ಹ್ಯುಂಡೈನಿಂದ ಸಿಎನ್ಜಿ ಐ10, ಸ್ಯಾಂಟ್ರೊ, ಅಸೆಂಟ್

ಚಿತ್ರಲೋಕ

ಡೀಸೆಲ್ ಕಾರುಗಳಂತೆ ಸಿಎನ್ಜಿ ಕಾರುಗಳು ದುಬಾರಿಯಲ್ಲ. ಸಿಎನ್ಜಿ ಕಾರುಗಳ ರನ್ನಿಂಗ್ ವೆಚ್ಚ ಪೆಟ್ರೋಲ್ ಕಾರುಗಳ ಅರ್ಧದಷ್ಟಿದೆ. ಇತ್ತೀಚೆಗೆ ಡೀಸೆಲ್ ದರ ಸಹ ಏರಿಕೆ ಕಾಣಲು ಆರಂಭಿಸಿರುವುದರಿಂದ ಸಿಎನ್ಜಿ ಕಾರುಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದೆ.

ಈಗಾಗಲೇ ಹ್ಯುಂಡೈ ಕಾರುಗಳಿಗೆ ಸಿಎನ್ಜಿ ಕಿಟ್ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಆದರೆ ಅದನ್ನು ಫಿಟ್ ಮಾಡುವುದರಿಂದ ಕಾರು ವಾರೆಂಟಿ ಆಫರ್ ಕಳೆದುಕೊಳ್ಳಬೇಕಾಗುತ್ತದೆ. ಆದರೆ ಕಂಪನಿಯೇ ಇನ್ಮುಂದೆ ಈ ಮೂರು ಕಾರುಗಳಿಗೆ ಸಿಎನ್ಜಿ ಅಳವಡಿಸುವುದರಿಂದ ಕಾರುಗಳ ವಾರೆಂಟಿಗೆ ಯಾವುದೇ ಸಮಸ್ಯೆಯಾಗದು.

ಹ್ಯುಂಡೈ ಸಿಎನ್ಜಿ ಕಿಟ್ ದರ ಸುಮಾರು 56 ಸಾವಿರ ರು. ಇದೆ. ಇದನ್ನು ಅಳವಡಿಸಿದ ನಂತರ ನಿಮ್ಮ ಕಾರಿನ ಬೂಟ್ ಸ್ಥಳಾವಕಾಶ ಕೊಂಚ ಕಡಿಮೆಯಾಗಲಿದೆ. ಬೂಟ್ ಸ್ಥಳಾವಕಾಶ ಕಡಿಮೆಯಾದ್ರೂ ಓಕೆ, ಕಾರಿನ ರನ್ನಿಂಗ್ ವೆಚ್ಚ ಕಡಿಮೆಯಾದ್ರೆ ಸಾಕು ಎಂದೆನಿಸಿದರೆ ನೀವು ಐ10, ಸ್ಯಾಂಟ್ರೊ ಮತ್ತು ಅಸೆಂಟ್ ಕಾರುಗಳಿಗೆ ಸಿಎನ್ಜಿ ಕಿಟ್ ಹಾಕಿಕೊಳ್ಳಬಹುದು.