ಸೈಡ್ ಕಾರಿನೊಂದಿಗೆ ಮಾಡಿಫೈಗೊಂಡ ಕಾಂಟಿನೆಂಟಲ್ ಜಿಟಿ 650 ಬೈಕ್

ಮಾಡಿಫೈ ಕಂಪನಿಯೊಂದು ರಾಯಲ್ ಎನ್‌ಫೀಲ್ಡ್ ಕಂಪನಿಯ ಕಾಂಟಿನೆಂಟಲ್ ಜಿಟಿ 650 ಬೈಕ್ ಅನ್ನು ಸೈಡ್ ಕಾರ್ ಆಗಿ ಬದಲಿಸಿದ್ದಾರೆ. ಜನರ ಗಮನವನ್ನು ಸೆಳೆಯಲು ಈ ಬೈಕನ್ನು ಮರುವಿನ್ಯಾಸಗೊಳಿಸಲಾಗಿದೆ. ಈ ಮಾಡಿಫಿಕೇಶನ್ ನಡೆದಿರುವುದು ಭಾರತದಲ್ಲಲ್ಲ. ಬದಲಿಗೆ ಜರ್ಮನಿಯ ಕಾಕ್ಸ್ ಬಜಾರ್‌ನಲ್ಲಿ.

ಜನಪ್ರಿಯ ವಾಹನ ಮಾರ್ಪಾಡು ಕಂಪನಿಯಾದ ವಾಲ್ಟರ್ ಹ್ಯಾರಿಸ್ ಈ ಬೈಕ್ ಅನ್ನು ಮಾಡಿಫೈಗೊಳಿಸಿದೆ. ರಾಯಲ್ ಎನ್‌ಫೀಲ್ಡ್ ಜಿಟಿ 650 ಬೈಕನ್ನು ವಾಲ್ಟರ್ ಹ್ಯಾರಿಸ್ ಪುರಾತನ ಸೈಡ್ ಕಾರ್ ಆಗಿ ಬದಲಿಸಿದೆ.

MOSTREAD: ಮದುವೆ ಉಂಗುರದ ಶೋಧಕ್ಕಾಗಿ ಚೆಲ್ಲಾಪಿಲ್ಲಿಯಾದ ಕಾರಿನ ಇಂಟಿರಿಯರ್

ಈ ಸೈಡ್ ಕಾರ್ ನ ಭಾಗಗಳನ್ನು ಬೇರೆ ಕಂಪನಿಯ ಬೈಕುಗಳಿಂದ ಪಡೆಯಲಾಗಿದೆ. ಪೈಪ್‌ಗಳನ್ನು ಟ್ರಯಂಫ್ 1200 ಬೈಕಿನಿಂದ, ವ್ಹೀಲ್ ಗಳನ್ನು ಹಾರ್ಲೆ ಡೇವಿಡ್ಸನ್ ಬೈಕಿನಿಂದ ಹಾಗೂ ಬ್ರೇಕ್‌ಗಳನ್ನು ಯಮಹಾ ಬೈಕ್‌ನಿಂದ ಪಡೆಯಲಾಗಿದೆ. ಈ ಬೈಕ್ ಅನ್ನು ವಿಶಿಷ್ಟವಾಗಿ ವಿನ್ಯಾಸಗೊಳಿಸಲಾಗಿದೆ.

ಈ ಸೈಡ್ ಕಾರಿನ ಸೀಟ್ ಎರಡು ಬಣ್ಣಗಳನ್ನು ಹೊಂದಿದ್ದರೂ, ಅದರ ಮುಖ್ಯ ಬಣ್ಣ ಕಪ್ಪು. ಈ ಸೈಡ್ ಕಾರಿನ ಬಹುತೇಕ ಭಾಗಗಳು ಕಪ್ಪುಬಣ್ಣವನ್ನು ಹೊಂದಿವೆ. ಈ ಸೈಡ್ ಕಾರಿಗೆ ವಿಮಾನದ ಮೂಗಿನ ಭಾಗದ ಆಕಾರವನ್ನು ನೀಡಲಾಗಿದೆ. ಇದರಿಂದ ಬೈಕಿನ ಆಕರ್ಷಣೆ ಮತ್ತಷ್ಟು ಹೆಚ್ಚಾಗಿದೆ.

