Click it and Unblock the Notifications
ಆರ್ಮಿ ಪರೀಕ್ಷೆ ಪಾಸ್ ಮಾಡಿದ ಸಫಾರಿ ಸ್ಟ್ರೋಮ್, ಸ್ಕಾರ್ಪಿಯೊ
ಭಾರತೀಯ ಸೇನೆಯು ಹೊಸತಾದ ಟೆಂಡರ್ ಕರೆದಿದ್ದು, ಇದರಂತೆ ಅತ್ಯಂತ ಕಠಿಣ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದುವಲ್ಲಿ ಟಾಟಾ ಸಫಾರಿ ಸ್ಟ್ರೋಮ್ ಹಾಗೂ ಮಹೀಂದ್ರ ಸ್ಕಾರ್ಪಿಯೊ ಯಶಸ್ವಿಯಾಗಿದೆ.
ವಾಹನ ವಿತರಣೆಗೆ ಸಂಬಂಧಿಸಿದಂತೆ ಸದ್ಯದಲ್ಲೇ ಹೊಸ ಬಿಡ್ ಕರೆಯಲಿರುವ ಭಾರತೀಯ ಸೇನೆಯು 500 ಕೋಟಿ ರು.ಗಳಿಂದ 750 ಕೋಟಿ ರು.ಗಳ ವರೆಗಿನ ಒಪ್ಪಂದಕ್ಕೆ ಸಹಿ ಹಾಕಲಿದೆ.
ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಇದುವರೆಗೆ ಸೇನೆಯು ಮಾರುತಿ ಸುಜುಕಿ ಜಿಪ್ಸಿ ಹಾಗೂ ಮಹೀಂದ್ರ ಕಮಾಂಡರ್ ವಾಹನಗಳನ್ನು ಬಳಕೆ ಮಾಡಲಾಗಿತ್ತು. ಆದರೆ ಇವೆರಡು ಗರಿಷ್ಠ 500 ಕೆ.ಜಿ ಭಾರವನ್ನಷ್ಟೇ ಹೊತ್ತುಕೊಂಡು ಹೋಗುವ ಸಾಮರ್ಥ್ಯ ಹೊಂದಿತ್ತು.
ಆದರೆ ಸೈನ್ಯಯು ಈಗ ಜನರಲ್ ಸರ್ವೀಸ್ ಭಾಗವಾಗಿ 800 ಕೆ.ಜಿ ಭಾರವನ್ನು ಹೊತ್ತುಕೊಂಡು ಹೋಗುವ ವಾಹನಗಳ ಹುಡುಕಾಟದಲ್ಲಿದೆ. ಇದರಂತೆ ಎರಡು ವರ್ಷಗಳ ಹಿಂದೆಯೇ ಫೋರ್ಡ್, ಹೋಂಡಾ, ಟೊಯೊಟಾ ಸೇರಿದಂತೆ 15 ಸಂಸ್ಥೆಗಳು ಪ್ರಾರಂಭಿಕ ಮಾತುಕತೆಯಲ್ಲಿ ಭಾಗಿಯಾಗಿದ್ದರೂ ಕೇವಲ ಟಾಟಾ ಮೋಟಾರ್ಸ್ ಮತ್ತು ಮಹೀಂದ್ರ ಆಂಡ್ ಮಹೀಂದ್ರ ಕೊನೆಯ ಹಂತದ ವರೆಗೂ ತಲುಪುವಲ್ಲಿ ಯಶ ಕಂಡಿದೆ.
ಸೈನ್ಯವು ಎಸಿ ಹಾಕಿಸಿ ಗರಿಷ್ಠ 800 ಕೆ.ಜಿ ಭಾರವನ್ನು ಸಾಗಿಸುವ ವಾಹನಗಳನ್ನು ಎದುರು ನೋಡುತ್ತಿದೆ. ಹಾಗೊಂದು ವೇಳೆ ಬಿಡ್ ಗೆಲ್ಲುವಲ್ಲಿ ಯಶಸ್ವಿಯಾದ್ದಲ್ಲಿ ಟಾಟಾ ಹಾಗೂ ಮಹಿಂದ್ರ ಪಾಲಿಗಿದು ದೊಡ್ಡ ಯಶಸ್ಸನ್ನು ನೀಡಲಿದೆ.
Continue with Google