ಫೆಬ್ರವರಿ ತಿಂಗಳಿನಲ್ಲಿ ಅತಿ ಹೆಚ್ಚು ಮಾರಾಟವಾದ ಟಾಪ್-10 ದ್ವಿಚಕ್ರ ವಾಹನಗಳಿವು

ಹೀರೋ ಸ್ಪ್ಲೆಂಡರ್

2021ರ ಫೆಬ್ರವರಿ ತಿಂಗಳಲ್ಲಿ ಅತಿ ಹೆಚ್ಚು ಮಾರಾಟವಾದ ಟಾಪ್-10 ದ್ವಿಚಕ್ರ ವಾಹನಗಳ ಪಟ್ಟಿ ಬಹಿರಂಗವಾಗಿದೆ. ಈ ಪಟ್ಟಿಯಲ್ಲಿ ಹೀರೋ ಸ್ಪ್ಲೆಂಡರ್ ಮತ್ತೊಮ್ಮೆ ಭಾರತೀಯ ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವಾದ ದ್ವಿಚಕ್ರ ವಾಹನವಾಗಿದೆ. ಕಳೆದ ತಿಂಗಳು ಹೀರೋ ಸ್ಪ್ಲೆಂಡರ್ ಮಾದರಿಯ 2,47,422 ಯುನಿಟ್‌ಗಳು ಮಾರಾಟವಾಗಿವೆ. ಇನ್ನು ಕಳೆದ ವರ್ಷದ ಫೆಬ್ರವರಿ ತಿಂಗಳಲ್ಲಿ ಸ್ಪ್ಲೆಂಡರ್ ಮಾದರಿಯ 2,15,196 ಯುನಿಟ್‌ಗಳು ಮಾರಾಟವಾಗಿತ್ತು. ಇದನ್ನು ಕಳೆದ ತಿಂಗಳ ಮಾರಾಟಕ್ಕೆ ಹೋಲಿಸಿದರೆ ಹೀರೋ ಸ್ಪ್ಲೆಂಡರ್ ಶೇ.14.98 ರಷ್ಟು ಬೆಳವಣಿಗೆಯನ್ನು ಸಾಧಿಸಿದೆ.

ಹೋಂಡಾ ಆಕ್ಟಿವಾ

ಹಾಗಯೇ ಹೋಂಡಾ ಆಕ್ಟಿವಾ ಮತ್ತೆ ಭಾರತೀಯ ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವಾದ ಸ್ಕೂಟರ್ ಆಗಿ ಮುಂದುವರೆದಿದೆ. ಪ್ರಸ್ತುತ ತನ್ನ ಆರನೇ ತಲೆಮಾರಿನ ಸ್ಕೂಟರ್ ಅನ್ನು ಮಾರಾಟವನ್ನು ಮಾಡುತ್ತಿದೆ.ಫೆಬ್ರವರಿ ತಿಂಗಳಲ್ಲಿ ಅತಿ ಹೆಚ್ಚು ಮಾರಾಟವಾದ ದ್ವಿಚಕ್ರ ವಾಹನಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನವನ್ನು ಪಡೆದುಕೊಂಡಿದೆ.

MOST READ: ಹೊಸ ಹೀರೋ ಎಕ್ಸ್‌ಟ್ರಿಮ್ 160ಆರ್ 100 ಮಿಲಿಯನ್ ಎಡಿಷನ್ ಬಿಡುಗಡೆ

ಕಳೆದ ತಿಂಗಳಿನಲ್ಲಿ ಹೋಂಡಾ ಆಕ್ಟಿವಾದ 2,0,9389 ಯುನಿಟ್‌ಗಳು ಮಾರಾಟವಾಗಿವೆ. ಇನ್ನು ಕಳೆದ ವರ್ಷದ ಫೆಬ್ರವರಿ ತಿಂಗಳಿನಲ್ಲಿ ಆಕ್ಟಿವಾದ 2,22,961 ಯುನಿಟ್‌ಗಳು ಮಾರಾಟವಾಗಿತ್ತು. ಇದನ್ನು ಕಳೆದ ತಿಂಗಳ ಮಾರಾಟಕ್ಕೆ ಹೋಲಿಸಿದರೆ ಶೇ.6.09 ರಷ್ಟು ಕುಸಿತ ಕಂಡಿದೆ.

