ಬರಿದಾಯ್ತು ಸ್ಪೈಕರ್; ಸ್ಪೋರ್ಟ್ಸ್ ಕಾರಿನ ಭವಿಷ್ಯ ಎತ್ತ?

ಹಾಲೆಂಡ್ ಮೂಲದ ಕ್ರೀಡಾ ಕಾರು ಉತ್ಪಾದಕ ಸಂಸ್ಥೆಯಾಗಿರುವ ಸ್ಪೈಕರ್, ಭಾರಿ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದು, ಸಾಲದ ಸುಳಿಗೆ ಮುಳುಗಿದೆ ಎಂಬುದನ್ನು ಸಂಸ್ಥೆಯೇ ಘೋಷಿಸಿದೆ.

ಇದನ್ನು ಸಂಸ್ಥೆಯ ಸ್ಥಾಪಕರಾಗಿರುವ ವಿಕ್ಟರ್ ಮುಲ್ಲರ್ ಘೋಷಿಸಿದ್ದಾರೆ. ಹಾಗಿದ್ದರೂ ನಿರೀಕ್ಷೆ ಕೈಬಿಡದ ಅವರು ಹೂಡಿಕೆದಾರರು ತಮ್ಮ ಸಂಸ್ಥೆಯನ್ನು ಮೇಲೆತ್ತುವ ಭರವಸೆ ವ್ಯಕ್ತಪಡಿಸಿದ್ದಾರೆ.

ಈಗಿನ ಪರಿಸ್ಥಿತಿ ಗಮನಿಸಿದಾಗ, "ಇದು ಅಂತ್ಯವಲ್ಲ. ಇದು ಮುಕ್ತಾಯದ ಆರಂಭ ಕೂಡಾ ಅಲ್ಲ. ಆರಂಭದ ಮುಕ್ತಾಯವಾಗಿದೆ" ಎಂದಿದ್ದಾರೆ.

ಸ್ಪೈಕರ್ ಬಗ್ಗೆ ಒಂದಿಷ್ಟು...
1999ನೇ ಇಸವಿಯಲ್ಲಿ ಸ್ಥಾಪನೆಯಾಗಿರುವ ಸ್ಪೈಕರ್ ಎನ್.ವಿ. ಹಾಲೆಂಡ್ ಮೂಲದ ಆಟೋಮೊಬೈಲ್ ಸಂಸ್ಥಯಾಗಿದ್ದು, ಹೈ ಎಂಡ್ ಕ್ರೀಡಾ ಕಾರುಗಳಲ್ಲಿ ಉತ್ಪಾದಿಸುತ್ತಿದೆ. ಇದರ ಕೇಂದ್ರ ಕಚೇರಿ ಹಾಲೆಂಡ್‌ನ ಝಿವೊಲ್ಡೆದಲ್ಲಿ ಸ್ಥಿತಗೊಂಡಿದೆ.