ಅಗ್ಗದ ಫೋರ್ಡ್ ಫಿಯೆಸ್ಟಾ ರಸ್ತೆಗೆ, ದರ 7 ಲಕ್ಷ ರು.

Posted By:
ಫೋರ್ಡ್ ಮೋಟರ್ಸ್ ಕಂಪನಿಯ ಜನಪ್ರಿಯ ಆವೃತ್ತಿ ಫಿಯೆಸ್ಟಾ ಸೆಡಾನಿಗೆ ಗ್ರಾಹಕರು ಅತ್ಯುತ್ತಮ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಇದೀಗ ಕಂಪನಿಯು ಫಿಯೆಸ್ಟಾ ಆ್ಯಂಬಿಯೆಂಟ್ ಎಂಬ ನೂತನ ಕಾರನ್ನು ಹೊರತಂದಿದೆ. ಇದು ಹಳೆಯ ಫಿಯೆಸ್ಟಾ ಕಾರಿಗಿಂತ 1.45 ಲಕ್ಷ ರುಪಾಯಿ ಅಗ್ಗವಾಗಿದೆ. ಫಿಯೆಸ್ಟಾ ಆ್ಯಂಬಿಯೆಂಟ್ ದರ 7.23 ಲಕ್ಷ ರುಪಾಯಿ.

ತನ್ನ ದರ ಕಾರ್ಯತಂತ್ರದ ಕುರಿತು ಮರುಪರಿಶೀಲಿಸುವುದಾಗಿ ಫೋರ್ಡ್ ಇತ್ತೀಚೆಗೆ ಪ್ರಕಟಿಸಿತ್ತು. ನೂತನ ಫಿಯೆಸ್ಟಾ ಆ್ಯಂಬಿಯೆಂಟ್ ಪೆಟ್ರೋಲ್ ಮತ್ತು ಡೀಸೆಲ್ ಆವೃತ್ತಿಗಳಲ್ಲಿ ದೊರಕುತ್ತಿದೆ. ಇದು 1.5 ಲೀಟರ್ ಎಂಜಿನ್ ಹೊಂದಿದೆ.

ಸದ್ಯ ರಸ್ತೆಯಲ್ಲಿರುವ ಫಿಯೆಸ್ಟಾ ಕಾರನ್ನು ಹೆಚ್ಚು ಜನರು ಇಷ್ಟಪಟ್ಟಿದ್ದರು. ಆದರೆ ದರ ತುಸು ಹೆಚ್ಚಾಗಿದೆ ಎನ್ನುವುದು ಎಲ್ಲರ ದೂರಾಗಿತ್ತು. ಯಾಕೆಂದರೆ ಫಿಯೆಸ್ಟಾ ಸೆಡಾನ್ ಕಾರಿನ ಆರಂಭಿಕ ದರ 8.25 ಲಕ್ಷ ರುಪಾಯಿಯಿದೆ. ಫಿಯೆಸ್ಟಾ ಡೀಸೆಲ್ ಕಾರಿನ ದರ 10.44 ಲಕ್ಷ ರುಪಾಯಿ ಇದೆ. ಇವೆಲ್ಲ ದೆಹಲಿ ಎಕ್ಸ್ ಶೋರೂಂ ದರ. ಪ್ರತಿಸ್ಪರ್ಧಿ ಕಂಪನಿಗಳ ಮಧ್ಯಮ ಗಾತ್ರದ ಸೆಡಾನ್ ಕಾರುಗಳಿಗೆ ಹೋಲಿಸಿದರೆ ಫಿಯೆಸ್ಟಾ ಕೊಂಚ ದುಬಾರಿ ಎಂದೆನಿಸುತ್ತದೆ.

"ಹೋಂಡಾ ಸಿಟಿ ಮತ್ತು ಹ್ಯುಂಡೈ ವೆರ್ನಾನಂತಹ ಕಾರುಗಳೊಂದಿಗೆ ನೂತನ ಫಿಯೆಸ್ಟಾ ಆ್ಯಂಬಿಯೆಟ್ ಪ್ರತಿಸ್ಪರ್ಧೆ ನಡೆಸಲಿದೆ" ಎಂದು ಜಾಗತಿಕ ಫಿಯೆಸ್ಟಾ ಕಾರಿನ ನೂತನ ಆವೃತ್ತು ಕುರಿತು ಕಂಪನಿಯ ಅಧ್ಯಕ್ಷರಾದ ಮೈಕಲ್ ಎನ್ ಬೊನೆಮ್ ಹೇಳುತ್ತಾರೆ. (ಕನ್ನಡ ಡ್ರೈವ್ ಸ್ಪಾರ್ಕ್)

English summary
Ford Motors which has so far received a lukewarm response to its new Fiesta sedan has launched a new variant that has been priced at Rs.7.23 lakhs. This new car is priced about Rs.1.45 lakhs cheaper than the existing model. Ford India had earlier stated that it would re look at its pricing policy and this new Ford Fiesta is the first result.
Story first published: Thursday, March 15, 2012, 15:27 [IST]
Please Wait while comments are loading...

Latest Photos