಾರಾಟವಾಗುವ ಎಫ್ಝಡ್ ಎಸ್ ಎಫ್ಐ 3.0 ಮಾದರಿಯ ವಾಹನವು, ಯಮಹಾ ಕಂಪನಿಯಿಂದ ಉತ್ಪಾದನೆಯಾದ 10ನೇ ಮಿಲಿಯನ್ ವಾಹನವಾಗಿದೆ. ಈ ಸಂದರ್ಭದಲ್ಲಿ ಜಪಾನಿನ ಯಮಹಾ ಮೋಟಾರ್ ಕಂಪನಿ ಲಿಮಿಟೆಡ್ನ ಮ್ಯಾನೇಜ್ಮೆಂಟ್ನ ಹಿರಿಯ ಸದಸ್ಯರು, ಯಮಹಾ ಮೋಟಾರ್ ಇಂಡಿಯಾ ಗ್ರೂಪ್ ಆಫ್ ಕಂಪನೀಸ್, ಮಿಟ್ಸೂಯಿ ಅಂಡ್ ಕಂಪನಿ ಲಿಮಿಟೆಡ್, ವೆಂಡರ್ ಪಾರ್ಕ್ ಕಂಪನೀಸ್, ಉದ್ಯೋಗಿಗಳು ಮತ್ತು ಉದ್ಯೋಗಿಗಳ ಪ್ರತಿನಿಧಿಗಳು ಭಾಗವಹಿಸಿದ್ದರು.
ಈ 10 ಮಿಲಿಯನ್ನಲ್ಲಿ 80% ಯೂನಿಟ್ಗಳನ್ನು ಸೂರಜ್ಪುರ್ ಮತ್ತು ಫರೀದಾಬಾದ್ ಘಟಕಗಳಲ್ಲಿ ಉತ್ಪಾದಿಸಲಾಗಿದೆ. ಉಳಿದ 20% ಯೂನಿಟ್ಗಳನ್ನು ಕಂಪನಿಯ ಚೆನ್ನೈ ಘಟಕದಲ್ಲಿ ಉತ್ಪಾದಿಸಲಾಗಿದೆ.
ಯಮಹಾ ಮೋಟಾರ್ ಇಂಡಿಯಾ ಗ್ರೂಪ್ ಆಫ್ ಕಂಪನೀಸ್ನ ಅಧ್ಯಕ್ಷ ಮೋಟೊಫುಮಿ ಶಿಟಾರಾ ರವರು ಮಾತನಾಡಿ, ಯಮಹಾದ ಭಾರತದಲ್ಲಿನ ಪಯಣವು ಇಷ್ಟು ವರ್ಷಗಳಲ್ಲಿ ಸಂಭ್ರಮದಿಂದ ಕೂಡಿತ್ತು. ನಾವು ಗ್ರಾಹಕರಿಂದ ಅಭೂತಪೂರ್ವವಾದ ಪ್ರತಿಕ್ರಿಯೆಯನ್ನು ಪಡೆದಿದ್ದೇವೆ.
ಈ ಮೈಲಿಗಲ್ಲು ನಮ್ಮ ಬೆಳೆಯುತ್ತಿರುವ ಜನಪ್ರಿಯ ದ್ಯೋತಕವಾಗಿದೆ, ನಾವು ಮಾರುಕಟ್ಟೆಯಲ್ಲಿ ಇನ್ನೂ ಜನಪ್ರಿಯತೆಯನ್ನು ಉಳಿಸಿಕೊಂಡಿದ್ದೇವೆ. ನಮ್ಮ ಉತ್ಪನ್ನಗಳು ಸ್ಟೈಲಿಶ್ ಆಗಿ, ಸ್ಪೋರ್ಟಿಯಾಗಿವೆ ಎಂದು ತಿಳಿಸಿದರು. ಈ ಸಾಧನೆಯು ನಮ್ಮ ಉದ್ಯೋಗಿಗಳ, ಡೀಲರ್ಗಳ, ಸಪ್ಲೈಯರ್ಗಳ ಮತ್ತು ವೆಂಡರ್ಗಳ ಬೆಂಬಲವಿಲ್ಲದೇ ಸಾಧ್ಯವಾಗುತ್ತಿರಲಿಲ್ಲ. ಅವರು ನಮ್ಮ ಕಂಪನಿಯ ಬೆಂಬಲಕ್ಕೆ ನಿಂತು ನಮ್ಮ ಕಂಪನಿಯ ಬೆಳವಣಿಗೆಯಲ್ಲಿ ಮಹತ್ವದ ಪಾತ್ರವಹಿಸಿದ್ದಾರೆ.
