ಸಂಪೂರ್ಣ ನ್ಯೂ ಲುಕ್‌ನಲ್ಲಿ ನಿಮ್ಮ ನೆಚ್ಚಿನ ಡಸ್ಟರ್

ಜೋಹಾನ್ಸ್‌ಬರ್ಗ್‌ನ ಸ್ಥಳೀಯ ಡಿಸೈನ್ ಸ್ಟುಡಿಯೋ ಜತೆ ಸೇರಿಕೊಂಡು ರೆನೊದ ಯುರೋಪಿಯನ್ ಡಿಸೈನ್ ಸ್ಟುಡಿಯೋ ನೂತನ ಡಿಟೂರ್ ಕಾನ್ಸೆಪ್ಟ್ ಕಾರನ್ನು ವಿನ್ಯಾಸಗೊಳಿಸಿದೆ.

ಟರ್ಮಿನೇಟರ್, ಡಕರ್ ಡಸ್ಟ್ ಹಾಗೂ ಮ್ಯಾಡ್ ಮ್ಯಾಕ್ಸ್‌ನಿಂದ ಸ್ಪೂರ್ತಿ ಪಡೆದುಕೊಂಡು ಈ ಅತಿ ವಿಶೇಷ ರೆನೊ ಡಿಟೂರ್ ಕಾನ್ಸೆಪ್ಟ್ ತಯಾರಿಸಲಾಗಿದೆ.

ಮೊದಲ ನೋಟದಲ್ಲೇ ಕಾರಿಗೆ ಆಲಂಕೃತವಾದ ಹಳದಿ ಮುತ್ತಿನಂತಹ ಬಣ್ಣ ಹೆಚ್ಚು ಆಕರ್ಷಕವಾಗಿದೆ.

ಇನ್ನು ಹಿಂಭಾಗವನ್ನು ಹೊಳೆಯುವ ಬೂದು ಬಣ್ಣವು ಆವರಿಸಿದೆ. ಇದನ್ನು ದಿಟ್ಟತನದ ಡಸ್ಟರ್ ಡಿಕಾಲ್ಸ್ ಸುತ್ತುವರಿದಿದೆ.

ಆಫ್ ರೋಡಿಂಗ್‌ಗೂ ಹೊಂದಿಕೆಯಾಗುವ ರೀತಿಯಲ್ಲಿ ನೂತನ ಡಸ್ಟರ್ ವಿನ್ಯಾಸಗೊಳಿಸಲಾಗಿದೆ. ಇದು 18 ಇಂಚು ಅಲಾಯ್ ವೀಲ್ ಪಡೆದುಕೊಂಡಿದೆ.

ಇನ್ನು ಮುಂದುಗಡೆ ಪರಿಷ್ಕೃತ ವಿನ್ಯಾಸದ ಜತೆಗೆ ಡೇ ಟೈಮ್ ರನ್ನಿಂಗ್ ಹೆಡ್ ಲೈಟ್, ಪ್ರೊಜೆಕ್ಟರ್ ಲೈಟ್ ಹಾಗೆಯೇ ಮೇಲ್ಗಡೆ ರೂಫ್ ಮೌಂಟೆಡ್ ರೂಫ್ ಲೈಟ್ ಹೆಚ್ಚು ಆಕರ್ಷಕವಾಗಿದೆ.

ಇದರ ಜತೆಗೆ ಬಣ್ಣದ ಕಿಟಕಿಗಳು, ಕಪ್ಪು ವರ್ಣದ ಬಿ ಪಿಲ್ಲರ್ ಹಾಗೂ ಚಕ್ರಗಳ ವಿಶೇಷ ಡಿಸೈನ್ ಡಸ್ಟರನ್ನು ಇತರ ಕಾರುಗಳಿಗಿಂತ ಭಿನ್ನವಾಗಿಸುತ್ತದೆ.

ಪ್ರಸ್ತುತ ಕಾನ್ಸೆಪ್ಟ್ ಹಂತದಲ್ಲಿರುವ ಡಸ್ಟರ್ ಯಾವಾಗ ಉತ್ಪಾದಕ ವರ್ಷನ್ ಪಡೆದುಕೊಳ್ಳಲಿದೆ ಎಂಬುದು ತಿಳಿದು ಬಂದಿಲ್ಲ. ಹಾಗಿದ್ದರೂ ನಿಗದಿತ ಆವೃತ್ತಿಗಳಷ್ಟೇ ಲಭ್ಯವಿರುವ ಸಾಧ್ಯತೆಗಳಿವೆ.

ಒಟ್ಟಿನಲ್ಲಿ ಡಸ್ಟರ್ ಡಿಟೂರ್ ಕಾರಿಗೆ ಸದ್ಯದಲ್ಲೇ ಉತ್ಪಾದನಾ ವರ್ಷನ್ ಪಡೆದುಕೊಂಡಲ್ಲಿ ಜಾಗತಿಕವಾಗಿ ಉತ್ತಮ ಬೇಡಿಕೆ ಕಂಡುಕೊಳ್ಳುವ ಸಾಧ್ಯತೆಯಿದೆ.