ನ್ಯೂಯಾರ್ಕ್ ಶೋಗಿಂತ ಮುನ್ನ ಜಾಗ್ವಾರ್ ಎಕ್ಸ್‌ಎಫ್ ಅನಾವರಣ

ಟಾಟಾ ಮೋಟಾರ್ಸ್ ಅಧೀನತೆಯಲ್ಲಿರುವ ಬ್ರಿಟನ್ ಮೂಲದ ಐಕಾನಿಕ್ ಸಂಸ್ಥೆಯಾಗಿರುವ ಜಾಗ್ವಾರ್, ಮುಂಬರುವ ನ್ಯೂಯಾರ್ಕ್ ಆಟೋ ಶೋಗಿಂತಲೂ ಮುಂಚಿತವಾಗಿ ಬಹುನಿರೀಕ್ಷಿತ ಎಕ್ಸ್‌ಎಫ್ ಮಾದರಿಯನ್ನು ಅನಾವರಣಗೊಳಿಸಲಿದೆ.

ವರದಿಗಳ ಪ್ರಕಾರ ಜಾಗ್ವಾರ್ ಎಕ್ಸ್‌ಎಫ್ ಮಾದರಿಯು ಇದೇ ಬರುವ 2015 ಮಾರ್ಚ್ 24ರಂದು ಲಂಡನ್‌ನಲ್ಲಿ ಅನಾವರಣಗೊಳ್ಳಲಿದೆ. ತದಾ ಬಳಿಕವಷ್ಟೇ ನ್ಯೂಯಾರ್ಕ್ ಪ್ರದರ್ಶನ ಕಾಣಲಿದೆ.

ಅತ್ಯಂತ ಸೊಗಸಾದ ಹಾಗೂ ಸುಂದರ ವಿನ್ಯಾಸವು ಜಾಗ್ವಾರ್ ಪ್ರೇಮಿಗಳ ಮನ ಸೆಳೆಯಲಿದೆ. ಅಂತೆಯೇ 2.0 ಪೆಟ್ರೋಲ್ ಹಾಗೂ ಡೀಸೆಲ್ ಎಂಜಿನ್ ಹೊಂದುವ ಸಾಧ್ಯತೆಯಿದೆ.

ಅಂದ ಹಾಗೆ ಪ್ರತಿಷ್ಠಿತ 2015 ನ್ಯೂಯಾರ್ಕ್ ಆಟೋ ಶೋ ಎಪ್ರಿಲ್ 01ರಂದು ಆರಂಭವಾಗಲಿದೆ. ಪ್ರಸ್ತುತ ಮಾದರಿಯು ಭಾರತಕ್ಕೆ ಬಂದರೆ ಅಚ್ಚರಿಪಡಬೇಕಾಗಿಲ್ಲ.