ದಟ್ಸನ್ ಸಣ್ಣ ಕಾರು 3 ಲಕ್ಷ ರು.ಗಳಲ್ಲಿ ಲಭ್ಯ?

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಇನ್ನು ಸ್ವಲ್ಪ ದಿನದ ಹಿಂದಿನ ಸುದ್ದಿಯನ್ನು ತೆಗೆದು ನೋಡಿದರೆ ನಿಸ್ಸಾನ್ ಮುಂದಾಳತ್ವದಲ್ಲಿ ಡಟ್ಸನ್ ಭಾರತಕ್ಕೆ ರಿ ಎಂಟ್ರಿ ಕೊಡುವ ವಾರ್ತೆ ಭಾರಿ ಪ್ರಚಾರ ಗಿಟ್ಟಿಸಿಕೊಂಡಿತ್ತು. ನಿಸ್ಸಾನ್ ಆಕ್ಟಿವ್ ತರಹನೇ ಡಟ್ಸನ್ ಕೂಡಾ ಕೆ2 ಎಂಬ ಸಣ್ಣ ಕಾರನ್ನು ಬಿಡುಗಡೆಗೊಳಿಸಲು ಸಿದ್ಧವಾಗಿದ್ದು, ಇದಕ್ಕೆ ಜುಲೈ 15ರಂದು ವೇದಿಕೆ ಸಜ್ಜುಗೊಂಡಿದೆ.

ಅಷ್ಟಕ್ಕೂ ಡಟ್ಸನ್ ನೂತನ ಹ್ಯಾಚ್‌ಬ್ಯಾಕ್ ಕಾರು ಯಾವ ರೇಂಜ್‌ನಲ್ಲಿ ಆಗಮಿಸಲಿದೆ ಎಂಬುದು ಕುತೂಹಲಕ್ಕೆ ಕಾರಣವಾಗಿದೆ. ಯಾಕೆಂದರೆ ನಿಸ್ಸಾನ್ ಮೈಕ್ರಾ ಆಕ್ಟಿವ್ ಈಗಾಗಲೇ 3.5 ಲಕ್ಷ ರು.ಗಳಿಗೆ ಆಗಮನವಾಗಿರುವುದರಿಂದ ಇದಕ್ಕಿಂತಲೂ ಕಡಿಮೆ ದರದಲ್ಲಿ ಡಟ್ಸನ್ ಕಾರು ಮಾರುಕಟ್ಟೆ ಪ್ರವೇಶಿಸುವ ಎಲ್ಲ ಸಾಧ್ಯತೆಗಳಿವೆ.

ಆಟೋ ವಿಶ್ಲೇಷಕರ ಪ್ರಕಾರ 2014ರಲ್ಲಿ ಎಂಟ್ರಿ ಕೊಡಲಿರುವ ಡಟ್ಸನ್ ಸಣ್ಣ ಕಾರಿನ ದರ 3 ಲಕ್ಷ ಅಸುಪಾಸಿನಲ್ಲಿರಲಿದೆ. ಇದು ದೇಶದ ನಂ.1 ಕಾರು ತಯಾರಕ ಕಂಪನಿಯಾದ ಮಾರುತಿಯ ಜನಪ್ರಿಯ ಆಲ್ಟೊ ಹಾಗೂ ಹ್ಯುಂಡೈ ಇಯಾನ್ ಸೇರಿದಂತೆ ಈ ಸೆಗ್ಮೆಂಟ್‌ನ ಇತರ ಸಮಾನ ಕಾರುಗಳಿಗೆ ಕಠಿಣ ಪೈಪೋಟಿ ನೀಡಲಿದೆ.