ಭವಿಷ್ಯದಲ್ಲಿಯೂ ಸಹ ನಾವು, ವಿಶ್ವ ದರ್ಜೆಯ ಸೇವೆಯನ್ನು ನೀಡುವ ಮೂಲಕ, ನಮ್ಮ ಗ್ರಾಹಕರ ಸಂಭ್ರಮವನ್ನು ಹೆಚ್ಚಿಸುವ ಕೆಲಸವನ್ನು ಮುಂದುವರೆಸಲಿದ್ದೇವೆ ಎಂದು ತಿಳಿಸಿದರು.
1985 ರಿಂದ 2019ರವರೆಗಿನ 34 ವರ್ಷಗಳ ಪಯಣದಲ್ಲಿ ಯಮಹಾ ಕಂಪನಿಯು ಅನೇಕ ಮಹತ್ವದ ಘಟನೆಗಳಿಗೆ ಸಾಕ್ಷಿಯಾಗಿದೆ. 1999ರಲ್ಲಿ ಸೂರಜ್ಪುರ್ ಘಟಕದಲ್ಲಿ 1 ಮಿಲಿಯನ್ ಉತ್ಪಾದನೆಯನ್ನು ಮಾಡಲಾಯಿತು. 13 ವರ್ಷಗಳ ನಂತರ ಅಂದರೆ 2012ರಲ್ಲಿ 5 ಮಿಲಿಯನ್ ಉತ್ಪಾದನೆಯನ್ನು ಮಾಡಲಾಯಿತು.
MOST READ: ಭಾರತದಲ್ಲಿ ಬಿಡುಗಡೆಗೊಂಡ ಬಿಎಂಡಬ್ಲ್ಯು ಅಡ್ವೆಂಚರ್ ಬೈಕ್
2016ರಲ್ಲಿ ಯಮಹಾ ಇಂಡಿಯಾ, ಭಾರತದಲ್ಲಿ 1 ಮಿಲಿಯನ್ ವಾಹನಗಳನ್ನು ತನ್ನ ಸ್ಕೂಟರ್ಗಳಿಗಾಗಿ ಉತ್ಪಾದಿಸಿತು. ಈಗ 7 ವರ್ಷಗಳ ನಂತರ ಕಂಪನಿಯು ಯಶಸ್ವಿಯಾಗಿ 10 ಮಿಲಿಯನ್ ವಾಹನಗಳ ಉತ್ಪಾದನೆಯ ಮೈಲಿಗಲ್ಲನ್ನು ಸಾಧಿಸಿದೆ. ಯಮಹಾದ ಚೆನ್ನೈ ಘಟಕವು ಉತ್ಪಾದನೆಯಲ್ಲಿ ಬಹು ಮಹತ್ವದ ಪಾತ್ರವನ್ನು ವಹಿಸಿದೆ. 2015ರಲ್ಲಿ 4.5 ಲಕ್ಷಗಳಷ್ಟಿದ್ದ ಉತ್ಪಾದನೆಯು, 2019ರಲ್ಲಿ 9 ಲಕ್ಷಗಳಿಗೇರಿದೆ. ಭಾರತದಲ್ಲಿರುವ ಮೂರು ಘಟಕಗಳ ಪೈಕಿ ಚೆನ್ನೈ ಘಟಕವು ದೊಡ್ಡ ಉತ್ಪಾದನಾ ಘಟಕವಾಗಿದೆ.
ಯಮಹಾ ಕಂಪನಿಯ ಮೂಲಗಳ ಪ್ರಕಾರ, ಯಮಹಾ ಕಂಪನಿಯು 2012 ಮತ್ತು 2019ರ ನಡುವೆ, ಸುಮಾರು 5 ಮಿಲಿಯನ್ ವಾಹನಗಳನ್ನು ಉತ್ಪಾದಿಸಿ, ಭಾರತದಲ್ಲಿನ ಒಟ್ಟಾರೆ ಸ್ಕೂಟರ್ ಉತ್ಪಾದನೆಗೆ 44% ಕೊಡುಗೆ ನೀಡಿದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಯಮಹಾ ಪ್ರಪಂಚದಲ್ಲಿ ದ್ವಿಚಕ್ರವಾಹನಗಳ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿದೆ, ಈ ಸಾಧನೆ ಮಾಡಲು ಭಾರತದ ಕೊಡುಗೆಯು ದೊಡ್ಡದಿದೆ. ಭಾರತದಲ್ಲಿರುವ ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಯಮಹಾ ಕಂಪನಿಯು ಸ್ಪಂದಿಸುತ್ತಲೇ ಬಂದಿದೆ. ಬೆಸ ಸಂಖ್ಯೆಗಳಾದ 1985, 34, 13, ಮತ್ತು 7 ಯಮಹಾ ಕಂಪನಿಗೆ ಅದೃಷ್ಟದ ಸಂಖ್ಯೆಗಳಾಗಿವೆ. ಆದರೆ 46ರ ಒಂದೇ ಒಂದು ಸಮ ಸಂಖ್ಯೆ ಮಾತ್ರ ಯಮಹಾಗೆ ಅದೃಷ್ಟ ತಂದಿದೆ.