ಹೀರೋ ಹೆಚ್ಎಫ್ ಡಿಲಕ್ಸ್

ಈ ಪಟ್ಟಿಯಲ್ಲಿ ಅಗ್ರ-ಮೂರು ಸ್ಥಾನವನ್ನು ಮತ್ತೊಂದು ಹೀರೋ ಕಮ್ಯೂಟರ್ ಬೈಕ್ ಹೆಚ್ಎಫ್ ಡಿಲಕ್ಸ್ ಪಡೆದುಕೊಂಡಿದೆ. ಹೀರೋ ಹೆಚ್ಎಫ್ ಡಿಲಕ್ಸ್ ಹಿಂದಿನ ತಿಂಗಳಲ್ಲಿ 1,26,309 ಯುನಿಟ್‌ಗಳು ಮಾರಾಟವಾಗಿವೆ. ಹೆಚ್ಎಫ್ ಡಿಲಕ್ಸ್ ಪ್ರಸ್ತುತ ಶೇ.12.44 ರಷ್ಟು ಮಾರುಕಟ್ಟೆ ಪಾಲನ್ನು ಹೊಂದಿದೆ.

MOST READ: ಭಾರತದಲ್ಲಿ ಕೈಗೆಟುಕುವ ದರದಲ್ಲಿ ಸಿಗುವ ಸ್ಕೂಟರ್‌ಗಳಿವು

ಹೋಂಡಾ ಸಿಬಿ ಶೈನ್

ಜಪಾನಿನ ಬ್ರ್ಯಾಂಡ್‌ನ ಪ್ರೀಮಿಯಂ ಕಮ್ಯೂಟರ್ ಬೈಕ್ ಹೋಂಡಾ ಸಿಬಿ ಶೈನ್ ಈ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ. ಕಳೆದ ತಿಂಗಳಿನಲ್ಲಿ ಸಿಬಿ ಶೈನ್ ಮಾದರಿಯ 1,15,970 ಯುನಿಟ್‌ಗಳು ಮಾರಾಟವಾಗಿವೆ.

ಬಜಾಜ್ ಪಲ್ಸರ್

ಪಟ್ಟಿಯಲ್ಲಿ ಐದನೇ ಸ್ಥಾನವನ್ನು ಬಜಾಜ್ ಪಲ್ಸರ್ ಸರಣಿಯು ಆಕ್ರಮಿಸಿಕೊಂಡಿದೆ. ಬಜಜ್ ಪಲ್ಸರ್ 81,454 ಯುನಿಟ್‌ಗಳು ಮಾರಾಟವಾಗಿವೆ. ಪಲ್ಸರ್ ಸರಣಿಯು ಪಲ್ಸರ್ 125 ದಿಂದ 220ಎಫ್ ವರೆಗೆ ಲಭ್ಯವಿದೆ. ಸರಣಿಯ ಪ್ರಮುಖ ಮಾದರಿಗಳು 200ಎನ್ಎಸ್ ಮತ್ತು 200ಆರ್‍ಎಸ್ ಮಾದರಿಗಳಾಗಿವೆ.

