ಫೋಕ್ಸ್‌ವ್ಯಾಗನ್ ಮೋಸದಾಟ ಬಯಲಿಗೆಳೆದಿದ್ದು ಭಾರತೀಯ!

ಈಗ ಜಗತ್ತಿನ ಅತಿ ದೊಡ್ಡ ಕಳ್ಳಾಟವನ್ನು ಪತ್ತೆ ಹಚ್ಚುವಲ್ಲಿ ಅಮೆರಿಕದ ಸಂಶೋಧಕರು ಯಶಸ್ವಿಯಾಗಿದ್ದಾರೆ. ಇವರಲ್ಲಿ ಓರ್ವ ಭಾರತೀಯ ಮೂಲದವರಾದ ಮೆಕ್ಯಾನಿಕಲ್ ಎಂಜಿನಿಯರ್ ಹಾಗೂ ಸಂಶೋಧಕರಾಗಿರುವ ಅರವಿಂದ ತಿರುವೆಂಗದಮ್ ಆಗಿದ್ದಾರೆ.

ವೆಸ್ಟ್ ವರ್ಜಿನಿಯಾ ವಿಶ್ವವಿದ್ಯಾಲಯದ ಪರ್ಯಾಯ ಇಂಧನ, ಎಂಜಿನ್ ಮತ್ತು ಎಮಿಷನ್ ಕೇಂದ್ರದಲ್ಲಿ ಸಂಶೋಧಕ ಎಂಜಿನಿಯರ್ ಆಗಿರುವ 32ರ ಹರೆಯದ ಅರವಿಂದ್ ಮತ್ತು ಅವರ ಇನ್ನಿತರ ಇಬ್ಬರು ಸಂಶೋಧಕರು (ಡ್ಯಾನಿಯಲ್ ಕಾರ್ಡರ್, ಮಾರ್ಕ್ ಬೆಷ್) ಒಟ್ಟು ಸೇರಿ ಅಂತರಾಷ್ಟ್ರೀಯ ಸಮಿತಿಯ ಪ್ರಸ್ತಾವಣೆ ಮೆರೆಗೆ ಕೂಲಂಕುಷವಾದ ಪರೀಶೀಲನೆಯನ್ನು ಹಮ್ಮಿಕೊಂಡಿದ್ದರು.

ಈ ವರೆಗೆ ಸಿಕ್ಕಿ ಬಿದ್ದ ಕಾರುಗಳು

ಜೆಟ್ಟಾ (2009-2015),

ಬೀಟ್ಲ್ (2009-15),

ಗಾಲ್ಫ್ (2009-15),

ಪಸ್ಸಾಟ್ (2014-15),

ಆಡಿ ಎ3 (2009-15)

ಸಂಶೋಧಕರ ಪ್ರಕಾರ, ಪ್ರಯೋಗಾಲಯದಲ್ಲಿ ಉಗುಳುತ್ತಿದ್ದ ಪ್ರಮಾಣಕ್ಕಿಂತಲೂ 15ರಿಂದ 35ರಷ್ಟು ಪಟ್ಟು ಹೆಚ್ಚು ಮಾಲಿನ್ಯವನ್ನು ನೈಜ ರಸ್ತೆ ಪರಿಸ್ಥಿತಿಯಲ್ಲಿ ಉಗುಳುತ್ತಿತ್ತು ಎಂಬುದನ್ನು ಪತ್ತೆ ಹಚ್ಚಲಾಗಿದೆ. ಇದಕ್ಕಾಗಿ ವಿಶೇಷ ಸಾಫ್ಟ್‌ವೇರ್ ತಂತ್ರಾಂಶವನ್ನು ಆಳವಡಿಸಲಾಗಿತ್ತು.

ವಿಶ್ವದ್ಯಾಂತ ಒಟ್ಟು 1.10 ಕೋಟಿ ಫೋಕ್ಸ್ ವ್ಯಾಗನ್ ಡೀಸೆಲ್ ಕಾರುಗಳಲ್ಲಿ ತೊಂದರೆ ಕಾಣಿಸಿಕೊಂಡಿರುವ ಬಗ್ಗೆ ಶಂಕೆ ವ್ಯಕ್ತವಾಗಿದೆ. ನಿಮ್ಮ ಮಾಹಿತಿಗಾಗಿ ಪೋರ್ಷೆ, ಲಂಬೋರ್ಗಿನಿ, ಬೆಂಟ್ಲಿ, ಸ್ಕೋಡಾ, ಆಡಿ, ಸಿಯೆಟ್ ಗಳಂತಹ ಜನಪ್ರಿಯ ಮಾದಿರಗಳು ಫೋಕ್ಸ್ ವ್ಯಾಗನ್ ಸಂಸ್ಥೆಯ ಅಧೀನತೆಯಲ್ಲಿದ್ದು, ಮತ್ತಷ್ಟು ಭೀತಿ ಹಬ್ಬಲು ಕಾರಣವಾಗಿದೆ. ಪ್ರಸ್ತುತ ಭಾರತದಲ್ಲಿ ಬಿಎಸ್‌4 ಮಾಲಿನ್ಯ ಮಾನದಂಡ ಜಾರಿಯಲ್ಲಿದ್ದು, ಅಗತ್ಯ ಬಿದ್ದಲ್ಲಿ ತನಿಖೆ ನಡೆಸುವುದಾಗಿ ಸರಕಾರ ತಿಳಿಸಿದೆ.