2016ರಲ್ಲಿ ಜಾಗ್ವಾರ್ ಕಾಂಪಾಕ್ಟ್ ಎಸ್‌ಯುವಿ ಲಾಂಚ್

ಜಾಗ್ವಾರ್ ಸಿ-ಎಕ್ಸ್17 ನಿರ್ಮಾಣ ಹಂತ ತಲುಪಲು ಸನ್ನಿಹಿತವಾಗಿದ್ದು, ವರದಿಗಳ ಪ್ರಕಾರ 2016ರ ವೇಳೆಯಲ್ಲಿ ಈ ಕಾನ್ಸೆಪ್ಟ್ ಕಾಂಪಾಕ್ಟ್ ಎಸ್‌ಯುವಿ ಅಥವಾ ಕ್ರಾಸೋವರ್ ಮಾದರಿಯು ಸಿದ್ಧಗೊಳ್ಳಲಿದೆ. ನಿಮ್ಮ ಮಾಹಿತಿಗಾಗಿ, ಬ್ರಿಟನ್ ಮೂಲದ ಜಾಗ್ವಾರ್ ಈಗಾಗಲೇ ಸಿ-ಎಕ್ಸ್17 ಅಭಿವೃದ್ಧಿ ಕಾರ್ಯದಲ್ಲಿ ತೊಡಗಿದೆ. ಇದು ರಿಯರ್ ವೀಲ್ ಡ್ರೈವ್ ಚಾಸೀ ಪಡೆದುಕೊಳ್ಳಲಿದೆ.

ಇದು ಪೋರ್ಷೆ ಮೇಕನ್ ಕಾಂಪಾಕ್ಟ್ ಎಸ್‌ಯುವಿ ಆೃವೃತ್ತಿಗೆ ನೇರ ಪ್ರತಿಸ್ಪರ್ಧಿಯಾಗಿರಲಿದೆ. ಇದರಂತೆ ನಿರ್ವಹಣೆ ಜತೆ ವಿನ್ಯಾಸಕ್ಕೆ ಅತಿ ಹೆಚ್ಚು ಪ್ರಾಧಾನ್ಯತೆ ಕೊಡಲಾಗಿದೆ.

ಈ ಮೂಲಕ ಹೆಚ್ಚು ಸಾರ್ವತ್ರಿಕ, ಕಡಿಮೆ ವೈಭವ ಹಾಗೂ ಕ್ರಾಸ್ಒವರ್ ವಿಭಾಗದ ಮಾದರಿಗಳನ್ನು ಪರಿಚಯಿಸಲು ಜಾಗ್ವಾರ್‌ಗೆ ನೆರವಾಗಲಿದೆ. ಇನ್ನೊಂದೆಡೆ ಲ್ಯಾಂಡ್ ರೋವರ್ ಬೃಹತ್ತಾದ, ಆಫರ್ ರೋಡ್ ಹಾಗೂ ಐಷಾರಾಮಿ ಎಸ್‌ಯುವಿಗಳತ್ತ ಗಮನ ಕೇಂದ್ರಿಕರಿಸಿದೆ.

ಅಂದ ಹಾಗೆ ಜಾಗ್ವಾರ್ ಸಿ-ಎಕ್ಸ್17, ಲ್ಯಾಂಡ್ ರೋವರ್‌ನ ಟರ್ಬೊಚಾರ್ಜ್ಡ್, ಫೋರ್ ಸಿಲಿಂಡರ್ ಇಗ್ನೆನಿಯಂ ರೇಂಜ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, ಕಡಿಮೆ ಕಾರ್ಬನ್ ಡೈಓಕ್ಸೈಡ್ ಹೊರಸೂಸಲಿದೆ.