ಟಾಟಾ ಕಾರುಗಳು 35 ಸಾವಿರ ರು.ವರೆಗೆ ದುಬಾರಿ

ಚಿತ್ರಲೋಕ

2012-13ರ ಕೇಂದ್ರ ಬಜೆಟಿನಲ್ಲಿ ಅಬಕಾರಿ ಸುಂಕವನ್ನು ಶೇಕಡ 10ರಿಂದ ಶೇಕಡ 12ಕ್ಕೆ ಹೆಚ್ಚಿಸಿರುವುದರಿಂದ ಕಾರು ದರ ಹೆಚ್ಚಳ ಅನಿವಾರ್ಯವೆಂದು ಟಾಟಾ ಮೋಟರ್ಸ್ ಹೇಳಿದೆ.

ಸಣ್ಣಕಾರು ನ್ಯಾನೊ, ಹ್ಯಾಚ್ ಬ್ಯಾಕ್ ಇಂಡಿಕಾ ಮತ್ತು ಇಂಡಿಗೊ ಸೆಡಾನ್ ಕಾರುಗಳು ಸೇರಿದಂತೆ ಹೆಚ್ಚಿನ ಪ್ರಯಾಣಿಕ ಕಾರುಗಳ ದರವನ್ನು ಹೆಚ್ಚಿಸಿದೆ. ಪ್ರಯಾಣಿಕ ಕಾರುಗಳ ದರವನ್ನು ಕಂಪನಿಯು 2 ಸಾವಿರ ರು.ನಿಂದ 8 ಸಾವಿರ ರು.ವರೆಗೆ ಹೆಚ್ಚಿಸಿದೆ.

ಯುಟಿಲಿಟಿ ವಾಹನಗಳಾದ ಟಾಟಾ ಸಫಾರಿ, ಆರಿಯಾ ಮತ್ತು ಸುಮೊ ದರಗಳೂ ಏರಿಕೆ ಕಂಡಿವೆ. ಕಂಪನಿಯು ಈ ಸೆಗ್ಮೆಂಟಿನ ಕಾರುಗಳ ದರವನ್ನು 8 ಸಾವಿರ ರು.ನಿಂದ 35 ಸಾವಿರ ರು.ವರೆಗೆ ಏರಿಕೆ ಮಾಡಿದೆ. ಆದರೆ ತಲಾ ಕಾರಿಗೆ ಮಾಡಿರುವ ದರ ಹೆಚ್ಚಳ ಮಾಹಿತಿಯನ್ನು ಕಂಪನಿ ಇನ್ನೂ ಪ್ರಕಟಿಸಿಲ್ಲ. (ಕನ್ನಡ ಡ್ರೈವ್ ಸ್ಪಾರ್ಕ್)