ಇನ್ನು ನ್ಯಾನೋ ಆಗಲಿದೆ 'ಸ್ಮಾರ್ಟ್ ಸಿಟಿ ಕಾರು'

ವಿಶ್ವದ ಅತಿ ಅಗ್ಗದ ಕಾರೆಂಬ ಪ್ರಖ್ಯಾತಿ ಗಿಟ್ಟಿಸಿಕೊಂಡಿರುವ ಅಂತೆಯೇ ದೇಶದ ಹಲವಾರು ಮಧ್ಯಮ ವರ್ಗದ ಕುಟುಂಬದ ಕಾರೆಂಬ ಕನಸನ್ನು ನನಸಾಗಿಸಿರುವ ಟಾಟಾ ನ್ಯಾನೋ ಸದ್ಯದಲ್ಲೇ ಹೊಸ ರೂಪ ಪಡೆದುಕೊಳ್ಳಲಿದ್ದು, ಮುಂದಿನ ವರ್ಷದಿಂದ 'ಸ್ಮಾರ್ಟ್ ಸಿಟಿ ಕಾರು' ಎಂದೆನಿಸಿಕೊಳ್ಳಲಿದೆ.

ಈ ಬಗ್ಗೆ ಹೇಳಿಕೆ ಕೊಟ್ಟಿರುವ ಟಾಟಾ ಮೋಟಾರ್ಸ್ ಹಿರಿಯ ಉಪಾಧ್ಯಕ್ಷರಾಗಿರುವ ಗಿರೀಶ್ ವಾಗ್, 'ನ್ಯಾನೋ ಬ್ರಾಂಡಿಂಗ್ ವಿಚಾರದಲ್ಲಿ ಆಗಿರುವ ತಪ್ಪಿನಿಂದಾಗಿ ಮಾರಾಟದಲ್ಲಿ ಗಣನೀಯ ಕುಸಿತ ಕಂಡಿದೆ. ಇದು ಮುಂದಿನ ವರ್ಷದಲ್ಲಿ ಅಗ್ಗದ ಕಾರೆಂಬ ಬದಲು ಸ್ಮಾರ್ಟ್ ಕಾರೆನೆಸಿಕೊಳ್ಳಲಿದೆ' ಎಂದಿದ್ದಾರೆ.

ನ್ಯಾನೋ ಕಾರುಗಳ ಮೇಲೆನ ಅಪಪ್ರಚಾರವೇ ಅತಿ ಹೆಚ್ಚು ಹಿನ್ನಡೆಗೆ ಕಾರಣವಾಗಿದೆ. ಅನೇಕ ಮಂದಿ ನ್ಯಾನೋ ಟೆಸ್ಟ್ ಡ್ರೈವ್ ಮಾಡುತ್ತಿದ್ದರೂ ಅಪಪ್ರಚಾರ ಆಲಿಸಿದಾಕ್ಷಣ ತಮ್ಮ ಯೋಜನೆ ಕೈಬಿಡುತ್ತಿರುವುದಾಗಿ ತಿಳಿಸಿದ್ದಾರೆ.