ಪ್ಯಾರಾಲಲ್ ಟ್ವಿನ್ ಎಂಜಿನ್ ಹೊಂದಿರುವ ವಿಶ್ವದ ಏಕೈಕ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ ಬೈಕಿದು

ಈ ಬೈಕಿನ ಬೆಲೆಯ ಬಗ್ಗೆ ಹೇಳುವುದಾದರೆ, ಈ ಬೈಕ್ ಆಫ್-ರೋಡಿಂಗ್ ಬೈಕ್ ಆಗಿ ನೀಡುವ ಬೆಲೆಗೆ ತಕ್ಕ ಮೌಲ್ಯವನ್ನು ನೀಡುತ್ತದೆ. ಈ ಬೈಕ್ ತನ್ನ ಪ್ರತಿಸ್ಪರ್ಧಿ ಬೈಕ್'ಗಳಿಗಿಂತ ಕಡಿಮೆ ಪವರ್ ಹಾಗೂ ಟಾರ್ಕ್ ಅನ್ನು ಹೊಂದಿರುವುದರಿಂದ ಹಿಮಾಲಯನ್ ಬೈಕ್ ಅನ್ನು ಹೆಚ್ಚಾಗಿ ಆನ್-ರೋಡ್ ಬೈಕ್ ಆಗಿ ಬಳಸಲಾಗುತ್ತದೆ. ಈ ಕಾರಣಕ್ಕೆ ಟ್ವಿನ್ ಸಿಲಿಂಡರ್ ಹೊಂದಿರುವ ಈ ಬೈಕ್ ಬೇಡಿಕೆಯನ್ನು ಹೊಂದಿದೆ.

ರಾಯಲ್ ಎನ್‌ಫೀಲ್ಡ್ ಕಂಪನಿಯು ಮುಂಬರುವ ದಿನಗಳಲ್ಲಿ ಈ ಬೈಕಿಗಾಗಿ ಹಲವು ಯೋಜನೆಗಳನ್ನು ಹೊಂದಿದೆ. ಇತ್ತೀಚೆಗೆ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ ಬೈಕಿಗೆ ಸಂಬಂಧಿಸಿದ ವೀಡಿಯೊವೊಂದು ಹೊರ ಬಂದಿದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ವೀಡಿಯೊದಲ್ಲಿರುವ ಹಿಮಾಲಯನ್ ಬೈಕಿನಲ್ಲಿ ಪ್ಯಾರಾಲಲ್ ಟ್ವಿನ್ ಎಂಜಿನ್ ಬಳಸಲಾಗಿದೆ. ಈ ವೀಡಿಯೊವನ್ನು ಅಭಿನವ್ ಭಟ್ ಎಂಬ ಯೂಟ್ಯೂಬ್ ಚಾನೆಲ್‌ನಲ್ಲಿ ಅಪ್‌ಲೋಡ್ ಮಾಡಲಾಗಿದೆ.

ಈ ಬೈಕನ್ನು ಮನ್‌ಪ್ರೀತ್ ಸಿಂಗ್ ಎಂಬ ವ್ಯಕ್ತಿ ಲಾಕ್‌ಡೌನ್‌ ಅವಧಿಯಲ್ಲಿ ಮಾಡಿಫೈಗೊಳಿಸಿದ್ದಾನೆ. ಮಾಡಿಫ್ಜಗೊಂಡಿರುವ ಈ ಬೈಕ್ ಪ್ಯಾರಾಲಲ್ ಟ್ವಿನ್ ಎಂಜಿನ್ ಹೊಂದಿರುವ ವಿಶ್ವದ ಏಕೈಕ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ ಬೈಕ್ ಎಂಬ ಹೆಗ್ಗಳಿಕೆಯನ್ನು ಪಡೆದಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ಮಾಡಿಫಿಕೇಶನ್'ಗಾಗಿ ಅವರು ತಮ್ಮ ಬಳಿಯಿದ್ದ 1990ರ ಮಾದರಿಯ ಸುಜುಕಿ ಜಿಎಸ್ 400 ಇ ಬೈಕಿನಲ್ಲಿದ್ದ 400 ಸಿಸಿ ಡಿಒಹೆಚ್‌ಸಿ ಪ್ಯಾರಾಲಲ್ ಟ್ವಿನ್ ಎಂಜಿನ್ ಬಳಸಿಕೊಂಡಿದ್ದಾರೆ. ಮೂಲಗಳ ಪ್ರಕಾರ ಈ ಎಂಜಿನ್ ಗರಿಷ್ಠ 38.4 ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತದೆ.

ಅಂದರೆ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್‌ನ ಸ್ಟಾಂಡರ್ಡ್ ಮಾದರಿಗಿಂತ ಸುಮಾರು 14.7 ಹೆಚ್ಚು ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತದೆ. ಆದರೆ ಟಾರ್ಕ್ ಉತ್ಪಾದನೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಹಿಮಾಲಯನ್ ಬೈಕಿನಲ್ಲಿರುವ ಎಂಜಿನ್ 28 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್‌ನ ಸ್ಟ್ಯಾಂಡರ್ಡ್ ಮಾದರಿಯು 5-ಸ್ಪೀಡಿನ ಗೇರ್‌ಬಾಕ್ಸ್ ಹೊಂದಿದ್ದರೆ, ಈ ಎಂಜಿನ್ 6-ಸ್ಪೀಡಿನ ಗೇರ್‌ಬಾಕ್ಸ್ ಹೊಂದಿದೆ.

ಈ ಹಿಮಾಲಯನ್ ಚಾಸಿಸ್'ನೊಂದಿಗೆ ಸುಜುಕಿ ಜಿಎಸ್ 400 ಇ ಎಂಜಿನ್ ಅನ್ನು ಜಾಗರೂಕತೆಯಿಂದ ಅಳವಡಿಸಲಾಗಿದೆ. ಮಾಡಿಫೈಗೊಂಡ ಈ ಹಿಮಾಲಯನ್ ಬೈಕಿನಲ್ಲಿ ಎರಡು 36 ಎಂಎಂ ಮಿನಿ ಕಾರ್ಬ್ಯುರೇಟರ್‌ಗಳನ್ನು ಬಳಸಲಾಗಿದೆ. ಜೊತೆಗೆ ಇತರ ಕೆಲವು ಬದಲಾವಣೆಗಳನ್ನು ಮಾಡಲಾಗಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಬೈಕ್‌ನ ಮಾಲೀಕರ ಪ್ರಕಾರ, ಈ ಬೈಕ್ ಸ್ವಚ್ವವಾಗಿದ್ದು, ನೇರ ಶಕ್ತಿಯನ್ನು ನೀಡುತ್ತದೆ. ಇನ್ನು ಟ್ವಿನ್-ಸಿಲಿಂಡರ್ ಎಂಜಿನ್ ತುಂಬಾ ಮೃದುವಾಗಿದ್ದು, ಯಾವುದೇ ರೀತಿಯ ವೈಬ್ರೇಷನ್ ಅನ್ನು ಉಂಟುಮಾಡುವುದಿಲ್ಲ. ಈ ಬೈಕಿನ ಟಾಪ್ ಸ್ಪೀಡ್ 140 ಕಿ.ಮೀಗಳಾಗಿದೆ. ಈ ಚಿತ್ರಗಳನ್ನು ಅಭಿನವ್ ಭಟ್ ಯೂಟ್ಯೂಬ್ ಚಾನೆಲ್'ನಿಂದ ಪಡೆಯಲಾಗಿದೆ.