MOSTREAD: ಬೀದಿ ನಾಯಿಯೇ ಈ ಶೋರೂಂನ ರಿಸೆಪ್ಶನಿಸ್ಟ್

ಬೈಕ್‌ ಅನ್ನು ಮತ್ತಷ್ಟು ಆಕರ್ಷಕವಾಗಿಸಲು ಗೋಲ್ಡ್ ಲೈನ್ ಗಳನ್ನು ನೀಡಲಾಗಿದೆ. ಈ ಸೈಡ್ ಕಾರ್ ಹೆಚ್ಚು ಆರಾಮದಾಯಕವಾದ ಸೀಟುಗಳನ್ನು ಹೊಂದಿದೆ. ಸೈಡ್ ಕಾರಿನಲ್ಲಿ ಕಾಲುಗಳನ್ನು ಆರಾಮವಾಗಿ ಚಾಚಬಹುದು.

ಈ ಸೈಡ್ ಕಾರಿನಲ್ಲಿ ಕೇವಲ ಒಬ್ಬರು ಮಾತ್ರ ಕುಳಿತುಕೊಳ್ಳಬಹುದು ಎಂಬುದು ಗಮನಿಸಬೇಕಾದ ಸಂಗತಿ. ಈ ಸೈಡ್ ಕಾರಿನ ನೋಟವು ರಾಯಲ್ ಎನ್‌ಫೀಲ್ಡ್ ಕಂಪನಿಯು ಹೊಸ ಬೈಕನ್ನು ಮಾರಾಟಕ್ಕೆ ಬಿಡುಗಡೆ ಮಾಡಿದಂತೆ ಕಾಣುತ್ತದೆ. ಈ ಎಲ್ಲಾ ಫೀಚರ್ ಗಳು ರಾಯಲ್ ಎನ್‌ಫೀಲ್ಡ್ ಜಿಟಿ 650 ಬೈಕಿಗೆ ಸೂಕ್ತವಾಗಿ ಹೊಂದಿಕೊಳ್ಳುತ್ತವೆ.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ಈ ಮಾಡಿಫಿಕೇಶನ್ ಬೈಕಿನ ಪರ್ಫಾಮೆನ್ಸ್ ಮೇಲೆ ಯಾವುದೇ ಬದಲಾವಣೆಯನ್ನು ಬೀರಿಲ್ಲ. ಈ ಮಾಡಿಫಿಕೇಶನ್ ನಂತರವೂ ಬೈಕು ಗಂಟೆಗೆ 140 ಕಿ.ಮೀ ವೇಗದಲ್ಲಿ ಸರಾಗವಾಗಿ ಸಾಗುತ್ತದೆ. ಈ ಸೈಡ್ ಕಾರ್ ಬೇಡದೇ ಇದ್ದಲ್ಲಿ ಅದನ್ನು ಕೆಲವೇ ನಿಮಿಷಗಳಲ್ಲಿ ತೆಗೆದುಹಾಕಬಹುದು.

ಕಾಂಟಿನೆಂಟಲ್ ಜಿಟಿ 650, ಕೆಫೆ ರೇಜರ್ ಬೈಕ್ ಆಗಿದೆ. ಈ ಬೈಕ್ ಹೊಸ 648 ಸಿಸಿಯ ಪ್ಯಾರಾಲಲ್ ಟ್ವಿನ್ ಸಿಲಿಂಡರ್ ಎಂಜಿನ್ ಹೊಂದಿದೆ. ಈ ಎಂಜಿನ್ 47 ಬಿಹೆಚ್‌ಪಿ ಪವರ್ ಹಾಗೂ 52 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್ ನೊಂದಿಗೆ 6 ಸ್ಪೀಡಿನ ಗೇರ್‌ಬಾಕ್ಸ್‌ ಅಳವಡಿಸಲಾಗಿದೆ.