ಮೊದಲ ದೇಶಿ ಸೂಪರ್ ಕಾರು ವಿನ್ಯಾಸ ಮಾಡಿದ ದಿಲೀಪ್

ಈ ಸೂಪರ್ ಕಾರು ರಸ್ತೆಗಿಳಿಯುವುದು ಮುಂದಿನ ವರ್ಷ. ಡಿಸಿ ಡಿಸೈನ್ ಕಂಪನಿಯು ವರ್ಷಕ್ಕೆ 3 ಸಾವಿರ ಕಾರುಗಳನ್ನು ಉತ್ಪಾದಿಸಲು ನಿರ್ಧರಿಸಿದೆ. ಈ ಕಾರಿನ ಕುರಿತಾದ ಕೆಲವು ಮಾಹಿತಿಗಳು ಇಲ್ಲಿವೆ.

ಮೊದಲ ನೋಟಕ್ಕೆ ಈ ಸೂಪರ್ ಕಾರು ಲಂಬೊರ್ಗಿನಿ ಮುರ್ಸಿಲಾಗೊ ಅಥವಾ ಅವೆಂಟಡೊರ್ ಕಾರುಗಳಂತೆ ಕಾಣುತ್ತಿದೆ. ಈ ದೇಶಿ ಸೂಪರ್ ಕಾರು ಟರ್ಬೊಚಾರ್ಜ್ ಡ್ ವಿ6 ಹೋಂಡಾ ಪೆಟ್ರೋಲ್ ಎಂಜಿನ್ ಹೊಂದಿದೆ.

ಈ ಶಕ್ತಿಶಾಲಿ ಎಂಜಿನ್ ಡ್ರೈವರ್ ಸೀಟಿನ ಹಿಂಭಾಗದಲ್ಲಿ ಎರಡು ಆಕ್ಸೆಲ್ ನಡುವೆ ಇರಲಿದೆ. ಈ ರೀತಿ ಹೆಚ್ಚಿನ ಯುರೋಪ್ ಸೂಪರ್ ಕಾರುಗಳ ಡೀಸೆಲ್ ಎಂಜಿನ್ ಅಳವಡಿಸಲಾಗುತ್ತದೆ. ಈ ಕಾರಿನ ತೂಕ ಸುಮಾರು 1,550 ಕೆ.ಜಿ ಇರಲಿದೆ. ದರ ಸುಮಾರು 30 ಲಕ್ಷ ರುಪಾಯಿ ಆಸುಪಾಸಿನಲ್ಲಿರಲಿದೆ.

ಈ ಕಾರಿನ ಮಾರಾಟ ಆರಂಭವಾಗಲು 2013ರವರೆಗೆ ಕಾಯಬೇಕು. "ನಾವು ಡಿಸೈನ್ ಹೌಸಿನಿಂದ ಪ್ರೊಡಕ್ಷನ್ ಹೌಸಿಗೆ ಹೋಗಲಿದ್ದೇವೆ. ನೂತನ ಸೂಪರ್ ಕಾರು ನೋಡಲು ಆಕರ್ಷಕವಾಗಿದ್ದು, ಗುಣಮಟ್ಟದಲ್ಲಿ ಯಾವುದೇ ರಾಜಿ ಇಲ್ಲದಂತೆ ಅಭಿವೃದ್ಧಿಪಡಿಸಲಾಗಿದೆ" ಎಂದು ಡಿಸಿ ಡಿಸೈನ್ ವಿನ್ಯಾಸಕರಾದ ದಿಲಿಪ್ ಚೌಬ್ರಿಯಾ ಹೇಳಿದ್ದಾರೆ.