ಟೊಯೊಟಾ ಎಫ್‌ಟಿ-86 ಓಪನ್ ಕಾನ್ಸೆಪ್ಟ್

By Nagaraja

Published: Wednesday, March 6, 2013, 12:56 [IST]

ಪ್ರಸ್ತುತ ಆರಂಭವಾಗಿರುವ 2013 ಜಿನೆವಾ ಮೋಟಾರ್ ಶೋದಲ್ಲಿ ಅನಾವರಣಗೊಳ್ಳಬೇಕಾಗಿದ್ದ ಟೊಯೆಟಾ ಎಫ್‌ಟಿ-86 ಓಪನ್ ಕಾನ್ಸೆಪ್ಟ್ (Toyota FT-86 Open Concept) ಇಮೇಜ್ ಲೀಕ್ ಆಗಿದ್ದು, ಅಂತರ್ಜಾಲದಲ್ಲಿ ಜಾಲಾಡುತ್ತಿರುವ ಪ್ರಕರಣ ಬೆಳಕಿಗೆ ಬಂದಿದೆ.

ಈ ಕನ್ವರ್ಟಿಬಲ್ (ಮೇಲ್ಛಾವಣಿ ಮಡಿಚಬಹುದಾದ ಮೋಟಾರು ವಾಹನ) ಕಾನ್ಸೆಪ್ಟ್ ಕಾರಿನ ಅಧಿಕೃತ ಘೋಷಣೆಯನ್ನು ಜಪಾನ್ ವಾಹನ ತಯಾರಕ ಸಂಸ್ಥೆ ಮಾಡಲಿರುವಂತೆಯೇ ಇಂತಹದೊಂದು ಬೆಳವಣಿಗೆ ಕಂಡುಬಂದಿತ್ತು.

ಟೊಯೊಟಾ ಎಫ್‌ಟಿ-86 ಓಪನ್ ಕಾನ್ಸೆಪ್ಟ್, ಟೊಯೆಟಾ ಜಿಟಿ86 ಸ್ಪೋಟ್ಸ್ ಕಾರಿನ ಸಾಫ್ಟ್-ಟಾಪ್ ವರ್ಷನ್ ಆಗಿದ್ದು, ಅಮರಿಕದಲ್ಲಿ ಎಫ್‌ಆರ್‌-ಎಸ್ ಎಂದು ಅರಿಯಲ್ಪಡುತ್ತದೆ. ಪ್ರಸ್ತುತ ಕಾರಿನ ಉತ್ಪಾದಕ ವರ್ಷನ್ ಬಿಡುಗಡೆಯಾಗಲು ಸನ್ನದ್ಧವಾಗಿದೆ. ಅಂದರೆ ಮಾಜ್ದಾ ಎಂಎಕ್ಸ್-5 ರೋಡ್‌ಸ್ಟರ್ ಕಾರಿಗೆ ನೇರ ಪೈಪೋಟಿಯನ್ನು ಒಡ್ಡಲಿದೆ.

ಕಾನ್ಸೆಪ್ಟ್ ಮಾಡೆಲ್ ಆಗಿರುವ ಟೊಯೊಟಾ ಎಫ್‌ಟಿ-86 ಓಪನ್ ಕನ್ವರ್ಟಿಬಲ್ ಕಾರು ಜಿನೆವಾ ಮೋಟಾರ್ ಶೋದಲ್ಲಿ ಪ್ರದರ್ಶನ ಕಾಣಲಿದೆ.

ಎಫ್‌ಟಿ-86 ಕಾರಿನ ಸಾಫ್ಟ್ ಟಾಪ್ ವಿದ್ಯುತ್‌ನಿಂದ ನಿಯಂತ್ರಿಸಲ್ಪಡಲಿದೆ. ಹಾಗೆಯೇ ಮೇಲ್ಛಾವಣಿ ಮಡಿಚಬಹುದಾದ ವ್ಯವಸ್ಥೆ ಹೊಂದಿದೆ.

ಟೊಯೊಟಾ ಬೊಶೊಖೊ ಮಿಲಾನ್ ಡಿಸೈನ್ ಸ್ಟುಡಿಯೋ ವಿಭಾಗವು ಎಫ್‌ಟಿ-86 ಕಾರಿನ ಇಂಟಿರಿಯರ್ ಸೇರಿದಂತೆ ಎಕ್ಸ್‌ಟೀರಿಯರ್ ಕಲರ್ ವಿನ್ಯಾಸಗೊಳಿಸಿದೆ. ಪ್ರಸ್ತುತ ಕಾರು ವೈಟ್ ಹಾಗೂ ನೇವಿ ಬ್ಲೂ ಟಾಪ್ ಕಲರ್ ಸ್ಕೀಮ್ ಹೊಂದಿದ್ದು, ಇದರಿಂದ ಸ್ಪೋರ್ಟಿ ಲುಕ್ ಪಡೆಯಲಿದೆ.

ಜಿಟಿ86ನಲ್ಲಿರುವ ಅದೇ ಎಂಜಿನ್ ನಿರ್ವಹಣೆ ಎಫ್‌ಟಿ-86 ಪಡೆಯಲಿದ್ದು, 2.00 ಲೀಟರ್ ಬಾಕ್ಸ್ ಎಂಜಿನ್ ಹಾಗೂ ಸಿಕ್ಸ್ ಸ್ಪೀಡ್ ಟ್ರಾನ್ಸ್‌ಮಿಷನ್ ಹೊಂದಿರಲಿದೆ.