ಕರ್ನಾಟಕ ಬಸ್ಸುಗಳಿಗೆ ಬಂತು ನೋಡಿ 'ಬ್ಲ್ಯಾಕ್ ಬಾಕ್ಸ್' ತಂತ್ರಜ್ಞಾನ

ಮೊದಲ ಹಂತವಾಗಿ ಡ್ರಾಪ್ಸ್ ಉಪಕರಣವನ್ನು ನಾಲ್ಕು ಬಸ್ಸುಗಳಲ್ಲಿ ಆಳವಡಿಸಲಾಗಿದೆ. ಹುಬ್ಬಳಿಯಿಂದ ಬೊರಿವಿಲಿ, ಚೆನ್ನೈ ಹಾಗೂ ತಿರುಪತಿಗೆ ಹೋಗುವ ವೋಲ್ವೋ ಬಸ್‌ಗಳಲ್ಲಿ ಈ ತಂತ್ರಜ್ಞಾನ ಆಳವಡಿಸಲಾಗಿದೆ.

ಕಪ್ಪು ಪಟ್ಟಿಗೆ ತರಹನೇ ಡ್ರಾಪ್ಸ್ ಉಪಕರಣದಲ್ಲಿ ಹಾರ್ಡ್‌ವೇರ್ ಹಾಗೂ ಸಾಫ್ಟ್‌ವೇರ್‌ಗಳೆಂಬ ಎರಡು ಭಾಗಗಳು ಇರಲಿದೆ. ಹಾರ್ಡ್‌ವೇರ್ ಭಾಗದಲ್ಲಿ ವಿಡಿಯೋ ಕ್ಯಾಮೆರಾ, ಜಿಪಿಎಸ್, ಎಸ್‌ಎಂಎಸ್, ಧ್ವನಿ ಸಂವಾಹಕ, ಜಿಪಿಪಿಎಸ್ ವ್ಯವಸ್ಥೆ ಇರಲಿದೆ. ಹಾಗೆಯೇ ಸಾಫ್ಟ್‌ವೇರ್ ತಂತ್ರಜ್ಞಾನ ಡಾಟಾ ಆನಲೈಸರ್, ಡ್ರೈವ್ ರೆಕಾರ್ಡರ್ ಹಾಗೂ ರಿಮೋಟ್ ಡ್ರೈವ್ ಮಾನಿಟರ್ ಹೊಂದಿರಲಿದೆ.

ಇದಕ್ಕಾಗಿ ಬೆಂಗಳೂರಿನ ಸಾಫ್ಟ್‌ವೇರ್ ಕಂಪನಿ ಜತೆ ಒಪ್ಪಂದ ಮಾಡಿಕೊಳ್ಳಲಾಗಿದ್ದು, ಡ್ರಾಪ್ಸ್ ತಂತ್ರಜ್ಞಾನ ಎಷ್ಟು ಉಪಯುಕ್ತ ಅಂದರೆ ವಾಹನದ ಒಳಗಿನ ಶಬ್ದವನ್ನು ನಿಯಂತ್ರಣ ಕೊಠಡಿಯಿಂದ ಆಲಿಸಬಹುದಾಗಿದೆ. ಹಾಗೆಯೇ ಎಸ್‌ಎಸ್ ಮೂಲಕ ಬಸ್ ಪತ್ತೆ ಹಚ್ಚುವಿಕೆ ಸೌಲಭ್ಯವಿದೆ.

ಡ್ರಾಪ್ಸ್ ಉಪಕರಣ ಬಸ್ ಸಂಚರಿಸುವ ವೇಳೆ ಸಂಪೂರ್ಣ ಮಾಹಿತಿಯನ್ನು ಸಂಗ್ರಹಿಸುವುದರಿಂದ ಅಪಘಾತದ ನಿಖರ ಕಾರಣವನ್ನು ಪತ್ತೆಹಚ್ಚಬಹುದಾಗಿದೆ. ಇದು ಕಾನೂನು ತಜ್ಞರು ಹಾಗೂ ವಿಮಾ ಕಂಪನಿಗಳಿಗೂ ನೆರವಾಗಲಿದೆ.

ಇನ್ನು ಚಾಲಕನ ಸಮೀಪದಲ್ಲೇ ಈ ಉಪಕರಣವನ್ನು ಆಳವಡಿಸಲಾಗುತ್ತಿದ್ದು, 14 ಗಂಟೆ ಕಾರ್ಯಚರಿಸುವ ಸಾಮರ್ಥ್ಯ ಹೊಂದಿದೆ. ಇದೀಗ ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ಈ ಸಾಧನೆ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ...