ಮಹೀಂದ್ರ ಬೊಲೆರೊ ಲಕ್ಷ ಸಾಧನೆ ಮಾಡಿದ ಎಸ್‌ಯುವಿ

2011-12ನೇ ಆರ್ಥಿಕ ವರ್ಷದಲ್ಲಿ ಸುಮಾರು 1,00,686 ಬೊಲೆರೊ ಕಾರುಗಳನ್ನು ಮಾರಾಟ ಮಾಡಿರುವುದಾಗಿ ಮಹೀಂದ್ರ ಕಂಪನಿಯು ಪ್ರಕಟಿಸಿದೆ. ದೇಶದಲ್ಲಿ ಒಂದು ವರ್ಷದಲ್ಲಿ ಲಕ್ಷ ಸಂಖ್ಯೆಯಲ್ಲಿ ಮಾರಾಟ ಮಾಡಿದ ಮೊದಲ ಎಸ್‌ಯುವಿ ಇದಾಗಿದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ. ಜೊತೆಗೆ ಬೊಲೆರೊ ರಸ್ತೆಗಿಳಿದ ನಂತರದ ಬೃಹತ್ ಮಾರಾಟ ಇದಾಗಿದೆ.

ದೇಶದಲ್ಲಿ ಸತತ ಆರು ವರ್ಷಗಳಿಂದ ಬೊಲೆರೊ ಅತ್ಯಧಿಕ ಮಾರಾಟದ ಸ್ಪೋರ್ಟ್ ಯುಟಿಲಿಟಿ ವೆಹಿಕಲ್ ಆಗಿದೆ. 2010ರಿಂದ 11ರವರೆಗೆ ಕಂಪನಿಯು ಸುಮಾರು 83,112 ಬೊಲೆರೊ ಮಾರಾಟ ಮಾಡಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಪ್ರಸಕ್ತ ಆರ್ಥಿಕ ವರ್ಷ ಬೊಲೆರೊ ಮಾರಾಟ ಶೇಕಡ 21ರಷ್ಟು ಏರಿಕೆ ಕಾಣುವ ನಿರೀಕ್ಷೆಯಿದೆ.

ಮಹೀಂದ್ರ ಬೊಲೆರೊ ಚಿತ್ರಗಳು

ಮಾರ್ಚ್ ತಿಂಗಳ ಮಾರಾಟದಲ್ಲೂ ಬೊಲೆರೊ ಹೊಸ ದಾಖಲೆ ಮಾಡಿದೆ. ಕಳೆದ ತಿಂಗಳು ಕಂಪನಿಯು ಎಂಟ್ರಿ ಲೆವೆಲ್ ಎಸ್‌ಯುವಿ 10,026 ಬೊಲೆರೊ ಮಾರಾಟ ಮಾಡಿದೆ. ತಿಂಗಳ ಮಾರಾಟದಲ್ಲಿ ಇದು ಅತ್ಯಧಿಕವಾಗಿದೆ.

2011-12ನೇ ಸಾಲಿನಲ್ಲಿ ದೇಶದಲ್ಲಿ ಅತ್ಯಧಿಕ ಮಾರಾಟದ ಕಾರುಗಳಲ್ಲಿ ಬೊಲೆರೊ 7ನೇ ಸ್ಥಾನ ಪಡೆದಿದೆ. ಇದಕ್ಕೂ ಮೊದಲು ಇದು 9ನೇ ಸ್ಥಾನದಲ್ಲಿತ್ತು. ಪ್ರಯಾಣಿಕ ಕಾರು ವಿಭಾಗದಲ್ಲಿ ಟಾಪ್ ಟೆನ್ ಕಾರುಗಳಲ್ಲಿ ಸ್ಥಾನ ಪಡೆದಿರುವ ಒಂದೇ ಒಂದು ಎಸ್‌ಯುವಿ ಇದಾಗಿದೆ. (ಕನ್ನಡ ಡ್ರೈವ್‌ಸ್ಪಾರ್ಕ್)