ಟಾಟಾ ಬ್ರಾಂಡ್ ಅಂಬಾಸಿಡರ್ ಆಗಲಿರುವ ಲಿಯೊನೆಲ್ ಮೆಸ್ಸಿ?

ವಾಹನೋದ್ಯಮ ಮೂಲಗಳಿಂದ ಲಭ್ಯವಾಗಿರುವ ಮಾಹಿತಿಗಳ ಪ್ರಕಾರ, ಲಿಯೊನೆಲ್ ಮೆಸ್ಸಿ ಈಗಾಗಲೇ ಸ್ಪೇನ್ ನಲ್ಲಿ ಟಾಟಾ ಮೋಟಾರ್ಸ್ ಶೂಟಿಂಗ್ ನಲ್ಲಿ ಭಾಗಿಯಾಗಿದ್ದಾರೆ.

ಟಾಟಾ ಮೋಟಾರ್ಸ್‌ನ ಮುಂಬರುವ ಬಹುನಿರೀಕ್ಷಿತ ಮಾದರಿಗಳಾಗಿರುವ ಕೈಟ್ ಹ್ಯಾಚ್ ಬ್ಯಾಕ್ ಹಾಗೂ ಕೈಟ್ ಕಾಂಪಾಕ್ಟ್ ಸೆಡಾನ್ ಕಾರುಗಳ ಪ್ರಚಾರಕ್ಕೆ ಮೆಸ್ಸಿ ಉತ್ತೇಜನ ತುಂಬಲಿದ್ದಾರೆ.

ಟಾಟಾ ಸಂಸ್ಥೆಯು ಮೆಸ್ಸಿ ಅವರನ್ನು ಮುಖ್ಯ ಪ್ರಚಾರ ರಾಯಭಾರಿಯನ್ನಾಗಿ ಮಾಡಿರುವುದರ ಹಿಂದೆ ಕಾರಣವೊಂದಿದೆ. ಇದು ಸಂಸ್ಥೆಯ ಮುಂಬರುವ ಜಾಗತಿಕ ಉತ್ಪನ್ನ ಕೈಟ್ ಮೇಲೆ ಇಟ್ಟಿರುವ ನಂಬಿಕೆಯನ್ನು ತೋರಿಸುತ್ತಿದೆ.

ಅತಿ ನೂತನ ಫ್ಲ್ಯಾಟ್ ಫಾರ್ಮ್ ನಲ್ಲಿ ನಿರ್ಮಾಣವಾಗಿರುವ ಟಾಟಾ ಕೈಟ್, ವರ್ಷಾಂತ್ಯದಲ್ಲಿ ಮಾರುಕಟ್ಟೆ ತಲುಪುವ ನಿರೀಕ್ಷೆಯಿದೆ. ಇದು 1.05 ಲೀಟರ್ ತ್ರಿ ಸಿಲಿಂಡರ್ ಕಾಮನ್ ರೈಲ್ ಡೀಸೆಲ್ ಎಂಜಿನ್ ಪಡೆದುಕೊಳ್ಳಲಿದ್ದು, 140 ಎನ್‌ಎಂ ತಿರುಗುಬಲದಲ್ಲಿ 64.1 ಅಶ್ವಶಕ್ತಿ ಉತ್ಪಾದಿಸಲಿದೆ. ಹಾಗೆಯೇ ಮಗದೊಂದು 1.2 ಲೀಟರ್ ಪೆಟ್ರೋಲ್ ಎಂಜಿನ್ ಸಹ ಕಾಣಿಸಿಕೊಳ್ಳಲಿದೆ.

ನಾಲ್ಕು ಲಕ್ಷ ರು.ಗಳ ಅಸುಪಾಸಿನಲ್ಲಿ ಬಿಡುಗಡೆಯಾಗಲಿರುವ ಟಾಟಾ ಕೈಟ್ ಗುಜರಾತ್ ನ ಸನಂದ್ ಘಟಕದಲ್ಲಿ ನಿರ್ಮಾಣವಾಗಲಿದ್ದು, ಮಾರುತಿ ಸೆಲೆರಿಯೊ ಹಾಗೂ ಹ್ಯುಂಡೈ ಗ್ರಾಂಡ್ ಐ10 ಮಾದರಿಗಳಿಗೆ ಪ್ರತಿಸ್ಪರ್ಧೆಯೊಡ್ಡಲಿದೆ.

ಇಟಲಿಯ ಮ್ಯಾಗ್ನೆಟಿ ಮರೆಲ್ಲಿ ಸಹಯೋಗದಲ್ಲಿ ನೂತನ ಕೈಟ್ ಕಾರಲ್ಲೂ ಆಟೋಮ್ಯಾಟಡ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ ಆಳವಡಿಕೆಯಾಗಲಿದೆ. ಒಟ್ಟಿನಲ್ಲಿ ಮೆಸ್ಸಿ ಎಂಟ್ರಿಯೊಂದಿಗೆ ಜಾಗತಿಕ ಮಟ್ಟದಲ್ಲೂ ಟಾಟಾ ತನ್ನ ಪ್ರತಿಷ್ಠೆಯನ್ನು ವೃದ್ಧಿಸಲಿದೆ.

ಟಾಪ್ 10 ಫುಟ್ಬಾಲ್ ಆಟಗಾರರ ಕಾರು ಸಂಗ್ರಹಗಳು - ಮುಂದಕ್ಕೆ ಓದಲು ಕ್ಲಿಕ್ಕಿಸಿ