MOST READ: ಬಿಡುಗಡೆಯಾಯ್ತು ಹೊಸ ಟ್ರಯಂಫ್ ಬೊನೊವೆಲ್ಲಿ ಸ್ಪೀಡ್‍‍ಮಾಸ್ಟರ್ ಬೈಕ್

ಟಿವಿಎಸ್ ಜೂಪಿಟರ್

ಇನ್ನು ಈ ಪಟ್ಟಿಯಲ್ಲಿ ಆರನೇ ಸ್ಥಾನವನ್ನು ಪಡೆದಿರುವ ಟಿವಿಎಸ್ ಜೂಪಿಟರ್ ಮಾರಾಟದಲ್ಲಿ ಶೇ.66 ರಷ್ಟು ಬೆಳವಣಿಗೆಯನ್ನು ಕಾಣಿಸಿಕೊಂಡಿದೆ. ಕಳೆದ ತಿಂಗಳು ಟಿವಿಎಸ್ ಜೂಪಿಟರ್ ಮಾದರಿಯ 20,749 ಯುನಿಟ್‌ಗಳು ಮಾರಾಟವಾಗಿವೆ.

ಟಿವಿಎಸ್ ಎಕ್ಸ್‌ಎಲ್ ಸೂಪರ್

ಟಿವಿಎಸ್ ಮೋಟಾರ್ ಎಕ್ಸ್‌ಎಲ್ ಸೂಪರ್ ಮಾದರಿಯ 51,445 ಯುನಿಟ್‌ಗಳು ಮಾರಾಟವಾಗಿ ಈ ಪಟ್ಟಿಯಲ್ಲಿ ಏಳನೇ ಸ್ಥಾನವನ್ನು ಪಡೆದುಕೊಂಡಿದೆ. ಟಿವಿಎಸ್ ಕ್ಸ್‌ಎಲ್ ಸೂಪರ್ ಮಾದರಿಯ ಮಾರಾಟದಲ್ಲಿ ಶೇ.7.81 ರಷ್ಟು ಕುಸಿತವಾಗಿದೆ.

ಸುಜುಕಿ ಆಕ್ಸೆಸ್

ಕಳೆದ ತಿಂಗಳ ಸುಜುಕಿ ಆಕ್ಸೆಸ್ 48,496 ಯುನಿಟ್ ಗಳು ಮಾರಾಟವಾಗಿವೆ, ಆದರೆ ಕಳೆದ ವರ್ಷದ ಫೆಬ್ರವರಿ ತಿಂಗಳಿನಲ್ಲಿ ಆಕ್ಸೆಸ್ 50,103 ಯುನಿಟ್‌ಗಳು ಮಾರಾಟವಾಗಿತ್ತು. ಇದನ್ನು ಕಳೆದ ತಿಂಗಳ ಮಾರಾಟಕ್ಕೆ ಹೋಲಿಸಿದರೆ ಶೇ.3.21 ರಷ್ಟು ಕುಸಿತವಾಗಿದೆ.

ಬಜಾಜ್ ಪ್ಲಾಟಿನಾ

ಈ ಜನಪ್ರಿಯ ಬಜಾಜ್ ಪ್ಲಾಟಿನಾ ಬೈಕ್ ಕಳೆದ ತಿಂಗಳ ಅತಿ ಹೆಚ್ಚು ಮಾರಾಟವಾದ ದ್ವಿಚಕ್ರ ವಾಹನಗಳ ಪಟ್ಟಿಯಲ್ಲಿ ಒಂಬತ್ತನೇ ಸ್ಥಾನವನ್ನು ಪಡೆದುಕೊಂಡಿದೆ. ಕಳೆದ ತಿಂಗಳು ಬಜಾಜ್ ಪ್ಲಾಟಿನಾ ಮಾದರಿಯ 46,264 ಯುನಿಟ್‌ಗಳು ಮಾರಾಟವಾಗಿವೆ.

ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350

ಇನ್ನು ಈ ಪಟ್ಟಿಯಲ್ಲಿ ಟಾಪ್-10 ಪಟ್ಟಿಯಲ್ಲಿ ಕೊನೆಯ ಸ್ಥಾನವನ್ನು ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಬೈಕ್ ಪಡೆದುಕೊಂಡಿದೆ. ಕಳೆದ ತಿಂಗಳು ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಮಾದರಿಯ 36,025 ಯುನಿಟ್‌ಗಳು ಮಾರಾಟವಾಗಿವೆ.