ಹೋಂಡಾ ಕಂಪನಿಯಿಂದ ಹೊಸ ಡೀಸೆಲ್ ಎಂಜಿನ್

ಚಿತ್ರಲೋಕ

ಅರ್ಥ್ ಡ್ರೀಮ್ಸ್ ಟೆಕ್ನಾಲಜಿ ಮೂಲಕ ನೂತನ ಡೀಸೆಲ್ ಎಂಜಿನನ್ನು ಹೋಂಡಾ ಪರಿಚಯಿಸಿದೆ. ಇದು ಸಾಕಷ್ಟು ಪರಿಸರ ಸ್ನೇಹಿ ಫೀಚರುಗಳೊಂದಿಗೆ ಬಂದಿದೆ. 1.6 ಲೀಟರಿನ ಈ ಡೀಸೆಲ್ ಎಂಜಿನಿಗೆ ಕಂಪನಿಯು ಐ-ಡಿಟಿಇಸಿ ಎಂದು ನಾಮಕರಣ ಮಾಡುವ ನಿರೀಕ್ಷೆ ಕಂಪನಿಯದ್ದು. ಇದು ಟರ್ಬೊ ಚಾರ್ಜ್ಡ್ ಎಂಜಿನ್ ಆಗಿದ್ದು, ಸಾಕಷ್ಟು ಇಂಧನ ದಕ್ಷತೆ ಹೊಂದಿದೆ.

ಪ್ರಸಕ್ತ ವರ್ಷ ಯುರೋಪ್ ಮಾರುಕಟ್ಟೆಗೆ ಆಗಮಿಸುವ ಹೋಂಡಾ ಸಿವಿಕ್ ಹ್ಯಾಚ್ ಬ್ಯಾಕ್ ಕಾರಿಗೆ ನೂತನ ಎಂಜಿನ್ ಅಳವಡಿಸುವ ನಿರೀಕ್ಷೆಯಿದೆ. ನೂತನ ಎಂಜಿನ್ 119 ಹಾರ್ಸ್ ಪವರ್ ಮತ್ತು 300ಎನ್ಎಂ ಟಾರ್ಕ್ ಪವರ್ ನೀಡಲಿದೆ.

ದೇಶದಲ್ಲಿ ಪೆಟ್ರೋಲ್ ಕಾರುಗಳು ಪ್ರಾಬಲ್ಯತೆ ಪಡೆದಿರುವ ಸಂದರ್ಭದಲ್ಲಿ ಕಂಪನಿಯು ಭಾರತಕ್ಕೆ ಈ ಎಂಜಿನ್ ಪರಿಚಯಿಸುವ ಕುರಿತು ಯಾವುದೇ ಮಾಹಿತಿ ನೀಡಿಲ್ಲ. (ಕನ್ನಡ ಡ್ರೈವ್ ಸ್ಪಾರ್ಕ್)