ಡಸ್ಟರ್, ಟೆರನೊ, ಸಫಾರಿ ಹಿಂದಿಕ್ಕಿದ ಸ್ಕಾರ್ಪಿಯೊ

ಇದೀಗಷ್ಟೇ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿರುವ ಹೊಸ ತಲೆಮಾರಿನ ಸ್ಕಾರ್ಪಿಯೊ ಮಾರಾಟದ ವಿಚಾರದಲ್ಲೂ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ವರದಿಗಳ ಪ್ರಕಾರ ಮಹೀಂದ್ರ ಸ್ಕಾರ್ಪಿಯೊ, ತನ್ನ ಪ್ರತಿಸ್ಪರ್ಧಿಗಳಾದ ರೆನೊ ಡಸ್ಟರ್, ನಿಸ್ಸಾನ್ ಟೆರನೊ ಹಾಗೂ ಟಾಟಾ ಸಫಾರಿ ಸ್ಟ್ರೋಮ್ ಮಾರಾಟವನ್ನು ಹಿಂದಿಕ್ಕಿದೆ. ಆದರೆ ಇಲ್ಲಿ ಗಮನಾರ್ಹ ಸಂಗತಿಯೆಂದರೆ ಸೆಪ್ಟೆಂಬರ್ ತಿಂಗಳಲ್ಲೇ ಸ್ಕಾರ್ಪಿಯೊ ಎಂಟ್ರಿ ಕೊಟ್ಟರೂ ಸಹ ಹಳೆ ಸ್ಕಾರ್ಪಿಯೊ ಮಾರಾಟ ಕುದುರಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಸಾಮಾನ್ಯವಾಗಿ ಹೊಸ ಮಾದರಿಯೊಂದು ಮಾರುಕಟ್ಟೆಗೆ ಎಂಟ್ರಿ ಕೊಡುವಾಗ ಸಹಜವಾಗಿಯೇ ಹಳೆ ಮಾದರಿಯ ಬೇಡಿಕೆ ಕುಂದುತ್ತದೆ. ಆದರೆ ಸ್ಕಾರ್ಪಿಯೊ ವಿಚಾರದಲ್ಲಿ ಫಲಿತಾಂಶ ಭಿನ್ನವಾಗಿದೆ.

2014 ಸೆಪ್ಟೆಂಬರ್ 25ರಂದು ಬಿಡುಗಡೆಯಾಗಿರುವ ಹೊಸ ತಲೆಮಾರಿನ ಸ್ಕಾರ್ಪಿಯೊ ಪ್ರಾರಂಭಿಕ ಬೆಲೆ 7.98 ಲಕ್ಷ ರು.ಗಳಾಗಿದೆ. ಇದು ಐದು ವೆರಿಯಂಟ್‌ಗಳಲ್ಲಿ ಲಭ್ಯವಿರಲಿದೆ.