2015ರಲ್ಲಿ ಮಸೆರೆಟಿ ಭಾರತಕ್ಕೆ ಪುನರಾಗಮನ

ಇಟಲಿಯ ಐಷಾರಾಮಿ ಕಾರು ತಯಾರಿಕ ಸಂಸ್ಥೆಯಾಗಿರುವ ಮಸೆರೆಟಿ ಭಾರತಕ್ಕೆ ಭರ್ಜರಿ ಪುನರಾಗಮನ ಮಾಡುವ ತವಕದಲ್ಲಿದೆ. ದೇಶದ ಆಗಾಧ ಮಾರುಕಟ್ಟೆ ಸಾಮರ್ಥ್ಯವನ್ನು ಮನಗಂಡಿರುವ ಇಟಲಿಯ ಪ್ರೀಮಿಯಂ ಸಂಸ್ಥೆಯಿಂದ ಇಂತಹದೊಂದು ಸ್ವಾಗತಾರ್ಹ ಬೆಳವಣೆಗೆ ಕಂಡುಬಂದಿದೆ.

ಈ ಹಿಂದೆಯೂ ಭಾರತಕ್ಕೆ ಎಂಟ್ರಿ ಕೊಟ್ಟಿದ್ದ ಫೆರಾರಿ ಸಂಬ್ ಬ್ರಾಂಡ್ ಆಗಿರುವ ಮಸೆರೆಟಿ ಕಾರಣಾಂತರಗಳಿಂದಾಗಿ ಹಿಂದಕ್ಕೆ ಸರಿದಿತ್ತು. ಈಗ ಬೃಹತ್ ಯೋಜನೆ ಹೊಂದಿರುವ ಸಂಸ್ಥೆಯು 2015 ಮಧ್ಯಂತರ ಅವಧಿಯಲ್ಲಿ ಪುನರಾಗಮನ ಮಾಡಿಕೊಳ್ಳುವ ಇರಾದೆ ಹೊಂದಿದೆ.

ಹಾಗಿದ್ದರೂ ಭಾರತದಲ್ಲಿ ಮಸೆರೆಟಿ ಕಾರುಗಳು ಮಾರಾಟ ಪಾಲುದಾರಿಕೆ ಯಾರು ಪಡೆಯಲಿದ್ದಾರೆ ಎಂಬುದು ಇನ್ನೂ ಖಚಿತವಾಗಿಲ್ಲ. ಈ ಬಗ್ಗೆ ಸಂಸ್ಥೆಯಿಂದ ಅಧಿಕೃತ ಪ್ರಕಟಣೆಯನ್ನು ನಿರೀಕ್ಷಿಸಲಾಗುತ್ತಿದೆ.